mánadagur 10. oktober 2016síða 44

VIKA 41 • 10. OKTOBER 2015 4 TEMA Bilar ÓKEYPIS LÝSINGARBLAÐ Japanskur dreyma­ bilur í Klaksvík Jóhan Thomsen í Klaksvík hevur fingið ein 25 ára gamlan Mitsubishi GTO VR4 úr Japan. Bilurin, sum er í sera góðum standi, varð keyptur á japanskari uppboðssølu og fluttur til Føroya B ert stívliga 4000 bilar vóru gjørdir av modellinum Mitsubishi GTO VR4 tíðliga í 1990’unum, og nú koyrir ein av hesum sjáldsomu bilum í Klaksvík. Tað er Jóhan Thomsen, sum hevur inn­flutt bilin úr Japan, har hann keypti hann á uppboðssølu. – Tá ið eg var ungur drongur, vóru tveir Mitsubishi Starion í Klaksvík, og teir gjørdu inntrykk. Teir eru ein týðandi orsøk til, at eg fekk hug at finna mær ein Mitsubishi GTO, sum er av­loysarin hjá Starion bilunum, sigur Jóhan Thomsen. Saman við japanska bila­út­flytar­ an­um Masahiko leitaði Jóhan í tvey ár eftir einum Mitsubishi GTO VR4, sum er luksus­útgávan av GTO bilunum. Jóhan vildi hava ein bil, sum var í góðum standi, var í uppruna­út­gávu og ikki hevði koyrt ov nógvar kilo­metrar. Hetta gjørdi tað sera trupult at finna ein bil, tí teir eru framman­undan sjáld­samir og ringir at fáa fatur á. Í Europa var bilurin seldur undir navn­inum 3000 GT, men japansku GTO bilarnir vóru betri út­gjørdir og høvdu størri motor, og tí vildi Jóhan hava ein av japansku bilunum. Funnu dreymabilin Á várið í fjør kom ein bilur undan kavi í Tokio. Bilurin hevði bert havt ein eigara, var í sera góðum standi og hevði bert koyrt 121.000 kilometrar. Í Japan eru reglarnar tær, at tað er ikki loyvt at selja bilar privat. Teir skulu seljast umvegis eina upp­boðs­ sølu. Eigarin av GTO VR4 bilinum var sinnaður at selja hann á upp­boðs­sølu, men Jóhan og japanski hjálpar­maðurin høvdu onga trygd fyri, at teir kundu vinna uppboðssøluna. – Í grundini roknaðu vit ikki við, at vit fóru at fáa bilin, tí hann var í so góðum standi, og vit roknaðu við, at eftir­spurning­urin fór at verða stórur, og prísurin fór at rúka í topp, greiðir Jóhan frá. – Vit bjóðaðu upp á ein annan GTO bil eisini. Tann bilurin var ikki í eins góðum standi, og vit hildu, at vit høvdu størri møgu­leika at fáa hendur á honum. Endin var tó, at Jóhan og Masahiko vunnu upp­boðs­søluna av tí betra GTO bilinum, og fegnir vóru teir. – Vit vóru ovfarnir av, at vit vunnu upp­boðs­søluna, og eg fekk fatur á bilinum fyri eina stak rímiliga upp­ hædd. Onkurvegna vóru vit bara sera hepnir við hesari uppboðssøluni, sigur Jóhan. Í Japan eru bilarnir høgrastýrdir, men tað hevur Jóhan ongantíð mett sum nakran trupul­leika. Hann vildi sera fegin hava fatur á einum av japansku GTO modellun­um, og tað lukkaðist honum. Bilur sum ítriv Japanski bilurin hjá Jóhan var fluttur úr Japan til Bremerhaven í Týsklandi. Har tók Safari Transport um endan og flutti bilin til Føroya. – Tað er fitt av pappírsarbeiði at inn­flyta ein bil úr Japan til Føroya, men tað gekk væl, tí øll skjøl vóru í lagi. Tað hjálpti væl, at bilurin kom frá einum góð­kendum bila­út­flytara í Japan, sigur Jóhan Thomsen. Tá ið GTO bilurin kom til Føroya var hann beint undir 25 ár, sum er markið fyri at skráseta bilar sum ellis­akfar, og tí bíðaði Jóhan við at skráseta bilin, til hann var farin um tey 25 árini. Tað var gjørt fyri nøkrum vikum síðani, og síðani hevur Jóhan kunna koyrt bilin á føroyskum vegum. – Bilurin er at samanlíkna við eitt ítriv, og eg eri sera fegin um at hava fingið hann til landið. Bilurin er í fram­úr góðum standi bæði innan og uttan, eingin rust­blettur er á bilinum, og einki veruligt slit er í kabinuni. Eg ætli mær at ansa væl eftir bilinum, og hann hevur fingið Suvu rust­við­gerð frá Bilrøkt, so hann eisini kann standa seg ímóti føroyska veðurlagnum, sigur Jóhan Thomsen. – Avbjóðingin við at hava ein sjáld­ saman bil, sum er ellisakfar, er við­líka­ haldið, tí tað kann vera torført at fáa fatur á eykalutum, men eg havi vónir um, at tað fer at ganga, sigur Jóhan Thomsen. Og sambært honum er hetta neyvan seinasti bilurin, hann inn­flytur úr Japan. Hesin snøggi Mitsubishi GTO VR4 er nú heimahoyrandi í Klaksvík. Japanski luksusbilurin er keyptur á uppboðssølu í Japan og fluttur til Føroya Mitsubishi GTO VR4 er óvanliga væl útgjørdur til at verða gjørdur í 1991 Bilurin er í sera góðum standi bæði innan og uttan GTO bilurin hevur stóran motor – 3.0 V6 Twin Turbo og 320 hestar FAKTA Mitsubishi GTO VR4 Árgang 1991 Koyrt 123.000 km 3,0 V6 Twin Turbo 320 hk 4 hjóls trektur 4 hjóls stýring Aktivan undirvogn El-stýrdar stoytdoyvarar 2-trin ljóðdoyving á útstoyti El setur El rútar Cruise Control