mánadagur 10. oktober 2016síða 63

VIKA 41 • 10. OKTOBER 2015 23 TEMA Bilar ÓKEYPIS LÝSINGARBLAÐ 23 Løðir bilin líka sum eina fartelefon – Eg fái nógvar spurningar, og til tíðir kann tykjast sum, at føroyingar ræðast el-bilar. Men hann er fantastiskur at koyra, sigur Høgni Heinesen, ið hevur fingið fleiri spurningar um el-bilar eftir, at hann keypti ein fyrr í ár Fólk sum hava sína vanliga gongd í Vágsbotni í Tórshavn hava seinastu tveir mánaðirnar møguliga varnast ein, í føroyskum høpi, óvanligan bil, ið er parkeraður í økinum. Talan er um ein Tesla bil av slagnum S P85, og er tað Høgni Heinesen, ið eigur bilin. – Eg havi altíð ynskt mær ein Tesla, so vit keyptu ein úr Norra fyri tveimum mánaðum síðan. Tað er besta landið at keypa frá, tí umframt at Norra er størsti marknaðurin hjá Tesla uttan­ fyri USA, eru el-bilar frítiknir frá MVG í Norra, so man sleppur undan øllum baksinum at fáa MVG'ið endur­ rindað. Man skal bara rinda MVG og gatt-tollin í Føroyum, sigur Høgni Heinesen. Tað kann ikki sigast, at el-bilar eru vorðin ein vanlig gerandis­mynd í Føroyum enn, og kendi mynda­maður­in greiðir eisini frá, at hann fær nógvar spurningar um bilin frá føroy­ing­um, ið eru áhugaðir at vita meira um ser­ staka bilin. – Eg fái nógvar spurningar, og til tíðir kann tykjast sum, at føroyingar ræðast el-bilar. Men hann er fan­ tastisk­ur at koyra, sigur Høgni Heine­ sen, ið greiðir frá, at fólk serliga vilja vita hvussu hann løðir bilin. – Tey spyrja um eg má hava eina løði­støð heima, men bilurin hevur faktiskt sín egna. Tað einasta, ið man hevur brúk fyri er ein stikkkontakt. Man løðir bilin líka sum man løðir eina fartelefon. Vanliga løðir Høgni Heinesen bilin eina ferð um vikuna, og plagar tað at vera meira enn nokk til at dekka teirra tørv. Høgni Heinesen hevur rindað 650.000 krónur fyri tvey ára gamla bilin, ið hevur 400 hestar og brúkar fýra sekund frá 0-100 km/t.