týsdagur 11. oktober 2016síða 14

Mikudagur 12. oktober 2016 · Nr. 117 14 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Tórsvøllur Tað var lagt upp til tann heilt stóran dagin í føroyskari landsliðssøgu, men endaði við einum tennis-tapið upp á 6-0. Cristiano Ronaldo vísti bara í løtum hví hann er kosin til heimsins besta fótbóltsspælara tríggjar ferðir, men Portugal vísti sum landslið hví teir eru evropameistarar. Vónbrotið lýsti úr eygun­ um á føroysku spæl­arunum, tá dómarin bríkslaði fyri seinastu ferð mánakvøldið. Orð sum »svikið«, »kollaps« »lorta­dag­ur«, »av­ smurd­ir« og »vána­ligir« eru millum orðini, sum spæl­ar­ar­ nir taka til eftir dystin. Allir vísa teir tó á góðu áskoðarnar og ikki minst Skansan, sum stuðl­aði liðnum líka til ljósini blivu sløkt á Tórs­vølli. Ronaldo, Ronaldo og Ronaldo Upptaktin til dystin bleiv ikki óvæntað ávirkað nógv av Cristiano Ronaldo. Tað var kaos á flogvøllinum, tá hann lendi leygarkvøldið, Hotel Føroyar mátti steingja hurðina, tí fólk vildu sleppa inn, fólk høvdu leiga kamar bara fyri at møta honum og so hevur hann eisini skrivað til fleiri føroyskar gentir. Ongantíð hevur áhugin fyri einum fótbóltsspælara verið so stór her, sum hesar dagarnar Cristiano Ronaldo hevur verið í landinum. Ein frammaná Eftir eitt hálvt ár við spenningini bríkslaði so dóm­arin fyri fyrstu ferð. Tað skuldi tó skjótt vísa seg, at evropa­meistararnir ikki vóru komnir her fyri at undir­ meta okkum. Longu aftaná 35 minuttir var dysturin avgjørdur. Í sínum bara fjórða lands­dysti skoraði André Silva hattrik. Tað tók luftina úr føroyska liðnum. Skrædl Føroyska liðið kom betri fyri seg í seinna hálv­leiki, men áhaldandi press­pæl og leitan eftir einum máli gjørdi, at Portugal kom til fleiri møgu­leikar. Fyrst skoraði Cristiano Ronaldo til 4-0, áðrenn Portu­gal í longdi leik­tíðini skoraði tvær ferðir. Eftir fýra stig og reint mál í tveimum dystum, so fingu við ein ordans frammaná móti evropa­meistarunum. Møði spældi inn Tað sást á okkara monnum, at teir høvdu spælt ein harðan dyst í Riga, meðan Portugal hevði tikið sær av løttum á heimavølli móti Andorra. Spælararnir royndi alt teir áttu á geva áskoðarunum ein góðan dyst, men fyri hørt mistak skoraði Portugal. Tað er lætt at siga í dag, at Lars Olsen kundi hava valt liðið øðrvísi, men tað hevði ikki broytt upp á útfallið, men vit hava enn trupul­ leikar við at spæla tveir dystir upp á so stutta tíð. Upp á hestin aftur Í november skulu vit spæla móti Sveis á útivølli. Teir vunnu fyrr í undan­ kappingini á Portugal, sum tá var uttan Cristiano Ronaldo. Vit hava fingið trý stig í tveimum dystum, har annar er á útivølli móti Lettlandi, meðan hin er á heima­vølli móti Portugal. Tað er meir enn góðkent, men harmligt at tað endar við skrædli í seinna dystinum. Nú mugu vit bara fyri­ reika okkum til tann dystin. trondur@sosialurin.fo Fjepparafelagið Skansin er okkara evropameistarar. Hóast evropameistararnir úr Portugal vístu sína styrki á vøllinum, so vísti Skansin og Tórsvøllur sín stuðul til landsliðið, sum hevur fingið sín fyrsta sekk síðani 2013. Hesin dysturin skal ikki mynda góðu gongdina seinnu árini, men er ein góðaávaring um, at einki kemur av sær sjálvum OKKARA EVROPA­ MEISTARAR Skansin: