hósdagur 13. oktober 2016síða 32

FRÍGGJADAGUR 14. OKTOBER 2016 SOSIALURIN 118 32 F ari heilsuríki Títt Nei, takk, álvaratos, hvat er hetta fyri nakað? Hvør tramin? Eg eri als ikki samdur við telefonina hjá mær, sigi eg bara, rópti hann. Hví, hvat bagir, hvat sigur hon, telefonin? Spurdi ein annar kløkkur. Hon sigur, at eg skal røra meg meira. Tað sigur hon. Tað sigur mín tíbetur ikki, svaraði hin. Røra seg meira. Vit sótu í einum hýruvogni. Nei, sum sagt, vit fáa ikki frið fyri hasari nýggju religiónini, sum ikki lovar sálarbót og ævigt lív, men fólkaheilsu og longri lív. Nú eitur tað fólka, annars hava vit manna­ rættindi, manntal, mannfall, manna­múgva, manna­ tunga, men ikki manna­ heilsu, nei,fólkaheilsu. Enn ein religión oman á allar hinar. Ein onnur eitur vist­frøði. Farið á heimasíðuna hjá Heilsu­frøðiligu starvsstovuni og lesið undir yvirskriftini afturkallingar. Vistfrøðin er full av lorti. Vit hava ivaleysa nógvar religiónir í Føroyum. Líka nógvar ov nógvar sum tær eru í tali. Kanska eru tær 49, 49 ov nógvar. Og tey nýfrelstu stríðast fyri at fáa okkum fleiri, til dømis islam. Tað er so deiligt við fjølbroytni, margmentan stimbrar. Fólkaheilsa. Tað, eg veit, hava nógvir føroyingar roynt blóðtøpp og liva enn. Men sjálvandi, sjálvandi, varð ein danskari boðsendur at fortelja føroyingum um blóðtøppar. Hvussu tað er at fáa ein ella fleiri slíkar, og hvussu lívið er aftaná. Vit senda jú eisini boð eftir donskum konum at læra føroyskar at binda. Tað næsta verður, at ein danskari verður boðsendur at læra føroyingar at drepa grind. Hvar er sjálvsálitið? Fór tað aftur við borðinum saman við teimum fýra árunum hjá Nyrupi. Føroyingar duga ikki at selja, heldur ikki sínar egnu blóðtøppar. Fólkaheilsan, jú, ger ikki hatta, et ikki hatta, royk ikki hatta, drekk ikki hatta, sit ikki har fyri fólkaheilsuguds skyld. Tú doyrt av tí. Koyr ikki, gang. Gang ikki, renn. Renn ikki, spinn. Er tað tað, tú vilt? Er tað tað, tú vilt, doyggja? Nei, ha. So kom á møti. Vit biðja fyri tær. Altargongd, brokkoli skolað niður við gularótarsaft. Far síðani beint heim í song, onga staðni inn á vegnum, so tú fært tínar átta pluss tímar í einari aðrari verð, dreymaverðini, og droym um fólkaheilsu. Fyri tað um Eva bjóðaði Ádami eitt økologiskt súrepli er ikki logiskt at siga, at súrepli eru so øgiliga sunn og skulu etast hvønn dag fyri at halda sjúkum burturi. Súreplið var ikki sunt fyri Evu og Ádam, als ikki. Gud varpaði tey langt út í kuldan. Tey fingu krím og doyðu bæði av lungnabruna við gríslandi tonnum. Lýsi var ikki uppfunnið tá. Tað besta og einasta veruliga góða fyri fólkaheilsuna er, at hon fær frið fyri profetum. Líka sum sálin eigur at fáa frið fyri sálarbøtarum. Ger ikki hatta og heldur ikki hatta og liv leingi. Tvætl. Ger alt tað, tú hevur hug til, og liv líka leingi ella longur. Fólkaheilsudagar, fólkaheilsuvikur, fólkaheilsa her og fólkaheilsa har. Fólkaheilsa My Ass. Vit fáa góða heilsu av at renna og renna skjótt undan øllum hasum fólkaheilsufanatismuni Og gevið so sjúkrahúsunum pengarnar. Tey eru altíð í penganeyð. Alt hatta um fólkaheilsu er sjúkligt. Tað er tín fólkarættur og mannarættur, sum geva góða fólkaheilsu. Og Rolling Stones eru, næstan, aftur har, sum teir byrjaðu fyri 54 árum síðani, ráir og skitnir blusarar. Hvussu annars við fólkaheilsuni har? Og drepur kirkjugarðurin í Sandavági alt grannalagið, verður sanniliga brúk fyri at byggja hann út, og pláss. Fari heilsuríki Títt Høgni Djurhuus fekk Móðurmáls­ viðurslønina 2012 Høgni Djurhuus MYND: HEINESEN MYNDIR Birgar Larsen Yrki: Barreigari – Bústaður: Tórshavn/Fuglafjørður Hvat ætlaði tú at blíva, tá ið tú bleivst vaksin? Klókari Hvat átti hitt kynið at vita um títt kyn? At vit ikki vilja broytast. Hvat áttu børn at vita um tað, at vera vaksin? At mann kann ikki fara út at spæla, tá mann hevur hug Hvat var tann seinasti dreymurin tú gjørdi til veruleika? Drakk okkurt, ið var eldri enn eg Um tú tordi, so hevði tú? sagt tað, sum eg hugsaði Hvat hevði gjørt heimin til eitt betri stað? Um eingir pengar vóru til Nær vart tú seinast veruliga ovfarin? Tá Føroyar vóru betur enn Letland í fótbólti Tað seinasta, tú hevur lært, er at… bilur er neyðugur at hava í Føroyum Tann støðugt ringa samvitskan snýr seg um at tú? Ikki dugi alt Enda setningin: Føroyar áttu… Føroyar áttu….. at spælt meiri defensivt ímóti Portugal :P