mánadagur 17. oktober 2016síða 15

15 Mánadagur 6. januar 2014 · Nr. 2 Sosialurin Mánadagur 17. oktober 2016 · Nr. 119 Hugskot og viðmerkingar – send sms til 225000 JÓHAN ER TOPPSKJÚTTI Í CHAMPIONS LEAGUE Bjerringbro-Silkeborg vann ótrúligan sigur í Champions League í gjár, og her var Jóhan á Plógv Hansen aftur ímillum teir bestu. Hann er toppskjútti hjá liðnum í kappingini Pætur Albinus FÓTBÓLTUR Jóan Símun Edmundsson spældi allan dystin á høgra vongi, tá ið OB í gjár var á vitjan hjá Randers í donsku Super­lig­uni. Brandur Hend­ riks­son var ikki við í hóp­in­ um hjá Randers, sum vann greitt 3-0 eftir at hava verið á odda 1-0 í hálv­leiks­steðgin­ um. Tað gongur veru­liga av skriðuni hjá OB, sum við sjey tapum í átta dystum er á næstaftasta plássi í Superliguni. Teir hava 10 stig fyri 13 dystir. Eisini Hallur Hansson fekk allan dystin á vøllinum, tá ið hann og liðfelagarnir úr AC Horsens hesaferð vóru á vitjan í Århus hjá AGF. Bubacar Sanneh legði gestirnar á odda í fyrra hálvleiki, men í seinna hálvleiki javnaði Danny Olsen til endaliga úrslitið, 1-1. AC Horsens er á áttanda plássi, tvey stig frá 6. plássi, sum gevur atgongd til endaspælið. OB, sum hevur venjaran Kent Nielsen undir stórum trýsti, fær tað als ikki lættari næsta umfar. Tá fáa teir nevniliga vitjan av suverena oddaliðnum, FCK. AC Horsens og Hallur Hansson fáa vitjan av Randers, sum hevur ilt við at geva pláss til Brand Hendriksson í hópinum, hóast teir herfyri skrivaðu trý ára sáttmála við hann. Hesir dystirnir verða báðir spældir sunnudagin. Kent Nielsen viðgongur sjálvur, at tað er trýst á honum, men at hann metir orsøkina til vánaligu gongdina vera, at tað manglar góðska í avrikunum á vøllin­um. Trýstið er tó ikki fremmant fyri hann. – Ein er trýstur sum høvuðsvenjari. Tað var eg eisini í Horsens, Brøndby og AaB. Tað er ein partur av spælinum frá degi eitt. Tað koma altíð nøkur tíðarskeið, har fólk seta spurnartekin, sigur OB-venjarin við indkast.dk. Heini Vatnsdal spældi allan dystin í miðverjuni, tá ið Fremad Amager sunnudagin spældi á útivølli ímóti einum av teimum fremru liðunum, FC Helsingør. Úrtøkan hjá Amager-liðnum gjørdist eitt stig umvegis ein 2-2-javnleik. Fremad Amager hevur nú 15 stig fyri 12 dystir, og eru teir sjey stig frá niðurflytingini og fimm stig frá 3. plássi, ið gevur spæl um uppflyting. René S. Joensen fekk ein góðan tíma á vøllinum, tá ið Vendsyssel FF í gjár spældi 0-0-javnleik á útivølli ímóti FC Fredericia. René spældi sum álopskendur miðvallari, men varð útskiftur tá ið góður tími var spældur. Hákun Edmundsson var á beinkinum. Við tí eina stiginum er Vendsyssel FF framvegis á triðja plássi, sum er við til at geva spæl um uppflyting. Vejle við Viljormi Davidsen hevur hinvegin ilt við at finna stevið í næstbestu donsku deildini eftir eina annars frálíka byrjan upp á kappingarárið. Hóskvøldið spældu teir á útivølli ímóti FC Roskilde, og her taptu teir 2-1. Hetta var fimta tap í seks dystum, og tað hevur havt við sær, at teir í løtuni eru triðaftast við 13 stigum fyri 12 dystir. Viljormur Davidsen var liðskipari hendan dystin, og hann spældi allan dystin á vinstra bakki. Brasilski miðvallarin, Ander­ son, sum árini 2008 til 2014 spældi við Mancheser United, er fyribils vorðin úti­hýstur í heim­lands­ felagnum Internacional, har hann nú spælir. Orsøkin er, at hann fór at berjast við liðfelagan, William, sum fekk eitt somikið hart slag, at hann fór at bløða. Bæði Anderson og William eru fyribils útihýstir meðan leiðslan roynir at finna eina loysn upp á trupulleikan. FLOGBÓLTUR Landskappingin í flogbólti er av álvara farin í gongd aftur, og um vikuskiftið var fult umfar í meistaradeildini hjá kvinnum. Dráttur fór við fullari skjáttu úr aftur Trongisvági við 3-0-sigri á TB (16-25, 19-25, 22-25), meðan hinar vágakvinnurnar, SÍ, fóru við ongum úr aftur høvuðsstaðnum eftir 0-3-tap ímóti Fleyr (25-19, 25-17, 25- 20). Heima í Kollafirði vunnu KÍF-kvinnurnar aftur 3-0, hesaferð við settúrslitunum 25-10, 25-20, 25-20 ímóti Ternuni. Eisini í meistaradeildini hjá monnum hava dystir verið hetta vikuskiftið. Fleyr heldur fram við góðu gongdini, tí leygardagin vunnu teir 3-0 ímóti SÍ á heimavølli. Settúrslitini vóru 25-18, 25-22 og 25-19. Á Toftum vann ÍF 3-1-sigur ímóti Ternuni. Har vóru settúrsltini 25-22, 23-25, 25-21, 25-19. HONDBÓLTUR Jóhan á Plógv Hansen heldur fram við at vísa stórspæl fyri danska meistarafelagið, Bjerringbro-Silkeborg. Í gjár høvdu teir vitjan av polska Wisla Plock í Champions League, og her gjørdist tað til danskan 33-24-sigur eftir eina hálv­leiks­leiðslu áljóðandi 18-14. Nikolaj Markussen og Michael V. Knudsen vóru topp­skjúttar við sjey málum, men Jóhan var ikki langt aftanfyri. Hann skeyt seks. Jóhan á Plógv Hansen er toppskjútti hjá Bjerringbro- Silkeborg í Champions League við 23 málum, meðan ein annar kendur stórskjútti, Nikolaj Markussen, hevur skotið 20. Bjerringbro- Silkeborg er í løtuni á einum deildum 3. plássi í Champions League-bólki B. Teir hava fýra stig fyri fýra dystir í hesum bólkinum, sum annars er mettur at vera ógvuliga trupul. Hini liðini eru Veszprem, FC Barcelona, Paris SG, Wisla Plock, Flensburg- Handewitt, Kadetten Schaffhausen og THW Kiel. Stórskjúttin hjá VÍF, Marianna Holm Jacobsen, hevur um viku­skiftið verið undir skurði fyri álvars­liga skaðan, ið heldur henni úti alt hetta kappingarárið. Talan er um eitt slitið kross­ band. Marianna boðar frá, at skurð­við­gerð­in gekst væl, at hon vónar at vera før fyri at spæla hond­bólt aftur komandi kappingarár. SÚKKLING Peter Sagan er framvegis heims­meistari í súkkling. Hetta heitið endur­vann hann sær í HM-kappingini í Katar, sum varð súkklað í gjár. Á 257,3 kilo­metrar langa teininum vóru tað 20 súkklarar, sum at enda kappaðust um heims­meist­ ara­troyggjuna, og her var tað enn eina­ferð 25 ára gamli spurtarin úr Slovakia, ið var kvik­astur og harvið frem­hald­andi sleppur at súkkla í eyð­kendu HM- stríputu troyggjuni. Mark Cavendish úr Isle of Man (Stórabretlandi) bleiv nummar tvey, meðan veteran­urin, 36 ára gamli Tom Boonen úr Belgia, gjørdist nummar trý. Danmark hevði annars eina framúrskrandi HM-kapping í Katar. Hjá unglingunum eydnaðist tað púra óvæntað Jakob Egholm at vinna gull, tá ið útbrotið hjá 18 ára gamla dronginum úr Holbæk helt allan vegin í hús. Hann vann við 15 sekundum niður til teir nærmastu eltararnar. Hetta var fyrsta unglinga HM-gull hjá Danmark síðan 1983. Eisini hjá kvinnum vann Danmark gull. Her var tað Amalie Didriksen, sum var kvikast í einum hóp-spurti. Tað hevur eitt drúgt kjak tikið seg upp um HM-kappingina í Katar. Orsøkin er, at tann ógvusligi hitin, aloftast smá 40 hitastig, elvdi til, at fleiri súkklarar smullu um við hitaslagi. Brian Cookson, forseti í altjóða súkklusambandinum, UCI, vísir tó øllum atfinningum aftur. Hann sigur, at fyriskipararnir vóru væl fyrireikaðir við serliga nógvum hjálparfólki, og at hitin ikki burdi komið sum eitt sjokk fyri nakran. Hann sigur, at hitin ikki var vandamikil, men at tað einans var ov vandamikið, sum súkklararnir ikki vóru nóg væl fyrireikaðir upp á hitan. TENNIS Caroline Wozniacki er við at fóta sær aftur, eftir at tað hevur gingist stak illa í longri tíð. Um vikuskiftið vann hon nevniliga WTA- kappingina í Hong Kong, har hon í finaluni vann 6-1, 7-6 ímóti Kristinu Mladenovic úr Fraklandi. Hetta var 25. WTA- kappingarsigurin hjá 26 ára gomlu Wozniacki, sum í 2010 var nummar eitt í heiminum, men í løtuni er nummar 22. Hon væntast tó at gera eitt stórt lop á listanum, tá ið hann verður dagførdur aftur í næsta mánaða. DART Remy G. Hansen vann báðar kappingarnar hjá monnum í dart um vikuskiftið. Hann vann bæði A-Cup og Cup- kappingina. Hjá kvinnunum gjørdi Gunnbjørg Dam reint borð. Hon vann báðar kappingarnar. Hetta var triðja FM kappingin av tíggju. STUTTSØGD TÍÐINDI