mánadagur 17. oktober 2016síða 16

Mánadagur 17. oktober 2016 · Nr. 119 Sosialurin Hugskot og viðmerkingar – send sms til 225000 16 HONDBÓLTUR Neli Heldarskarð Í fjør var spenningurin í FTZ-deildini ikki tann heilt stóri. H71 vann lætt­liga grundspælið, meðan VÍF bleiv liðið, sum streyk av­stað við seinna finalu­pláss­inum og seinni føroya­meist­ara­ heit­inum. Nú er fyrsti fjórð­ ing­urin av grund­spæl­inum farin aftur­um, og ikki kann sigast annað enn, at líkt er til, at kappingin í ár verður ómeta­liga spennandi. H71, VÍF, Kyndil, Neistin og KÍF hava øll átta stig, meðan langt er niður til aftastu lið­ ini, StÍF og Team Klaksvík, sum hava eitt stig. Mest spennandi og áhuga­ verdi dyst­urin hetta viku­ skift­ið varð spældur í Hoy­ víks­høllini, har finalu­lið­ini frá í fjør, H71 og VÍF, brustu sam­an. H71 bankaði VÍF Hoyvíkingar skuldu royna at koma aftur á røttu kós. Undan dystinum hevði H71 tapt báðar dystirnar áðrenn, sum vóru ímóti ávíkavist Neistanum og KÍF. VÍF kom eisini til Hoyvíkar við tapi í viðførinum, tí fyri góð­ari viku síðani taptu vest­menn­ ingar í høllini á Hálsi ímóti Kyndli. Dysturin var spennandi í fyrra hálvleiki, har liðini vóru jøvn. Men í seinna hálv­ leiki settu hoyvíkingar vest­ menningar so dyggiliga upp á pláss og vunnu heili 28-17. Tað var tó ongin, sum kundi síggja fyri sær, at enda­ ligi munurin skuldi blíva so stórur. Hálvleiksstøðan var 10-10. Men í seinna hálvleiki vardi H71 sera væl og sam­ stundis gekk eisini væl betri við málskjótingini hjá hoyvíkingum. Hetta gjørdi, at endaligi munurin ímillum liðini bleiv heili 11 mál. Miðskeiðis í seinna hálv­ leiki fekk Julian Olsen hjá VÍF reytt kort, tá ið hann feldi Pætur Thomsen hjá H71, sum rann við fullari ferð ímóti málinum. H71 var ein av sínum van­ ligu leikarum, Jónas Djur­ huus, fyriuttan í dag, tí at hann fekk beinleiðis reytt kort og leikbann, tá ið H71 tapti ímóti KÍF síðsta viku­ skifti. Eldur er komin í Neistan Neistamenn fingu eina ringa kappingarársbyrjan, tá ið báðir fyrstu dystirnir blivu taptir, men nú er av álvara komin vend í hjá Neist­ anum. Í gjár vann Neistin sera tepran útisigur ímóti StÍF, 30-29, og harvið hava neista­menn nú vunnið fýra dyst­ir á rað. Í Klaksvík vann KÍF 27-24 ímóti Team Klaksvík. Hóast Team Klaksvík bert hevur eitt stig, so er eyðsæð á úrs­ lit­unum, at klaksvíkingar geva dyggari mótstøðu enn í fjør, tá ið nógvir dystir vórðu tapt­ir stórt. KAPPINGIN ER JAVNARI Í ÁR Eftir seks umfør eru fimm lið í FTZ-deildini, sum eru fremst við líka nógvum stigum. Tískil er sannlíkt, at kappingin í ár verður nógv javnari enn í fjør, tá ið H71 lættliga vann grundspælið FAKTA FTZ: H71-VÍF 28-17 (10-10) H71: Peter Krogh 8, Rúni Vest Højgaard 4, Pætur Thomsen 4, Dánjal Tórgarð 3, Hans Kári Hansen 2, Sigmundur Nolsø 2, Tróndur Arge 2, Sigmundur Dahl 1, Niklas Højgaard Hanusarson 1 og Andor Sivertsen 1. VÍF: Filip Jojic 8, Hanus Christophersen 2, Julian Olsen 2, Andrias Eriksen 2, Sjúrður Olsen 1, Bjarti Hansen 1 og Jugoslav Djumic 1. StÍF-Neistin 29-30 (17-17) StÍF: Allan Norðberg 8, Fríði Djurhuus 6, Pætur Johansen 6, Sveinur Justinussen 4, Pætur Joensen 2, Jógvan Gregersen 1, Borgar M. Persson 1 og Jónfinn Rasmussen 1. Neistin: Rói Berg Hansen 12, Christopher L. Moe 8, Teis Horn Rasmussen 4, Frank Askildsen 2, John í Innistovu 2, Andras Joensen 1 og Torkil Hentze 1. Team Klaksvík-KÍF 24-27 (10-15) Team Klaksvík: Finnur Hansson 9, Henrik Justesen 4, Petur Martin Eliasen 3, Jens Pauli Mohr 2, Vilhelm Vilhelmsen 2, Einar Dam 1, Andrias Ellingsgaard 1, Jacob Knudsen 1 og Hans Arni Thomsen 1. KÍF: Hans Eli Sigurbjørnsson 9, Frederik Sørensen 5, Rógvi Weyhe 4, Ási Dam 3, Fríði Weyhe 2, Andrias Nielsen 2, Teitur Joensen 1 og Jákup Trygvason 1. Hvonn: VÍF-VB 26-32 (16-13) VÍF: Marianna G. Eystberg 5, Daniella Joensen 5, Agnas Olsen 4, Brynja Rógvadóttir 4, Tóra Seloy 2, Randi Virgarsdóttir 2, Kathe Frederiksen 2 og Heidi Maria Akselsen 2. VB: Danijela Mistric 12, Bára K. Mortensen 6, Rúna Jacobsen 5, Rannvá Johannesen 3, Gurið K. Augustinussen 3, Maria Halsdóttir Weyhe 2 og Barbara Hjelm 1. StÍF-Neistin 14-22 (6-13) StÍF: Ninna K. Johansen 4, Birna T. Johannesen 3, Ansy Sevdal 3, Guðrun Gærdum 1, Poula D. Berg 1, Sunfríð Johansen 1 og Paula Høgnesen 1. Neistin: Eir Berg 8, Birita Ingolsdóttir 4, Bára Hansen 3, Marjun Danberg 3, Brynja Høj 2, Lilja Mohr 1 og Jacklin Durhuus 1. Hálvleiksstøðan ímillum H71 og VÍF var 10-10, men í seinna hálvleiki blivu vest­ menningar avsmurdir og taptu heili 28-17. - Vit gera ov nógvar tekn­ iskar villur samstundis sum vit brenna ov nógvar upp­ lagdar málmøguleikar. Aftur­ at tí fáa vit fleiri útvísingar og eitt reytt kort, ið ger tað enn torførari at hanga í, sigur Julian Olsen hjá VÍF, sum eisini fekk reytt kort miðskeiðis í seinna hálvleiki. - Eg haldi, at mítt reyða kort var í lagi, tí tað førdi til eina farliga støðu, ið tó ikki heilt var ætlanin hjá mær, sigur Julian Olsen. VÍF hevur átta stig eftir fýra dystir. Fýra teir fyrstu dystirnir blivu vunnir, men nú hava vestmenningar tapt tveir á rað. - Vit byrjaðu við at spæla ímóti teimum, sum eru niðanfyri okkum á stiga­ talvuni, og tí var tað gott, at vit vunnu hesar dystirnar sannførandi. Men vit hava sæð ímóti Kyndli og H71, at gera vit so nógvar villur, sum vit hava gjørt í hesum dyst­um, so tapa vit. Men sam­anumtikið haldi eg, at byrjanin hevur verið á einari leið. Strikuleikarin hjá H71, Helgi Hildarson Hoydal, fegnaðist um, at tað aftur eydnaðist H71 at vinna eftir tvey tey síðstu tapini. - Tað hevur nógv at siga, at vit aftur koma á sigurs­ kós. Fyri tað fyrsta er tað ógvuliga týdningarmikið at vinna ímóti sínum beinleiðis kappingarneytum. Sjálvt um vit enn eru í fyrsta um­ fari av kappingini, so er hetta ein fýra-stigs dystur. Fyri tað næsta er tað eisini gott, at vit vísa, at vit kunnu berja okkum úr einum aldu­ dali. Hetta gevur eisini ein tryggleika fyri okkum, har vit vísa okkum sjálvum, at vit eru førir fyri at reisa okkum aftan á tvey tap á rað, sigur Helgi Hoydal. Eftir javnleik í steðginum spønaði H71 VÍF sundur í seinna hálvleiki og vann við 11 málum. - Eg haldi, at vit fáa veru­ liga víst okkara góða verju­ spæl aftur. Tað er ikki bara í seinna hálvleiki, men ígjøg­ num allan dystin. Hetta ger eisini, at Ári stendur ein branddyst í málinum. Tá vit leggja okkum á odda í seinna hálvleiki føli eg sjálvur, at vit renna frá teimum. Teir spæla við næstan sama liði ígjøgnum allan dystin, með­ an vit fáa býtt orkuna ímill­ um fleiri leikarar, sigur Helgi Hoydal. Helgi Hoydal væntar eis­ ini, at kappingin í ár verð­ur nógv javnari, enn hon var í fjør. - Kappingin í ár er og verður heilt sikkur javnari enn í fjør. Eg meti, at øll liðini hava styrkt seg, og hetta ger, at kappingin verður meira spennandi. Hetta skal helst síggj­ast aftur í sjálvum hond­bólts­spælinum, og eg eri sann­førdur um, at vit fara at síggja øll liðini mennast nógv ígjøgnum kappingina. Eg meti, at í síðsta enda snýr tað seg um, hvørji tvey av topp­liðunum klára at menna seg mest - hesi enda í fin­al­ uni til endans, sigur Helgi Hoydal at enda. JULIAN OLSEN: REYÐA KORTIÐ VAR Í LAGI HELGI HOYDAL: VIT VARDU VÆL