mánadagur 17. oktober 2016síða 42

VIKA 42 • 17. OKTOBER 2016 18 Faroexpo & Mentanarvikan Skýming TEMA Nógv at fara til á menta Vilmund Jacobsen S kráin fyri mentanarvikuna í Runa­víkar kommunu – Skýming 2016 – byrjar longu sunnudagin, 23. oktober, tá stóra mentanarliga tiltakið verður sett í Løkshøll klokkan 15. Eftir setanartiltakið klokkan 16.30 skipar Roysni fyri gongu-og rennitúri, og her fáa luttakarar húgvur, vatn og fruktir. Tað er BankNordik, sum er høv­uðs­ stuðul hjá mentanarvikuni, og eftir setanina vitjar Vitus á Bókasavninum við Løkin og hevur ballónir og okkurt søtt við til børnini. Longu henda fyrsta dagin verður okkurt at fara til, og eitt nú verður málningaframsýningin Skýming í bý- ráðssalinum hjá Runavíkar komm­unu. Framsýningin letur upp klokkan 16 og verður opin til klokkan 18 henda fyrsta dagin, men opið verður eisini hinar dagarnar í mentanarvikuni. Sunnudagin klokkan 17 verður til­takið – Dansa so væl og leingi (Mario­nett Teatur) – í Gulu Smiðju, og klokkan 20 letur upp listaframsýning í Glyvra kirkju. Afturvendandi og nýtt Mánadagin 24. oktober verður nógv ymiskt á skránni á mentanarvikuni, og lagt verður fyri longu klokkan 9, tá handilin í Verkhúsinum Stíggi letur upp við spennandi gávulutum. Men, tað er ikki bara Stíggjur, sum fer at selja henda mánamorgun og teir næstu dagarnar á mentanarvikuni. Umframt vanliga handilslívið, sum er í økinum, lata eisini fleiri Pop Up- handlar upp í Runavíkar kommunu, og hesir fara at hava opið, meðan ment­ anarvikan er. Mánadagin verður Pop Up soleiðis bæði í Gamla handli, á Heiðavegi 39, har Vollabúðin var áður, í Café Cibo og í Heiðabúðini við ymiskum seljarum. Mánadagin klokkan 10 letur eisini Orkis á Glyvrum upp, og her fer Rita Larsen at geva góð ráð. Fleiri ymiskar framsýningar byrja eisini mánadagin, og eitt nú fer Harry Knudsen at sýna fram á loftinum í Café Cibo, málningaframsýningin Ským­ing verður í býráðssalinum, og fram­sýning verður á Bókasavninum við Løkin við Sædis Eilifsdóttir og Onnu Jacobsen. Men, her verða fleiri framsýningar aftrat. Næmingar, sum hava fingið undirvísing í at dekorera á miðnámi, fara at sýna fram í Bókasavninum við Løkin, Heimavirkni fer at hava framsýning, og myndaframsýningin - Støkk 50 ár - verður í Bylgjuni. Bygdasavnið Forni hevur eisini á mentanarvikuni í ár eina forvitnisliga framsýning. Onnur ting á skránni mánadagin, 24. oktober, er familju- og barnabio­ grafur í Løkshøll, sum verður fleiri fylgjandi dagar á mentanarvikuni. Í Skótahúsinum verður forvitnisligt tiltak mánakvøldið klokkan 19 við Katrini Kallsberg, sum bæði er lækni og løgtingslimur. Hon fer at greiða frá um skiftisár og aðrar avbjóðingar. Mánakvøldið verður eisini Syngið við kvøld í verkhúsinum Stíggi, og kvøldið endar við list og kvirru í Glyvra kirkju. Týsdagin 25. oktober halda ymisku Pop Up-handlarnir fram, og tað gera framsýningarnar eisini. Klokkan 13 letur badmintonfelagið Nápur upp kafé í Bókasavninum við Løkin, og klokkan 19 letur upp jóla­ stova og listaframsýning í Orkis. Klokkan 19.30 týsdagin fer Sára Mrdalo at hava bindiskeið í kantinuni í Skúlanum við Løkin, og fylgjandi kvøld enda við list og kvirru í Glyvra kirkju. Mikudagin 26. oktober halda fram­ sýningarnar, sum eru í økinum, fram, og klokkan 15 henda dagin verður verkstova í grafiskari fasilitering við Maibritt Højgaard í Gott í Saltangará. Eitt, sum er nýtt á skránni miku­ dagin, er sjónleikakonsert klokkan 19 við Tarira í Gulu Smiðju. Klokkan 20 mikukvøldið verður ment­anarkvøld í Orkis og Shop-In. Her verður listaframsýning og móta­ sýn­ing, og okkurt leskiligt verður eisini at fáa. Afturvendandi og nýtt Hósdagurin líkist undanfarnu døgum við ymiskum framsýningum, sum Vit hava hugt ígjøgnum skránna og hava gjørt ein samandrátt av tí, sum fer fram í Runavíkar kommunu á mentanarvikuni - Skýming - sum verður í døgunum, 23.-30. oktober