hósdagur 20. oktober 2016síða 6

FRÍGGJADAGUR 21. OKTOBER 2016 SOSIALURIN 121 6 HALLUR AV RANA T að er ikki gerandiskostur, at stjóraskifti er í ein av teimum stóru føroysku reiðarínum, so tað vakti ans, tá tíðindi bórust í síðstu viku, at Eyðun Rasmussen hevði lagt frá sær sum stjóri í Christian í Grótinum samtakinum eftir trettan ár sum stjóri í samtakinum, ið hann sjálvur eigur saman við pápanum, Kristian Martin Ras­ mussen, og beiggjunum Jón Ras­ mussen og Boga Rasmussen. Leitað verður tó ikki eftir einum nýggja stjóra til peningasterka reiðaríið við heimstaði í Ánunum, men boðaði felagið frá, at Jan Petersen er nýggi maðurin ið skal standa á odda fyri samtakið, ið í 2015 taldi tvey skip, 253 starvsfólk og ein umsetning á 537,9 milliónir krónur. Ikki ókendur í felagnum Hóast reiðaríið sostatt hevur sett ein persón uttanfyri familjuna í stjórastarvið, so er tað ikki ein fremmandur persónur, ið nú tekur við stjórasessinum í familju­ fyritøkuni. Seinastu trý árini hevur Jan Petersen nevniliga verið fíggj­ar­ stjóri í Christian í Grótinum sam­ takinum, umframt at hann hevur nevndarlimur í felagnum seinastu fimm árini. At standa á odda fyri einum at Føroya størstu reiðarínum er tó ein heilt onnur uppgáva enn at vera nevndarlimur og fíggjar- stjóri. Nýggi stjórin er tó við gott mót, og væntar at hann fær ar­ beiðs­frið, hóast talan er um eina familjufyritøku. – At vera stjóri í eini familju­ fyritøku kann sjálvandi verða annarleiðis enn at verða stjóri í einhvørjari aðrari fyritøku, men um allir partar eru greiðir yvir sínar leiklutir er ikki tann stóri munurin, sigur Jan Petersen. – Eg havi starvast í familju­fyri­ tøkuni í meira enn trý ár og kann ikki siga annað enn, at eg síggi fram til at skula arbeiða saman við teimum í mínum nýggja starvi, sum stjóri. Vildi vera maskinmaður Fyri 43 ára gamla Jan Petersen, so lá tað tó aldrin ordiliga í kortunum, at hann skuldi gerast reiðari. Sum ungur var hugurin til sjógvin, og royndi hann seg sum sjómann við línubáti, nótabáti og partrolara, áðrenn hann fór undir á skúlabonk. Dreymurin var at gerast maskinmaður, men sum hjá so nógvum øðrum føroyingum, so brast dreymurin hjá honum, tá fíggjarkreppan skolaði yvir landið í nítiárunum. – Upprunaliga ætlaði eg at verða maskinmaður, men sum hagtølini vísa fall talið av lærlingum fyrst í nítiárunum nógv, og tískil var ikki lætt at fáa lærupláss eftir loknan fólkaskúlan. Tískil valdi eg at fara á handilsskúla og har blivu lunnarnir lagdir undir míni starvsleið, greiðir Jan Petersen frá. Eftir at Jan Petersen var liðugur í handilsskúla gekk leiðin til grannskoðarafelagið Rasmussen og Weihe har hann byrjaði í læru, samstundis sum hann tók HD 1. part. Har var hann í trý ár, áðrenn hann valdi at royna eydnuna í Danmark, har hann fekk starv hjá Nilfisk-Advance og tók HD (R). Aftur til Føroya Um aldarskiftið gekk leiðin heim aftur til Føroya, har hann fekk arbeiðið í einum av Føroya størstu feløgum. – Í 2000, eftir trý ár í Danmark, valdu eg konan at flyta aftur til Føroyar og fór eg at arbeiða á fíggjardeildini hjá Føroya Tele. Eg var á Føroya Tele til 2013, við undantak av tveimum árum frá 2002 til 2004 har eg var fíggjar­leið­ ari hjá JFK í Klaksvík. Frá 2007 til 2013 var eg fíggjarstjóri hjá Føroya Tele. Januar 2013 fekk hann so aftur eitt arbeiðstilboð frá einum einum reiðaríi í Klaksvík, tá hann fekk bjóðað sessin sum fíggjarleiðari í Christian í Grótinum. Ikki tær stóru broytingarnar Tað verður ikki tær stóru broyt­ ingar, ið kunnu væntast av nýggja stjóranum, ið hevur alt gott at bera undanfarna stjóranum. – Felagið hevur ment seg nógv tey trettan árini, ið Eyðun Rasmussen hevur verið stjóri, og er Christian í Grótinum í dag ein fíggjarlig sterk fyritøka, sigur nýggi stjórin. Spurdur um hvat hann metir verða størsta avbjóðingin næstu tíðina vísir Jan Petersen á virksemi uttanlands. – Christian í Grótinum er ein stór fyritøka, sum eisini hevur virksemi uttanlands. At fáa lønsemi í hendan partin av virkseminum er og verður ein stór uppgáva, sigur Jan Petersen. Harumframt er ein effektivi­ser­ ing av virkseminum eisini framliga í huga hjá nýggja stjóranum. – Umframt hetta, so skulu vit áhaldandi menna fyritøkuna soleiðis, at vit fáa sum mest burtur úr teimum kvotum vit fiska. Hetta merkir eitt áhaldandi fokus á virðisøking, effektivitet, góðsku og sølu, greiðir Jan Petersen frá. Bíða eftir politikarunum Tað er eingin loyna, at Jan Peter­ sen hevur tikið við starv­in­ um í eini tíð við stórari óvissu í føroysku fiskivinnini. Arbeiðið við eini nýggjari fiskivinnu­ ný­skipan, ið samgongan við Javnaðarflokkinum, Tjóðveldi og Framsókn hevur tikið stig til, er nevniliga skjótt klár at leggja fyri tingið. Nógv rok hevur longu staðist av arbeiðinum, og fleiri reiðarar hava verið úti og funnist at arbeiðinum, har høvuðsendamálið tykist at vera, at føroyska samfelagið skal fáa ein størri part av inntøkunum í fiskivinnuni. Jan Petersen vísir á, at tað ikki er so nógv, ið teir fáa gjørt við sjálvt arbeiðið við at gera eina fiskivinnunýskipan, men at meira vinning eitt felag fær burturúr virkseminum, størri orku leggur felagið í virksemi. – Tá ið tað kemur til fiski­vinnu­ nýskipanina, so fáa vit ikki gjørt so nógv. Tað er upp til politikarnar at avgera hvussu okkara framtíðar fiskivinna kemur at síggja út og hvør okkara lutur verður, sigur Jan Petersen, áðrenn hann leggur afturat. – Hinvegin haldi eg, at eg kann siga, at vit fara at gera tað, sum vit kunnu fyri at Føroyar fáa sum mest burtur úr tilfeinginum, og sjálvandi vil okkara motivatión verða størri um vit eisini kunnu fáa vinning burtur úr tí orku vit leggja í. – At vera stjóri í eini familjufyritøku kann sjálvandi verða annarleiðis enn at verða stjóri í einhvørjari aðrari fyritøku, men um allir partar eru greiðir yvir sínar leiklutir er ikki tann stóri munurin. Tað sigur Jan Petersen, nýggi stjórin í Christian í Grótinum PERSÓNSSØGA Felagið hevur ment seg nógv tey trettan árini, ið Eyðun Rasmussen hevur verið stjóri, og er Christian í Grótinum í dag ein fíggjarlig sterk fyritøka FÍGGJARSTJÓRIN GJØRDIST REIÐA Bláa bók: Jan Petersen Føddur: 1972 í Klaksvík Heimstaður: Klaksvík Hjúnafelagi: Tanja Petersen Børn: Mikkjal 16, Børge 14 og David 6. Útbúgving: Grannskoðari og HD (R)