mánadagur 24. oktober 2016síða 13

13 Mánadagur 6. januar 2014 · Nr. 2 Sosialurin Mánadagur 24. oktober 2016 · Nr. 122 Hugskot og viðmerkingar – send sms til 225000 KUNNU SPÆLA SEG VÍÐARI Í EM Føroyska U17-manslandsliðið í fótbólti hevur framt framúr avrik í EM-undankapping í Luksemburg, og kunnu teir nú spæla seg víðari í endaspælið. Eisini aðrastaðni hava føroyingar gjørt um seg hetta hendingarríka vikuskiftið Pætur Albinus FÓTBÓLTUR Føroyska U17-landsliðið hjá dreingjum fekk eina dreymabyrjan upp á E M - u n d a n k a p p i n g i n a í Luksemburg, tá ið teir føroysku dreingirnir fríggjakvøldið megnaðu at vinna 2-0 ímóti Kekkia, sum annars er eitt av teimum sterkastu í Evropa og eru styrkismettir sum nummar átta. Tað vóru Steffan Løkin og Lukas Giessing, ið skutu føroysku málini. Hanus Sørensen legði upp til bæði tvey. Sunnudagin gekst verri hjá føroyska U17-landsliðnum, sum taptu 3-0 ímóti Sveis. Sveis var greitt betra liðið og hevði sigurin væl uppibornan. Føroyska liðið hevur tó fram­vegis møgu­ leikan at spæla seg til elitu-um­farið, sum verður í vár næsta ár. Skal hetta gerast veruleiki, so krevst tað, at Føroyar vinna ella spæla javnt ímóti Luksem­ burg, sam­stundis sum at Kekkia helst ikki skal vinna ímóti Sveis. Føroyar og Luksemburg spæla miku­ kvøldið kl.18.00 føroyska tíð. Hallur Hansson hevði ein avgerandi leiklut, tá ið AC Horsens í gjár vann 1-0 á heimavølli ímóti Randers uttan Brand Hendriksson í hópinum. Hallur átti nevniliga framúr vakurt upplegg til André Bjerregaard, sum gjørdist sigursharri smáar 10 minuttir eftir hálvleikssteðgin. Sigurin hjá AC Horsens var umráðandi, tí nú eru teir á 6. plássi, ið gevur atgongd til endaspælið í Superliguni. – Vit manglaðu tað síðsta í fleiri støðum, so tað skuldi nakað út yvir tað vanliga til, segði Hallur Hansson skemtandi við Horsens Folkeblad eftir dystin um vakra uppleggið, har hann sendi eina gløgga og snórabeina sending til fremsta mannin. - Eg hugdi eftir hvar André Bjerregaard var, og vit vistu, at hann var kvikari enn Randers-verjan, segði Hallur víðari. Tað var dystur ímillum tveir føroyingar, tá ið Vejle í gjár hevði vitjan av Vendsyssel FF. Viljormur Davidsen spældi á vinstra bakki og var liðskipari hjá heimaliðnum, meðan René S. Joensen varð innskiftur í 68. minutti hjá gestunum. Dysturin endaði við 1-1-javnleiki, eftir at Simon Okosun javnaði fyri Vendyssel FF í sjálva 90. minutti. Vejle er á næstaftasta plássi trý stig frá niðurflytingini, meðan Vendsyssel FF er á fjórða plássi einans eitt stig frá uppflytingini. Fremad Amager vann í gjár 1-0-sigur ímóti Nykøbing FC. Bæði Heini Vatnsdal og Bárður J. Hansen vóru við í byrjunaruppstillingini í hesum umráðandi sigrinum, sum merkir, at Fremad Amager framvegis hevur oddaliðini í eygsjón. Fremad Amager er nummar sjey í næstbestu donsku deildini, men er einans fýra stig frá at røkka uppflytingini til Superliguna. Gilli Rólantsson hugdi skaddur við av áskoðara­ plássunum, tá ið norska felag hansara, Brann, leygardagin vann 2-1-heimasigur ímóti Molde. Brann var aftanfyri 1-0, men við tveimum málum gjørdist Steffen Lie Skålevik hetjan hjá heimaliðnum. Rosenborg er langt fremst og hevur longu tryggjað sær gullið í Tippuliguni, men Brann er nummar tvey og liggur væl fyri at fáa silvurið. Tvey umfør eru eftir at spæla. FC Barcelona má klára seg uttan liðskiparan, Andrés Iniesta, tær næstu seks til átta vikurnar. Tað er greitt, eftir at hann gjørdist skaddur í 3-2-sigrinum ímóti Valencia leygardagin. Felagið váttaði dagin eftir, at talan er um ein liðbandsskaða, og at tað er vandi fyri, at hann má sita uttanfyri í upp til tveir mánaðir. Hóast Real Madrid hevur bann frá at keypa nýggjar spælarar fram til 2018, so eru teir úti um seg og hyggja sær eftir nýggjum leikarum. Spanska blaðið AS skrivar, at spanska høvuðs­staðar­ felagið ætlar sær at bjóða upp á Juventus-framherjan, Paulo Dybala. Sambært blaðnum, so verður boðið upp á 22 ára gamla argentinska landsliðsleikaran áljóðandi 750 milliónir krónur. FLOGBÓLTUR U17-landsliðið hjá gentum hevur seinastu dagarnar luttikið í NEVZA-kapping í Danmark. Í innleiðandi bólkaspælinum gekk ikki serliga væl, tí tær føroysku genturnar taptu nevniliga allar dystirnar 3-0. Hesir dystirnir vóru ímóti Danmark, Finnlandi og Onglandi. Í víðari spælinum, har Føroyar skuldi spæla um 5. - 7. pláss í kappingini, vunnu tær sítt fyrsta sett. Hetta var ímóti Onglandi. Hetta gjørdist tó einasta settið, sum tær vunnu í kappingini, og tískil endaðu tær aftast. Eisini U17-landsliðið hjá dreingjum luttók í hesi somu NEVZA-kappingini í Danmark, har teir í innleiðandi bólkaspælinum vóru í bólki við Danmark, Noregi og Onglandi. Fyrsta dystin taptu teir 3-1 ímóti Noregi, síðani 3-0 ímóti Danmark, men í síðsta dystinum eydnaðist tað at vinna 3-2 ímóti Onglandi. Í víðari spælinum, sum var um 5. - 7. pláss, taptu teir fyrst 3-0 ímóti Íslandi, men vunnu síðani 3-1 ímóti Noregi. Vegna ov vánaligan settmun máttu føroysku dreingirnir tó taka til takkar við 7. og aftasta plássi í kappingini. FORMIL 1 Grand Prix-kapping hevur verið í USA um vikuskiftið, og har vóru teir báðir Mercedes-koyrararnir, Lewis Hamilton og Nico Rosberg, yvirlegnir. Lewis Hamilton vann góð fýra sekund frammanfyri liðfelagan, meðan Daniel Ricciardo (Red Bull Racing) bleiv nummar trý. Við sigrinum hevur Lewis Hamilton nú otað seg eitt sindur inn aftur á Nico Rosberg í samlaðu kappingini. Danski Kevin Magnussen (Renault) bleiv nummar 12 í hesi kappingini, sum varð koyrd í Austin, Texas. HONDBÓLTUR Jóhan á Plógv Hansen og liðfelagarnir í Bjerringbro- Silkeborg fingu í gjár enn eina risa uppliving, tá ið teir í Champions League høvdu vitjan av Paris Saint Germain við stjørnum sum Nikola Karabatic og Mikkel Hansen á liðnum. Dysturin varð spældur í Boxen í Herning, har 10.204 áskoðarar vóru og hugdu. PSG vann dystin 36- 30 eftir at hava verið á odda 19-16 í hálvleikssteðginum. Jóhan skeyt trý mál. Nikolaj Markussen var toppskjútti hjá heimaliðnum við seks málum, meðan Nikola Karabatic var besti málskjútti hjá gestunum við níggju málum. Jóhan, sum er heilur føroyingur, men hevur spælt við danska U21-landsliðnum og í løtuni B-landsliðnum, hevur fram til hetta vikuskiftið verið toppskjútti hjá Bjerringbro-Silkeborg í Champions League. Nú er hann tó vorðin útjavnaður. Tað er tann 211cm høgi Nikolaj Markussen, ið nú hevur skotið eins nógv Champions League-mál sum Jóhan. Teir báðir hava skotið 26 í part. Næsti dystur í Champions League hjá Bjerringbro-Silkeborg verður 12. novembur á útivølli ímóti ungarska Telekom Veszprém. SÚKKLING Tórshavnar súkklufelag skipaði leygardagin fyri vetrarkapping í einkultstarti. Kappast var á einum átta kilometrar longum teini millum Kaldbak og Kaldbaksbotn, og skuldi hesin súkklast tríggjar ferðir. 12 luttakarar vóru við, og tað vísti seg, at tann stinnasti av øllum var veteranurin Gunnar Dahl-Olsen. Hann súkklaði teinin við tíðini 36:27, meðan Jógvan Højgaard var næstbestur við 38:40 og Kári Davidsen triðbestur við 40:23. Næsta vetrarkapping í súkkling verður komandi leygardag. Kappingarárið í danskari landavegsúkkling er nú av, og tað merkir, at styrkislistin eisini endaliga er vorðin gjørdur upp fyri hetta kappingarárið. Føroyski Torkil Veyhe, sum umboðar Team WeBike- CK Aarhus, endar á einum 11. plássi av teimum áleið 150 súkklarunum. Hálvi føroyingurin, Stefan Djurhuus, sum súkklar við Team Almeborg-Bornholm, bleiv nummar átta. Teir báðir vóru bestir á sínum liðum. STUTTSØGD TÍÐINDI