mánadagur 24. oktober 2016síða 14

Mánadagur 24. oktober 2016 · Nr. 122 14 Sosialurin Hugskot og viðmerkingar – send sms til 225000 FRÓÐI ÓLASON OLSEN AB Sorrig og glæde inni i Vika. Hjartaliga tillukku Víkingur. Óluksáligt at vit hava lorka okkum ur Effodeildini. Slut finale, takk hiðani av Vestara áarbakka. Hoyrast um tvey ár. KRISTIAN JOENSEN KÍ Takk fyri í ár. Aftana at hava vunnið 4 ferðir á Víkingi í ár, so gerast teir uppá ein merkiligan máta uppiborið FM vinnarar. Tillukku Víkingur. Um onkur spurdi meg aðrenn kappingina um eg hevði verið nøgdur við at blivi Nr 2 og vunnið Steypakappingina, so hevði eg heilt vist sagt ja, men alíkavæl situr man í dag við einum keðiligum smakki í munninum. Vit koma sterkt aftur í 2017. Koyr á KÍ SÆBJØRN LEITI ÍF Tillukku víkingur. Vit fara at royna at fáa betri plasering næsta ár Koyr á ÍF Hoppa nú ALLAN ENGHAMAR HB - LISSI MOURITSEN B36 Heilt forbannað flott hvítir. Okkara eitt og alt. Til lukku Víkingur. JAN B. ANTHONIUSSEN NSÍ Fleiri stig enn í fjør. Tað var í prinsippinum málsetningurin. Men vit hava nokk at gleðast um. Vit hava eina extremt bjarta framtíð í ungdóminum, og toppskorarin fjórða árið á rað, ið forrestin eisini hevur tikið metið! Tillukku til Víking. Enduliga glapp! Vit taka tað næsta ár! Je suis KÅ ÍHJ FÓTBÓLTUR Jóannes Hansen Leygardagin fór heimliga landskappingin í vetrar­frí, men fótbólturin rullar fram­ vegis. Trettanda november skal landsliðið spæla á úti­ vølli ímóti Sveis. Í tí sam­ bandi hevur Lars Olsen stevnt bestu spæl­ar­un­um í heim­ligu kappingini at venja frá nú av og fram til hálvan november. Teir, sum spæla í Danmark og Noregi, eru fram­vegis upp­tiknir í lands­kappingini, og teir, sum spæla í Íslandi, fara at venja saman við teimum, sum nú eru farnir í vetrarfrí frá heim­ligu lands­kappingini. Frítíðin frá fótbóltinum er stutt hjá teimum bestu. Tað er longu ásett, at fyrsta umfar í Effo-deildini í 2017 verður á grækaris­messu, sum er sunnu­dagin 12. mars. Stór­steypa­dysturin, sum er millum meistararnar og steypa­vinnar­ar­nar, verður sunnu­dagin fimta mars, tá ið Víkingur og KÍ bresta saman. Síðani kappingin í 2005 varð víðkað at fevna um 27 umfør, hevur vanliga verið farið undir fyrireikingarnar til nýggja kappingar­árið beinanvegin eftir árs­skiftið. Seinastu árini er hetta í fleiri feløg­um broytt soleiðis, at fyrstu venjingarnar hava verið í november. Tað vil siga, at nú slitnar tað so at siga ikki sundur frá tí, at síðsti dyst­ur­in er leiktur í gamla árinum, inntil tað verður farið undir fyri­reikingarnar til nýggja árið. Kendist sum torusláttur Í gjárkvøldið var tað greitt, at tað verður ikki Hegga Samuelsen, sum fer at hava ábyrgdina av 07 Vestur, sum enn einaferð skal royna seg í fremstu røð. Umframt í 07 Vestur eru tað fýra onnur feløg, sum ikki enn hava avgreitt venjaraspurningin. Tey eru ÍF, EB/Streymur, HB og TB. Inntil hósdagin helt Jan C. Dam seg til sáttmálan við HB, sum segði, at samstarvið teirra millum skuldi halda fram í 2017. Lítla løtu undan síðstu venjingini í ár fekk venjarin boð um, at hann var sagdur úr starvi: – Boðini komu óvæntað, og tey kendust sum snarljós, tí eg havi samstarvað sera væl við nevndina. Eg skilji, at tað er ikki longur nevndin í felagnum, sum avger, hvussu tað skal farast fram viðvíkjandi besta liðnum, og harvið er mín tíð sum HB venjari nú liðug, staðfestir Jan C. Dam. HB formaðurin Finnbogi Arge er opin um nýggju støðuna: – Leiðslan er ikki nøgd við úrslitini í ár. Nú er ein Effo- nevnd sett at taka sær av besta liðnum. Henda nevndin fer nú at seta venjara og at gera sáttmálar við spælarar. Tað hevur stórt árin á felagið, at vit ikki megnaðu at vinna 1,6 milliónir krónur frá UEFA fyri at taka lut í europeisku kappingini. Hesar pengarnar hava vit fingið nógvu tey seinastu árini. Nú er neyðugt við nýggjum pengum, og um tað skal eydnast, so mugu vit leggja ætlan á borðið fyri, hvussu vit næsta ár skulu røkka europeiskt pláss. Ein partur av hesi nýggju byrjanini er, at venjarin skal vera nýggjur, sigur HB formaðurin Finnbogi Arge. Fínpussað Meðan fimm feløg – 07 Vestur, EB/Streymur, ÍF, HB og TB – enn ikki hava sett venjara, so er tað langt síðani greitt, hvørjir vera venjarar í KÍ, Víkingi, NSÍ, Skála og B36 – ávikavíst Mikkjal Thomassen, Sámal Erik Hentze, Anders Gerber, Pauli Poulsen og Jákup á Borg. Í hesum feløgum hava venjararnir havt fingur við í putlispælinum við spælarum, sum nú er um at verða lagt. Súni Olsen boðaði í gjár frá, at hann fer neyvan at halda fram í Klaksvík, har mest sum alt er komið upp á pláss, eftir at Jonas Flindt Rasmussen skrivaði undir mitt í síðstu viku. Hans Jørgen Djurhuus í Víkingi segði í sigurssæluni á Argjum leygardagin, at hann umhugsar at gevast. Sera drúgvi Víkinga miðverjin Erling Jacobsen, sum longu fyri tíggju árum síðani var á besta GÍ liðnum nakrar ferðir, hevur verið fastur maður í Víkinga miðverjuni síðani stovnanina í 2008: – Eg eri 26 ára gamal og næstyngstur millum teir fyrstu ellivu. Vit hava bíðað eftir at vinna FM, og nú eydnaðist tað, hóast trýstið var stórt. Nú fáa vit at síggja, hvussu tað verður næsta ár. Enn er tað ikki avgjørt, um eg verði við, tá ið Víkingur fyri fyrstu ferð skal royna seg í europeisku meistarakappingini, sigur Erlig Jacobsen. B36 hevði ársveitslu leygarkvøldið, og tá kom tað mesta upp á pláss, sum ikki var tað frammanundan. Ivamálið er, hvussu tað verður við Sebastian Pingel. Partarnir hava tosað saman, men enn eru teir ikki samdir um sáttmálatreytirnar. Bóru høvdið høgt Bara einaferð áður hava so nógv mál verið skorað í síðsta umfari, sum tað vóru, tá ið punktum varð sett fyri 2016. 23 mál vórðu skorað í fínu fótbólts líkindunum. Hetta er sama máltal sum í síðsta umfari í 2013. Ofta hava longu niðurflutt lið lagt rygg til stór tap í síðsta umfari. Eitt nú vann KÍ í 2013 í síðsta umfari 7-1 á heimavølli ímóti 07 Vestur, sum tá mynstraði av úr bestu deildini. B68 og AB søgdu leygar­ dagin farvæl við bestu deildina á hesum sinni, og tað var við manér. AB gav meistarunum í Víkingi ein skarpan gang, og B68 tapti 3-1 ímóti bronsuvinnarunum í NSÍ. Tað var spenningur á Svangaskarði inntil síðsta bríksl, tí tað var ikki fyrr enn í tíðini, sum dómarin hevði lagt aftrat, at NSÍ økti til 3-1. B68 tók harvið tungu Fyrsta vikuskiftið í mars verður fyrsta umfar í nýggju landskappingini, sum tekur við eftir sanna málveitslu, tá ið punktum varð sett fyri 2016 EFFO-DEILDIN Mynd: Bjarni Enghamar TAÐ VERÐUR ARBEITT AV GRIMD Í VETRAR­ STEÐGINUM