mánadagur 24. oktober 2016síða 17

17 Mánadagur 6. januar 2014 · Nr. 2 Sosialurin Mánadagur 24. oktober 2016 · Nr. 122 Hugskot og viðmerkingar – send sms til 225000 1 til 6 FÓTBÓLTUR Áskoðaratalið. KÍ hevði framvegis ein lítlan møguleika til FM undan dystinum, og tað sást aftur á áskoðaraplássinum. Ein rúgva av áskoðarum var til dystin Sum heild ikki nógv at seta fingurin á. Áskoðaratalið var nøktandi, stemningurin var nøktandi og veðrið var av tí besta HØVDU TAK Á HVØRJUM ØÐRUM Á ÚTIVØLLI Merkisvert er, at ÍF og KÍ í ár hava havt tak á hvørjum øðrum á útivølli. KÍ vann allar tríggjar dystirnar sum teir spældu í Fuglafirði í ár, meðan ÍF vann tann eina dystin sum var spældur í Klaksvík Mikkjal Thomassen: Hetta er fyrsta stigið Tað var ein nøgdur Mikkjal Thomassen, sum Sosialurin fekk orðið á eftir dystin í Fuglafirði móti ÍF leygardagin. Hóast hann viðurkendi at tað sjálvsagt kendist eitt sindur keðiligt, at KÍ hevði mist greiðu leiðsluna í Effo-deildini í seinnu hálvu, hevði talan verið um eitt gott kappingarár fyri KÍ. – Eitt annað pláss í landskappingini og gull í steypakappingini er í veruleikanum nógv meira enn vit høvdu sett nøsina upp ímóti frammanundan, so sjálvsagt eri eg væl nøgdur við okkara kappingarár. Vil heldur framhevja góðu løturnar Aftaná fyrsta triðingin og líka til seint í seinnu hálvu, var KÍ greitt oddalið í Effo-deildini, har teir millum annað í summarsteðginum vóru sjey stig frammanfyri Víking á øðrum plássinum. Tá vit spurdu Mikkjal Thomassen, um tað var nakar serstakur dystur sum hann iðraði seg yvir, og sum hann kundi tonkti sær at spælt umaftur, segði Mikkajl Thomassen. – Hetta hevur verið eitt ár har vit hava havt viðgongd, og har vit eisini hava havt mótgongd. Eg fari ikki at útnevna nakran einkultan dyst sum eitt vónbrot fyri kappingarárið, tí tað verður uppá bekostning av øðrum. Heldur havi eg hug at nevna fleiri av okkara góðu dystum, har vit hava havt nógvar. Spældu fleiri framúr dystir Hvør var so besti dysturin, spurdu vit síðani Mikkjal Thomassen? – Eg hugsi serliga teir báðar dystirnar undan summarsteðginum í Klaksvík móti NSÍ, har vit vinna 4-1 og 4-0, teir vóru frálíkir. Eisini spældu vit nakrar frálíkar dystir taktiskt, har eg serliga hugsi um 3-2 sigurin móti HB í Gundadali og 1-0 sigurin móti HB í Gundadali. Men eins og við tí fyrra spurninginum, er tað sjálvsagt trupult at peika ein einstakan dyst burturúr. Skulu varðveita støðuna sum oddalið Tá Mikkjal Thomassen tók yvir sum KÍ venjari, meldaðu bæði hann og leiðslan út, at málsetningurin hjá honum sum KÍ venjari var, at KÍ aftur skuldi teljast millum oddaliðini í føroyskum fótbólti. Ein málsetningur sum í veruleikanum er náddur í ár, har KÍ hevur vunnið silvur í Effo-deildini og gull í steypakappingini. Vit spurdu tí Mikkjal Thomassen, um felagið hevði sett sær nakran nýggjan málsetning. – Eg kann siga tað beinavegin, at tað verður ótrúliga torført at tangera kappingarárið í ár komandi ár. So tí fari eg at vera eitt sindur varin við at melda út beinavegin. Tað er eingin ivi um at málsetningurin hjá okkum, er at vinna okkum fast pláss í oddinum av føroyskum fótbólti. Vit hava tikið eitt stig móti toppinum í ár, men ætla at gera tað til ein vana, at KÍ skal enda millum ovastu liðini í deildini. Tí fara vit eyðmjúkir til verka til komandi kappingarár, har vit ætla at halda konsentratiónini í topp, og síðani vita hvussu langt tað fer at bera. Men tað er eingin ivi um, at tað verður trongligt í toppinum komandi ár, tí HB er longu byrja at seta trýst á, við at teir skulu vinna FM-heitið, segði Mikkjal Thomassen at enda 3 KRISTIAN JOENSEN Sá kanska út til at hann kundi tikið málið hjá ÍF, men spældi annars væl og tóktist tryggur. Hevði tó einstøk útspørk, ið kiksaðu. 3 SØRMUNDUR Á. KALSØ Fekk brotssparkið, tá KÍ javnaði til 1-1. Spælir stabilt væl, og hevur verið týðandi á KÍ liðnum í ár. 3 JONAS F. RASMUSSEN Stýrdi verjuni væl, og var góður til at fáa boðini til hinar mennirnar um at venda gongdini, tá tað stóð nógv á hjá KÍ í fyrra hálvleiki. Spældi ein stabilan dyst. 4 MAYOWA ALLI Í veruleikanum mest eyðsýndi maður í verjuketuni hjá KÍ. Hóast síðan hjá honum var nógv útsett í fyrra hálvleiki, eydnaðist tað ofta Mayowa at vinna avgerandi bóltarnar. 3 ÍSAK SIMONSEN Tóktist trilvandi fyrsta hálva tíman, men leikti seg síðani upp. Er vandamikil frameftir vøllinum við sínum góða vinstra beinið. 3 HEÐIN KLAKSTEIN Stríddist væl og royndi at vera kreativur, men tað hevur onkuntíð áður eydnast betur. Arbeiðsinnsatsurin var tó í topp. 2 SEMIR HADZIBULIC Líktist ikki sær sjálvum í fyrra hálvleiki, og fór eisini út við skaða í hálvleikinum. Avrikið var helst darvað av skaðanum. 3 SÚNI OLSEN Streiddi spælið skilagott og átti nógvar avgerandi bóltar til offensivar støður hjá KÍ. Átti tó einki upplegg ella nakað mál leygardagin. 4 HJALGRÍM ELTTØR Var lívligur í seinna hálvleiki, har tey flestu av vandamiklu KÍ álopunum gingið fyri seg gjøgnum vinstru síðu. 4 JÓANNES BJARTALÍÐ Eftir eina heldur keðiliga seinnu hálvu, vísti Bjartalíð dygdir leygardagin. Var sum heild góður á bóltinum og átti eisini upplegg til eitt av málunum hjá KÍ. 4 PÁLL A. KLETTSKARÐ Er altíð avgerandi á liðnum hjá KÍ, og soleiðis var eisini í Fuglafirði. Javnaði til 1-1 við brotssparkið, og vann annars nógvar týðandi luftbóltar, soleiðis at KÍ kundi varðveita álopsstøðu. 3 TÓRUR JUSTESEN Kom inn í hálvleikinum fyri Semir Hadzibulic og var við til at venda dystinu,. Hóast hann ikki var so eyðsýndur, var avrikið gott. 5 NIELS PAULI DANIELSEN Avgerandi maðurin á liðnum hjá KÍ. Hevði bert verið inni í nakrar fáar minuttir, tá hann legði KÍ á odda 2-1 og lítla løtu seinni skoraði hann eisini til 3-1. Tað avgjørdi dystin til fyrimun fyri KÍ. SPÆLARAMETING VUR VIÐ Fyrsta stig hjá Mikkjal Thomassen sum KÍ venjari, var at fáa KÍ aftur í oddin av føroyskum fótbólti. Nú er annað stig at vinna sær fast pláss millum tey ovastu liðini í Føroyum ÍF-KÍ 1-3 (1-1) 1-0: Adeshina Lawal 12. 1-1: Páll A. Klettskarð br 38. 1-2: Niels Pauli Danielsen 56. 1-3: Niels Pauli Danielsen 57 Dómari: Lars Müller ÍF: Elias Rasmussen – Dánjal Pauli Højgaard, John Daniel Guðjónsson (Dánjal á Lakjuni, 62.), Ingi Sørensen, Alex José dos Santos – Andy Olsen, Kristoffur Jakobsen, Clayton Soares, Ari Ó. Ellingsgaard (Hanus Eliasen, 88.) – Karl Løkin (Jóhan Petersen, 76.), Adeshina Lawal Gult kort: Alex José dos Santos, Ari Ó. Ellingsgaard Venjari: Símun Eliasen og Jákup Mikkelsen KÍ: Kristian Joensen – Sørmundur Kalsø, Jonas Flindt Rasmussen, Mayowa Oladele Alli, Ísak Simonsen – Heðin Klakstein (Niels Pauli Danielsen, 55.), Semir Hadzibulic (Tórur Justesen, 46.) Súni Olsen (Dávid Langgaard, 76.), Hjalgrím Elttør – Jóannes Bjartalíð, Páll A. Klettskarð Gult kort: Tórur Justesen Venjari: Mikkjal Thomassen Iðrar seg mest um málið hjá B36 Spurdur um hann kundi valt ein einstakan dyst, ella eina serstaka støðu úr einum dysti, sum hann kundi tonkt sær at spælt umaftur, svaraði Jonas F. Rasmussen. – Hóast eg ikki sjálvur spældi við á Argjum, er tað sjálvsagt ein dystur, sum vit allir iðra okkum nógv um. Men um tú skalt kóka tað niður í eina einkulta støðu í einum einstakum dysti, má eg siga, at tað er málið sum B36 skorar til 2-2 í Klaksvík, har eg missi mannin vekk tá innleggið kemur, og har teir skora. Í slíkum málum kennir man seg samsekan, segði Jonas F. Rasmussen. Gleðir seg at fara út í Evropa við KÍ Tá vit at enda spurdu Jonas F. Rasmussen, hvussu tað bar til, at hann í farnu viku, longdi sín sáttmála við KÍ, hóast tað hevði ljóða at hann ikki skuldi halda fram í felagnum, svaraði Jonas. – Eg haldi at tit í miðlunum eru nokkso skjót at konkludera, áðrenn ting eru avgreidd. Eg trívist sera væl í býnum, og eftir at hava tosa aftur og fram við unnustuna hjá mær, hildu vit bæði at tað var ein skilagóð avgerð hjá mær, at taka eitt ár afturat. Vit skulu eisini út at spæla evropeiskt komandi ár, so tað er sjálvsagt ein eyka gularót, at vita hvussu langt tað kann røkka har, segði Jonas F. Rasmussen at enda.