mánadagur 24. oktober 2016síða 20

Mánadagur 24. oktober 2016 · Nr. 122 20 Sosialurin Hugskot og viðmerkingar – send sms til 225000 FYRI PÁPA MÍN Tróndur Arge – Argir Leygardagurin var serligur og søgu­ligur fyri øll kring Víking, men fyri Jákup Vatn­hamar Olsen var talan um eina heilt serliga løtu. Blíði og smílandi vongurin hjá Víkingi misti brád­liga í summar pápa sín, Ólav Olsen. Hann var íðin við­ halds­maður hjá Víkingi og vara­formaður í felagnum. Eftir dystin lat Atli Greger­sen, lið­skiparin hjá V í k i n g i , heiðurin a t t a k a móti steypinum fara víðari til Jákup Vatnhamar Olsen og beiggja hansara Magnus Vatnhamar Olsen. Atli gav mær heiðurin Tað var ein rørdur Jákup Vatn­hamar Olsen, sum tók móti steypinum. Tað stóð nógv á, tí hann visti ikki av nøkrum fyri stutt framman­ undan. – Atli Gregersen kom til mín, tá vit skulu upp gjøgnum trappurnar og sigur, at eg skal ganga aftast, tí tað ger spælarin, ið tekur móti steypinum. Tá stóð nógv á, greiðir 20 ára gamli vongurin frá og leggur afturat: – Tað fyrsta eg hugsaði, var at eg mátti hava beiggja mín Magnus við, sigur Jákup Vatnhamar Olsen. Brøðurnir báðir fingu hvør sítt heiðurs­merki, áðrenn for­setin í Fót­ bólts­sam­band­in­ um, Christian F. Andreasen, h a n d a ð i t e i m u m steypið. – Tað var ein fantastisk løta, og eg rópti bara alt, eg orkaði, tá vit lyftu steypið, greið­ir leirvíkingurin frá. Saman við øllum við­ halds­fólkun­ um kundu teir fegnast um, at V í k i n g u r við átta árum á baki nú hevur vunnið sítt fyrsta FM. Fyri pápa mín Jákup Vatnhamar Olsen er róligur, tá hann fortelur um hendingina í summar og um pápa sín. Tað var leygar­ dagin 13. august, at Ólavur Olsen brádliga andaðist. Víkingar­dagar vóru í Leirvík, meðan Jákup V. Olsen sjálvur spældi við næstbesta liðnum í Gundadali. Av tí at Jákup var í Havn, var hann fyrstur á sjúkrahúsið. Har fekk hann tey tungu boðini, og við eitt hevði Jákup mist pápa sín. – Pápi mín er orsøkin til, at eg spæli fótbólt. Hann hevur altíð stuðlað mær og koyrt meg til venjing og dyst, for­telur Jákup V. Olsen. Hann var eisini ein stórur partur av Víkingi, har hann var varaformaður. Hann var ein av eldsálunum í felagnum, sum hevði stóran týdning fyri hann. – Babba var øgiliga spentur áðrenn dyst. Tað merktu vit øll í húsin­um, tí hann bleiv øgiliga stillur, og tankar­nir vóru um dagsins dyst. Tað vóru tær løturnar, har tú veruliga legði til merkis, hvussu stóran týdning Víkingur hevði fyri hann, fortelur Jákup V. Olsen. Áskoðararnir eru farnir av vøllinum og spælararnir hjá Víkingi gera klárt at fara heim við FM steypinum, meðan hann greiðir frá. Hóast løtan er rørandi, er tað eisini gleði og stoltleiki at síggja í eygunum á Jákupi. – Hetta er fyri pápa mín. Hendan fer á grøvina hjá honum í kvøld, sigur leirvíkingurin og peikar á gullheiðursmerki, sum hongur um hálsin. Jákup Vatnhamar Olsen kom á vøllin seinastu minuttir­nar og var mitt í rokanum, tá dómarin bríkslaði fyri seinastu ferð. Hóast tað var ein gleðisrúsur, har øll fegnaðust um søguliga gullið hjá Víkingi, kendi Jákup á sær at onkur manglaði í rúgvuni. – Eg føldi líkasum, at har manglaði onkur. Tað vildi verið so natúrligt at deilt hesa løtuna saman við honum, sigur 20 ára gamli FM vinnarin. So nógvum at takka Fyri Jákup V. Olsen hevur tað stóran týdning at vísa, at hann er takksamur fyri allan tann stuðul, sum hann hevur fingið. Hann er eyðmjúkur um, at tað verður hugsað um hann og familjuna, tá Víkingur vinnur sítt fyrsta FM. – Eg og familjan eru so takk­som fyri allan stuðulin, sum vit hava fingið. Fyri meg hevur Sølvi Vatnhamar verið ein ótrúligur stuðul. Spælararnir skulu eisini hava eina stór tøkk fyri at taka sær so væl av mær. Teir hava verið raskir at koma til kaffi og práta við meg, sigur Jákup V. Olsen. Síðani hann misti pápa sín, hava tað eisini verið dagar, har tað ikki hevur verið møguligt at venja. Eisini her hevur venjara­ toymið víst sín stuðul. – Eg má eisini takka Sámal Erik Hentze. Tað hevur ongantíð verið ein trupulleiki, tá eg ikki havi verið førur fyri ella ikki kunna vant. Uttan tað, so hevði eg nokk ikki verið við í dag, sigur Jákup Vatnhamar Olsen. At enda sendir hann eisini eina heilt serliga tøkk til lið­skiparan á liðnum, Atla Gregersen, sum vísti stór­ sinni og lat heiðurin fara víðari til sín og Magnus. Ólavur Olsen hevur lagt nógv gott í sonin, tí Jákup V. Olsen hevur spælt tveir U21 landsdystir frá byrjan og hevur spælt 18 landskappingardystir í ár. trondur@sosialurin.fo Jákup Vatnhamar Olsen tók saman við beiggja sínum Magnusi Vatnhamar Olsen ímóti fyrsta FM steypinum í søguni hjá Víkingi. Pápi teirra, Ólavur Olsen, var varaformaður og ein drívmegi í Víkingi tá ið hann brádliga andaðist í summar Eyðvør Vatnhamar, Magnus Vatnhamar Olsen, Jákup Vatnhamar Olsen, Elin Vatnhamar Olsen og Ninna Vatnhamar Olsen