mánadagur 24. oktober 2016síða 30

VIKA 43 • 24. OKTOBER 2016 6 ÓKEYPIS LÝSINGARBLAÐ TEMA Vágar Vilmund Jacobsen H in 1. januar komandi ár hevur Vága kommuna, sum fevnir um Sandavág, Miðvág og Vatns­ oyrar, átta ár á baki. Borgarstjóri sein­astu fýra árini hevur verið Rósa Samuelsen, sum í átta ár var borgar- stjóri í Sandavágs kommunu fyri sam­ an­leggingina í Vágum. Umframt at vera borgarstjóri í Sandavágs kommunu, var hon árini 2004 til 2008 eisini forkvinna í Før­ oya Kommunufelag. – Upprunaliga var eg ímóti sam­ an­legging í Vágum, men sum frá leið sá eg fleiri og fleiri fyrimunir, eitt nú við at styrkja umsitingina, serliga við tekniskari leiðslu í einari samanlagdari kommunu. Rósa á ting Á løgtingsvalinum hin 19. januar í 2008 varð Rósa Samuelsen vald á Føroya løgting og valdi ikki at stilla upp aftur á kommunuvalinum seinni sama ár. Tvey fylgjandi løgtingsval varð hon vald, og árini 2008 til 2011 var hon landsstýriskvinna í sosialmálum. Eftir tíðina sum landsstýriskvinna var hon árini 2011 til 2015 forkvinna í løgtingsins trivnaðarnevnd. – Eftir tíðina sum borgarstjóri í Sandavágs kommunu fór eg í jan­uar í 2008 við heilum huga upp í lands­ politikk. Sum borgarstjóri og forkvinna í Føroya Kommunufelag hevði eg sæð, at tað vóru nøkur øki, eg ikki kundi røkka sum kommunalpolitikari. Hjartamálini hjá Rósu Rósa Samuelsen dylur ikki, at henn­ ara hjartamál í landspolitikki – og hesi skjótt fýra árini sum borgar­stjóri í Vága kommunu – eru børnini, tey ungu, barnaverndarøkið, endur­venj­ ingar­økið, heimatænastan og eldra­ økið í breiðari merking. – Bæði sum lands- og kommu­nal­ politikkari havi eg lagt dent á hesi øki og havi verið við til at taka hond um hesi viðurskifti. Men, tað tekur tíð, tá nógv er at fara um. Hon vísir á, hvussu borgarar yngri enn 67 ár eru fyri vanbýti í skipanini. Hesi viðurskifti eru enn ikki komin upp á pláss, og dømir eru um borgarar, sum fella uttan fyri tær tænastur, ið samfelagið annars veitir. Rósa Samuelsen er rættiliga nógv upptikin av spurninginum um skipaða endurvenjing og rehabilitering fyri fólk, sum hava verið fyri likamligum hóttafalli, arbeiðsskaðum, ferðslu­ óhappum og øðrum – við tí úrsliti, at tey mistu førleika og inntøku. – Endurvenjing og endurmenning skal verða eitt tilboð til bæði ung við skerdum førleika og til fólk, sum eru 67 ár og eldri. Føroyar hava nú eina endurvenjingar- og endur­menn­ingar­ lóg, sum stórur tørvur hevur verið á. Tíverri eru tað fólk sum ikki fáa nøkt­ andi venjingartilboð ella stuðul. Borgarstjórin sigur, at tey hava verið á fundi við Almannaverkið, har tey hava biðið um samstarv, men Almannaverkið hevur ikki gingið teim­um á møti, og nú hava tey biðið um fund við landsstýriskvinnuna í al­ manna­málum. Í góðum hondum Rósa Samuelsen vísir á, at tá hon vendi aftur til kommunalpolitikkin fyri fýra árum síðan, var tað ikki minst tí, at henni dámar tað kommunal­poli­t­ iska arbeiðið sera væl og ikki minst, nú fleiri øki eru løgd út til kommunurnar at umsita er hetta serstakliga áhuga­ vert. – Eg brenni fyri øllum tí sosial­ poli­tiska økinum, ikki minst fyri dag­ stovna­økinum, sum lagt varð út til kommunurnar at umsita um aldar­ skiftið – og fyri eldraøkinum, sum komm­unurnar í Vágum hava eitt gott og gev­andi samstarv um. Borgarstjórin í Vága kommunu fegn­ast um, at Heimið á Sýnini nú verður dagført, soleiðis at um­støð­ urn­ar har verða nógv betri, enn tær nakran­tíð hava verið áður. – Tey gomlu í Vágum eru í góðum hondum. Umframt góðu umstøðurnar, sum nú verða á Heiminum á Sýnini, hevur Vága kommuna eisini keypt set­húsini hjá Ivani Johannesen, sála og konu hansara, Sannu Johannesen. Hetta eru eini vanlig, men stór sethús, og her er eitt bútilboð til minnisveik, sum eru mobil. Húsini eru hugnalig, og fólk stórtrívast. Borgarstjórin sigur, at onkur, sum býr í Ivanshúsi, hevur sagt seg hava tað so gott, at viðkomandi hevur gloymt, at hann er farin at gloyma! Hon vísir á, at tá ræður tey minnis­ veiku, er tað løtan, sum telur og sum gevur teimum vælveru og lívsgóðsku. – Vit hava havt hetta tilboð í Ivans­ húsi í umleið eitt ár, og tað hevur rigg­ að ógvuliga væl, tó at húsini hvørki eru bygd, ei heldur umbygd til endamálið. Spegla sær í lívinum Rósa Samuelsen fegnast eisini um dagtilhaldið, sum er í barnagarðinum Miðgarði í Miðvági, og hvussu væl tað riggar at hava børn og eldri undir somu lon. – Tá vit í summar høvdu vitjan av íslendska mentamálaráðharranum, Illugi Gunnarsson, var hon saman við Rigmor Dam, landsstýriskvinnu og vitjaði barnagarðin og dagtilhaldið, har eg vegna kommununa tók ímóti. Illugi Gunnarsson var sera hugtikin av, hvussu væl tað riggar at hava børn og eldri undir somu lon. Børnini kunnu koma inn í dagtilhaldið, og tey hava eisini aktivitetir saman við teimum eldru. Tey syngja saman, spæla, baka, og gleðast um at møtast. Tað er javnan, at børn eisini bara renna inn á gólvið fyri at heilsa upp á lurta eftir morgunandakt og fáa eitt klemm. Rósa Samuelsen vísir á, at tá ís­ lendski mentamálaráðharrin vitjaði, segði ein kvinna í dagtilhaldinum, at »her spejler vi os i livet...«. – Í samband við eldraøkið kann leggj­ast aftrat, at stýrið fyri Heima­ tæn­astuna í Vágum, har eg eri for­ kvinna, hevur gjørt samstarvsavtalu við Vága Pensjónistafelag um at virka sum eldraráð fyri kommunurnar í Vág­ um. Hava gingið undan Leiðari fyri Heimatænastuna í Vágum er Halldis Joensen, og forkvinna í – Tey eru mong, sum ósjálvsøkið brúka burtur av sínari frítíð til at gera tað liviligt og attraktivt í Vága kommunu – alt frá tí yngsta til hin elsta, og eg vil nýta høvi at takka teimum øllum fyri tað, sigur Rósa Samuelsen, borgarstjóri í Vága kommunu Í Vága kommunu spegla tey sær í lívinum – Tey eldru og gomlu trívast ikki bara millum gomul fólk. Tey vilja eisini hava samband við yngi fólk og børn, og tað er stuttligt at síggja, hvussu væl dagtilhaldið í barnagarðinum Miðgarði riggar, sigur borgarstjórin –Nógvar uppgávur og avbjóðingar liggja eisini fyri framman á ferðslutrygdarøkinum, bæði hvat viðvíkur sjálvari ferðsluni í kommununi og gongufólki, sigur Rósa Samuelsen