mánadagur 24. oktober 2016síða 31

VIKA 43 • 24. OKTOBER 2016 7 ÓKEYPIS LÝSINGARBLAÐ TEMA Vágar eldraráðnum umvegis Vága Pen­sjón­ ista­felag er Lydia Laksafoss. – Eldraráðið er samstarvs-og hoyringspartur hjá stýrinum fyri Heima­tænastuna í Vágum, og vit hava eitt sera gott samstarv, sigur borgar­ stjórin. Hon heldur, at kommunurnar í Vág­um á nógvan hátt hava gingið undan, tá ræður um tey eldru. – Stutt eftir aldarskiftið lótu komm­unurnar út spurnabløð til fólk 65 ár og eldri, tí vit vildu hava eldra­ økið lýst, og vit vildu vita, hvør tørvurin er. Niðurstøðan var, at tey eldru vilja búgva heima í egnum húsi sum longst, men at tey vilja á røktarheim, tá tann tíðin kemur, at tey hava brúk fyri at verða røktaði. Rósa Samuelsen vísir á, at tað, sum serliga vantar, tá ræður um tey eldru, er ein bústaður millum heimið og røktarheimið – kanska íbúðir – har tey eldru búgva millum onnur. – Tey eldru og gomlu trívast ikki bara millum gomul fólk. Tey vilja eisini hava samband við yngi fólk og børn, leggur hon aftrat. Námsfrøðilig ráðgeving Tað eru Vága kommuna og Sør­vágs kommuna, sum mynda barna­vernd­ar­ tænastuna í Vágum, og kommunurnar hava í felag valt at uppstiga tæn­ast­ una við tilsamans fýra fólkum í starvi innan hesa tænastu, sum eisini veitir familjuráðgeving og hevur sálar­ frøðing í starvi. – Barnaverndartænastan, sum er tænasta til barnið og familjuna, tekur hond um familjur, sum hava tað trupult. Í Vága kommunu hava tey eis­ini námsfrøðiliga ráðgeving til dag­stov­ nar og frítíðarskúlar í kommununi, og her starvast tveir námsfrøðingar. – Her verður veitt faklig ráðgeving til námsfrøðiliga innihaldið í arbeið­ num á stovni. Endamálið við ráð­gev­ ingini er í fyrsta lagi at tryggja, at øll børn í Vága kommunu hava eitt gott og mennandi dagstovnatilboð. Støðið verður tikið í, at børn hava tørv á góðum relatiónum fyri at menna seg á besta hátt, og vit vilja tryggja børnum mest møguligt samspæl við onnur børn. Rósa Samuelsen vísir á, at náms­ frøðiliga ráðgevingin altíð tekur støði í førleikanum og styrkini hjá børn­un­ um, tí tað er her, at flestu menn­ingar­ møgleikarnir eru. – Í skipanini verður stórur dentur eisini lagdur á at styrkja tey vaksnu, sum eru um børnini í tí dagliga, so tey eru før fyri at bjóða børnunum eitt gott og stimbrandi samspæl, leggur hon aftrat. Hon sigur, at Vága kommuna eisini hevur samtykt tað, tey rópa barna­ áskoðan fyri barnaøkið í kommununi. – Hetta arbeiðið er ein avleiðing av, at Vága kommuna á heysti í 2015 samtykti at gera eitt felags virðis­grundarlag fyri alt barnaøkið í kommununi. Endamálið er, at dag­ stovnarnir skulu hava felags náms­ frøði­liga mentan og mál, soleiðis at øll fáa somu góðu tænastu. Tað er eitt toymi av námsfrøðingum úr øll­um stovnum innan barnaøkið í komm­ununi, sum hava orðað barna­ áskoðanina í Vága kommunu. Góð og dugnalig fólk Rósa Samuelsen fegnast um, at tey í Vága kommunu hava góð fólk á barnaøkinum og í røktini, og tað er ein sjálvfylgja, at skipanin gevur hesum fólkum rúmd til at menna seg og brúka sínar mennandi eginleikar. – Bæði innan dagstovna-og eldra­ økið hava vit góða ekspertisu, og eg plagi at siga, at tað er tríeinigheitin, sum skal ganga hond í hond. Talan er um borgaran, sum skal hava tæn­ astuna, tey avvarðandi og starvs­ fólkið. Eitt eru karmarnir, og annað er, hvat innihaldið í tilboðnum er. Í Vága kommunu er eisini heilsu­ depil við læknum, fysioterapi, økis­ psykiatri, kostráðgeva, heilsusystir, jarðar­móðir og heimasjúkrasystir - allar hesar funktiónir í einum bygningi. – Fólk kunnu fáa allar hesar tæn­ astur við at fara inn gjøgnum eina hurð og soleiðis sleppa frá at fara til Havnar. Eg haldi, at fólk eru ómeta­liga glað fyri hesar tænastur. Fyri at veita eina uppaftur betri tæn­astu verður arbeitt við at gera ein lækna­við­taluportal, so fólk kunnu avgreiða ymisk viðurskiftir heimanífrá. Henda skipan er á gáttini, sigur Rósa Sam­uel­sen. Stórar avbjóðingar Borgarstjórin sigur, at stóra av­ bjóðingin hjá Vága kommunu í løtuni er at útvega grundstykki til fólk, sum ætla sær at byggja. – Bæði í Vatnsoyrum, Sandavági og Miðvági er gongd í nýggjum út­ stykkingum. Útstykkingin í Miðvági fevnir í fyrsta lagi um 12 grundstykki, men her eru longu 15 fólk á bíðilista. Í Sandavági fevnir útstykkingin í fyrsta lagi um 11 grundstykki, og her eru fleiri enn 11 fólk á bíðilista. Í Vatns­ oyrum fáa vit fýra nýggj grundstykki, harav tvey eru umbiðin. Rósa Samuelsen sigur, at áðrenn farast kann víðari í Miðvági, skulu lands­myndugleikarnir góðkenna býar­ planin. – Sandavágur hevur ein dagførdan býarplan, og tá góðkenningin er fingin fyri Miðvág, verða økini í so máta javnt stillaði. Arbeiðast má javnan við at dagføra býarplanin. Borgarstjórin metir, at ein av uppgávunum hjá nýggja býráðnum í Vága kommunu verður at samanbinda býlingarnar í Miðvági, soleiðis at part­ urin Norðuri í Heiðum verður knýttur oman móti bygdini og at samanbinda Miðvág og Sandavág. – Nógvar uppgávur og avbjóðingar liggja eisini fyri framman á ferðslu­ trygdarøkinum, bæði hvat viðvíkur sjálvari ferðsluni í kommununi og gongu­fólki. Vit hava nógv belastaðar vegir, og innkoyringin til skúlan á Giljanesi er ikki í lagi. Her er ætlanin at fáa eina rundkoyring, sum væntandi eisini kann knýtast í eina nýggja út­ stykking. Í mestu ferðsluni her í Sanda­vági fáa vit nú eina rundkoyring, og ætl­anin hevur verið at gera eina gøtu oman fyri vegin yvir á Giljanes. Tað verður arbeitt við at gera eina ferðslutrygdarætlan fyri komm­un­ una, har stórur dentur verður á at­ komuviðurskiftini til skúlan á Giljanesi og skúlan í Miðvági. Hetta arbeiði er boð­ið út. Hon vísir á, at Vága kommuna hevur ein dugnaligan tekniskan leið­ ara, sum eisini er útbúgvin ferðslu­ trygdar­grannskoðari. – So, hetta økið hjá okkum er í ógvuliga góðum hondum. Tó noyð- ast vit at ásanna, at nøkur ting kunnu gerast her og nú, og onnur mugu liggja í einari langtíðarætlan. Undir­ strik­ast skal, at vit hava nógv og sera dugna­lig starvsfólk í kommununi. Ósjálvsøkið arbeiði Borgarstjórin í Vága kommunu, Rósa Samuelsen, fegnast um øll tey góðu og dugnaligu fólk, sum kring um í kommununi gera eitt gott og ósjálv­søkið arbeiði – tað veri seg innan ítrótt, mentan, samkomur og í pensjónistafelagnum. – Her eru mong, sum brúka burtur av sínari frítíð til at gera tað liviligt og attraktivt í Vága kommunu - alt frá tí yngsta til hin elsta, og eg vil nýta høvi at takka teimum øllum fyri tað, leggur hon aftrat. – Eg brenni fyri øllum tí sosialpolitiska økinum, ikki minst fyri dagstovnaøkinum, sum lagt varð út til kommunurnar at umsita um aldarskiftið - og fyri eldraøkinum, sum kommunurnar í Vágum hava eitt gott og gevandi samstarv um. Børnini og tey gomlu í Vágum eru í góðum hondum, sigur Rósa Samuelsen