mánadagur 24. oktober 2016síða 32

VIKA 43 • 24. OKTOBER 2016 8 ÓKEYPIS LÝSINGARBLAÐ TEMA Vágar Vilmund Jacobsen Á vitjan í Vágum var Vikublaðið inni á gólvinum í Vága Flog­ havn, har stjórin, Jákup Sverri Kass, vísti okkum snotu­ligu og góðu umstøðurnar í skrivstovupartinum í ovaru hæddini. Meðan vit spáka runt í bygning­in­ um, sóu vit eisini venjingarhølini – ella motiónsrúmið – sum øll tey, ið starv­ ast í bygninginum, hava atgongd til. Her eru avgjørt góðir møguleikar hjá teimum, sum starvast á skriv­stov­ unum, at lætta sær á og íðka tað, tey hava hug til. Inni á skrivstovuni hjá stjóranum fellur prátið náttúrliga á, at SAS til várs fer at flúgva millum Danmark og Føroyar. – Jú, tað eru flogfeløg, sum sein­ astu árini hava víst Føroyum áhuga, og vit hava havt fleiri vitjanir av flogførum og fólki, umboðandi ymisk feløg. Millum tey stóru feløgini, sum hava vitjað í Vágum við flogfari, eru eitt nú Lufthansa. Áhugi er fyri Før­ oyum, men tað tekur tíð, og nú er so greitt, at SAS kemur higar. Tað sigur stjórin í Vága Floghavn. »Køkan« verður størri Jákup Sverri Kass ivast onga løtu í, at ferðafólkatalið á Føroyaleiðini fer at veksa nógv, tá kapping verður á far­ leiðini. – Í sínari tíð søgdu eisini umboð fyri SAS, sum vóru einsamallir um Ålborg í nógv ár, at grundarlag var ikki fyri fleiri feløgum. Men, í dag flúgva eini sjey ymisk feløg upp á Ålborg, og SAS er har framhaldandi. Hann væntar, at »køkan« at flúgva upp á Føroyar eisini fer at veksa – við størri kapping á farleiðini. – Eg haldi, at vit kunnu vænta okkum lægri ferðaseðlaprísir og eina enn betri tænastu, sum fer at gagna øllum. Jákup Sverri Kass vísir á, at tað eru eins nógv fólk til arbeiðis í Vága Floghavn – antin nógv ella lítið er at gera. Tað eru nøkur krøv, sum skulu fylgjast, og tey eru galdandi bæði við nógvari og minni ferðslu. – SAS hevur lagt seg á fyrrapart­ arnar allar dagar uttan leygardag, og fyrrapartar er lítil ferðsla, sigur hann. Hetta er úrslitið Meðan vit vitja í skrivstovupartinum í Vága Floghavn, vísir stjórin á, at her eru umleið 4.000 fermetrar av gólv­ vídd, og sjálvur terminalurin er umleið 3.700 fermetrar. – Umframt fráfaring og komu und­ ir tí sermerkta takinum, hevur Vága Foghavn eisini fleiri leigumál. Jákup Sverri Kass sigur, at leigað verður út til Felagið Vágar, 62N, Avis, avgreiðsluna hjá Atlantic Airways og Taks. Aðrir leigarar eru Posta við sínari vøruavgreiðslu og løgreglan. – Vit hava alla okkara umsiting í skrivstovubygninginum, og vit hava brandstøð, verkstað og sweeper-bil­ hús til okkara kavaruddingaramboð. Jákup Sverri Kass vísir á, at tað var hetta, sum pengarnir, ið Vága Flog­havn hevði at ráða yvir hesaferð, rukku til. – Vit hildu okkum innan fyri fíggj­ ar­ligu karmarnar, og hetta er tað, vit í fyrstu syfti fingu burtur úr. Høvdu vit hava størri fíggjarligt rásarúm, hevði ivaleyst okkurt verið øðrvísi. Hann leggur aftrat, at tornið á flog­vøllinum júst er umbygt og dag­ ført við nýggjum tólum fyri 4,5 mil­ jónir krónur. Stórt parkeringsøki Í løtuni verður arbeitt við at byggja út parkeringsmøguleikarnar hjá Vága Floghavn, og hetta er ein íløga á stív­ liga 40 miljónir krónur. – Við útbyggingini fáa vit fleiri enn 400 parkeringspláss aftrat, soleiðis at hesi fara úr 360 upp í fleiri enn 800, sigur Jákup Sverri Kass. Vága Floghavn hevur umleið 37 ársverk, harav talið av brandmonnum, ið flestu eru handverkarar og gera ymiskt handverksarbeiði, er 25. – Tað eru eins nógv fólk til arbeiðis í Vága Floghavn - antin nógv ella lítið er at gera, sigur stjórin, Jákup Sverri Kass, sum væntar, at nógv fleiri fólk fara at ferðast loftvegis, nú kapping verður á Føroyarutuni Størri kapping gevur eina størri »kaku« - Eg haldi, at vit kunnu vænta okkum lægri ferðaseðlaprísir og eina enn betri tænastu, sum fer at gagna øllum, sigur stjórin í Vága Floghavn – Vit hildu okkum innan fyri fíggjarligu karmarnar, og hetta er tað, vit í fyrstu syfti fingu burtur úr. Høvdu vit hava størri fíggjarligt rásarúm, hevði ivaleyst okkurt verið øðrvísi, sigur Jákup Sverri Kass, stjóri í Vága Floghavn