mánadagur 31. oktober 2016síða 10

Mánadagur 31. oktober 2016 · Nr. 125 10 Sosialurin Hugskot og viðmerkingar – send sms til 225000 POLITIKKUR Árni Gregersen Menningarbólkurin, sum var settur at gera uppskot til eina menningarætlan fyri sjúkrahúsini í Føroyum, hevur reist nógvar spurn­ ingar, men álitið hevur aftur fest í fjúsið um hvussu nógv sjúkra­hús vit skulu hava. Spurningurin um leiðslu er eisini reistur og menningarbólkurin mæl­ir til at skipa verður ein felags leiðsla fyri øll trý sjúkra­ húsini. Ein av aðaluppgávunum hjá tvørgangandi leiðsluni verður at fremja eitt greitt upp­gávubýti millum tey trý sjúkrahúsini í ein­um samstarvandi sjúkra­hús­ verki, har sjúkrahúsini hvør sær hava týðandi sam­skip­ að­ar leiklutir. Júst hesin spurningurin hevur fingið Bjørn Kalsø, Sambandsflokkurin, at seta lands­stýriskvinnuni við heilsu­málum, Sirið Stenberg, Tjóð­veldi, nakrar spurningar í tinginum. Menningarbólkurin held­ ur, at eitt greitt upp­gávu­ býti millum sjúkrahúsini er neyðugt fyri at tryggja dygd­ ina í viðgerðunum. Tá tilfeingið er í troti kann uppgávubýtið eisini við­virka til, at tann samlaða orkan verður betur gagnnýtt. Verkætlanarbólkurin gev­ ur í frágreiðingini sítt boð uppá hvussu uppgávubýtið kann gerast. Millum annað verð­ur mælt til, at allar akutt­ar viðgerðir og tor­greidd­ar viðgerðir fram­eft­ir skulu gerast á Lands­sjúkra­húsi­ num, meðan eftirviðgerð kann fara fram á teimum smærru sjúkrahúsunum. Eisini eiga Suðuroyar sjúkra­hús og Klaksvíkar sjúkra­hús í framtíðini at gera alt fleiri planlagdar dag­skurð­við­gerðir (sama­ dags­kirurgi). Hvassir spurningar Júst hasar orðingarnar hava elvt til ótyryggleika, serliga á Klaksvíkar sjúkrahúsi, meira enn á sjúkrahúsinum á Tvøroyri. Bjørn Kalsø vil hava at vita frá Sirið Stenberg um arbeitt verður við ætlanum um at broyta leiðslubygnaðin á sjúkrahúsinum í Klaksvík. Hann vil eisini hava at vita, um svarið er ja til spurningin, hvussu fram­ tíðar leiðslubygnaðurin í Klaks­vík so verður. Um talan verður um eina sjálvstøðuga leiðslu á staðnum ella við einari felags leiðslu fyri øll trý sjúkrahúsini. Í viðmerkingunum til spurn­ingin sigur Bjørn Kalsø, at ein virkin sjálvstøðug leiðsla við fullum heimildum er ein fortreyt fyri at eitt sjukra­hús virkar. Hann legg­ ur eisini afturat, at tað er neyðugt, at eitt sjúkrahús hevur eina vælvirkandi til­ búgving 24 tímar um sam­ døgrið. At talan er um um politiskar ósemjur sæst í við­ merkingunum til spurn­ing­ arnar til lands­stýris­kvinnua.. Bjørn Kalsø sigur, at landsstýriskvinnan, Sirið Stenberg fyrr talað harð­liga ímóti einari felags leiðslu á teimum trimum sjúkra­ húsunum. Men nú hevur hon róð fram undir við útvarpið hjá Kringvarpinum, at hon tekur undir við felags leiðslu. Útsøgnin kemur eftir, at núverandi leiðsla á Suður­oyar sjúkrahúsi í fleiri um­før­um hevur biðið um at verða løgd undir leiðsluna á Landsjúkrahúsinum. Hann leggur afturat, at lands­stýriskvinnan fyrr hev­ur havt greiðar mein­ ing­ar um, hvussu stóran týdn­ing tað hevur, at tey bæði smærru sjúkrahúsini hava fulla tilbúgving, men hann heldur, at eftir at álitið er komið frá menningar­ bólkinum, hevur hon skift meining. Bjørn Kalsø fer við spurningi sínum til lands­ stýris­kvinnuna av álvara inn í eitt stríð, sum skal tryggja Klaks­víkar sjúkrahúsi sama leist, sum tað hevur havt seinastu árini. -Fyri trygdina í norður­ økinum og støðuna hjá Klaks­víkar Sjúkrahúsi eru hesir spurningar avgerandi, tí uttan sjálvstøðuga leiðslu, uttan fulla tilbúgving alt sam­døgrið og uttan støðugar út­byggingar og áhaldandi íløgur í bygningar og útgerð, verður sum sagt ikki longur talan um nakað sjúkrahús í Klaks­vík, sigur Bjrøn Kalsø – og leggur afturat: -Tíverri tykist tað, sum Klaks­víkar sjúkrahús ongan góðan eigur, har sum av­gerð­ irnar skulu takast. Sjúkrahúsini enn ein snávingarsteinur í politiska arbeiðnum Medningarætlanin fyri sjúkrahúsini í Føroyum hevur av álvara vakt stríðið um sjúkrahúsini aftur Klaksvíkar sjúkrahús má hava egna leiðslu. Annars er ikki talan um eitt sjúkrahús, sigur Bjørn Kalsø, tingmaður Bjørn Kalsø hevur spurt landsstýriskvinnuna um, hvørjar ætlanir hon hevur við leiðsluni á Klaksvíkar Sjúkrahúsi. Sírð Stenberg, landsstýriskvinna, tekur undir við menningarbólkinum, heldur Bjørn Kalsø