mánadagur 31. oktober 2016síða 38

VIKA 44 • 31. OKTOBER 2016 VIKUTEMA Hús&Heim & Orka 14 Altíð okkurt nýtt! Seinastu árini hevur hendan raclett, sum hon eitur, funnið vegin í handlarnar. Hon minnir um eina pannu. Tú steikir fisk, kjøt og grønmeti á henni. Hóskar væl til brellbitar. Rullur ballaðar í ríspappír Rullurnar á myndini síggja kanska eitt sindur løgnar út, tí tað sær út sum plastikk er ballað rundan um innihaldið. Men hetta eru tunnar plátur av ríspappíri, sum verða dyppaðar í heitt vatn í nøkur sekund so tær blotna og verða lættar at rulla saman. Síðan lagdar á eitt skeribretti og turkaðar við viskustykki. Í rullunum á myndini er ymiskt grønmeti, eitt sindur av dressingi. Í trimum er laksur, trimum tunfiskur og í trimum rækjur. Tað er bara hugflogið, sum setur mark fyri, hvat tú kanst koyra í tær. Rullurnar kunnu etast kaldar, dampaðar ella stoktar í olju. »Spring roll wrappers«, sum ríspappírið eitur, eru av merkinum »Blue Dragon«. Tú kanst eisini gera várrullur, sum vit kenna tær við kjøti í, við at steika hakkikjøt og kál á pannu og balla tað inn og steikja tær í olju í nakrar minuttir. Kóka við dampi Bæði fiskur og grønmeti verða leski­ ligari, tá dampur verður brúktur at kóka við. Grønmeti verður broyskið og smakkar ikki so útvatnað, sum tá tað er kókað í vatni. Somuleiðis við feskum fiski. Sjálvsagt er ikki lívs­neyðugt at hava eina slíka grýtu. Men hon ger lívið lættari og matin leskiligari. Í einari grýtu sum henni á myndini dampar tú grønmeti ella fisk yvir eplunum, meðan tey kóka.