mánadagur 31. oktober 2016síða 54

VIKA 44 • 31. OKTOBER 2016 30 ÓKEYPIS LÝSINGARBLAÐ TEMA Fuglafjørður – Vit gleða okkum at kunna bjóða meira goymslupláss – Potentialið innan goymsluøkið er velduga stórt, tí Føroyar liggja mitt á »motorvegnum« hjá fleiri skipum og tjóðum, sum veiða um okkara leiðir, sigur Símin Pauli Sivertsen, stjóri í Bergfrost í Fuglafirði Vilmund Jacobsen T að var í desember í 2015, at Bergfrost í Fuglafirði keypti teir seinastu tveir tunlarnar - tunnil 4 og 2 og miðgongdina - til allar fimm tunl­arnar frá Fuglafjarðar kommunu. Tríggir teir fyrru tunlarnir, 5, 3 og 1, vórðu keytir í 2012, soleiðis at fe­ lagið nú eigur allar fimm tunlarnar, sum Fuglafjarðar kommuna í sínari tíð bygdi. Tunlarnir og miðgongin, sum vóru við í seinasta keypinum, hava ongar frysti-instalatiónir, men hava í fleiri ár verið brúktir sum goymslutunlar til vørur hjá Havsbrún. Koyra ætlandi í mai Vikublaðið, sum hevur vitjað í Fugla­ firði, hevur skift orð við Símin Paula Sivertsen, stjóra í Bergfrost. – Vit miðja eftir, at nýggju og øktu frystimøguleikarnir skulu verða klárir at taka í nýtslu næsta ár. Enn er ikki alt ruddað út, men tá tað arbeiðið er gjørt, skulu tunlarnir vaskast, turkast og málast hvítir innan. Her verður nógv at fara um, tá tunlarnir hava verið brúktir til mjølgoymslu. Stjórin sigur, at ætlanin hjá Berg­ frost er at starta nýggju tunlarnar og tann partin av miðgongini, sum eisini skal brúkast til frysting, upp í mai mánaði næsta ár, og ætlanin er at taka allan tann nýggja partin av frystigoymsluni í brúk samstundis. – Maskinrúmið skal eisini útbyggj­ ast til tvífalt so stóra orku sum í dag. Vit skulu hava ein nýggjan kom­ pressara av sama slagi sum tann, vit hava, og rør og blásarar skulu leggjast undir loftið. Teir tríggir frystitunlarnir hjá Berg­ frosti, sum eru í brúki, koma at koyra sum vanligt alla tíðina, meðan arbeitt verður. – Tá vit keyptu teir fyrstu tríggjar tunlarnar fyri átta miljónir, dagførdu vit instalatiónir og maskinrúm fyri aðrar átta miljónir krónur. Símin Pauli Sivertsen vísir á, at nú hesir seinastu tunlarnir og miðgongin eru keypt fyri átta miljónir, skulu instalatiónir, kompressari, rúm til truckar og annað gerast fyri einar 12- 14 miljónir krónur. – Tá alt er komið upp at koyra tíðliga næsta summar, hevur Bergfrost ein samlaðan goymslukapasitet á út við 25.000 tons, tá alt er væl stúvað. Tá fer okkara goymsla at teljast millum tær stóru fiskagoymslurnar í Norðurlondum. Eitt endaligt mál Stjórin sigur, at ætlanin hjá Bergfrost er ikki at veksa enn meira um goymslu­kapasitetin í Fuglafirði. – Nú vit arbeiða fram ímóti at taka hesar seinastu tveir tunlarnar og miðgongina í brúk, føla vit, at vit eru við at røkka einum endaligum máli. Vit fara ikki at byggja meira út, men fara heldur, sum tíðin gong­ur, at nútímansgera okkara goymslu­ virksemi. Símin Pauli Sivertsen vísir á, at hóast frystikapasiteturin hjá Berg- frost nú verður velduga stórur, kann samtarv við aðrar veitarar og kapp- ingarneytar í Føroyum saktans vera skilagott. Betraðar umstøður Síðan Fuglafjørður fekk 60 nýggjar metrar av djúphavn aftrat, eru um­ støðurnar munandi betraðar, og nú kann eitt uppsjóvarskip liggja og landa til Pelagos, samstundis sum eitt farmaskip tekur ímóti frystivørum frá Bergfrost. – At frystu vørurnar nú eisini kunnu koyrast beint frá frystigoymsluni og oman á farmaskipið, er eisini ein stórur fyrimunur. Símin Pauli Sivertsen gleðir seg til at kunna selja fleiri kundum goymslu­ pláss, nú frystikapasiteturin verður øktur. – Vit fáa nógvar fyrispurningar um goymslupláss, og tað er aftur­ vendandi, at vit ikki kunnu taka ímóti. Vit kenna sjálvsagt eisini eina skyldu yvirfyri einum so stórum veitara sum Pelagos, sum hevur brúk fyri nógvum goymsluplássi í vertíðini. Tíðliga um summarið, og áðrenn vertíðin hjá Pelagos byrjar um heystið, tora vit ikki at taka ov nógv inn á goymsluna. Stórt potentiali Stjórin vísir á, at potentialið innan goymsluøkið er velduga stórt, tí Føroyar liggja mitt á ”motorvegnum” hjá fleiri skipum og tjóðum, sum veiða her um okkara leiðir. – Vit hava ligið í einum ávísum andróðuri, har vit ikki hava havt nóg mikið av goymsluplássi til allar teir fyrispurningar, sum eru, bæði í Føroyum og uttanlands. Taka vit russisku skipini, sum fiska um okkara leiðir, so umskipa tey eini 250.000 í føroyskum havnum um árið. Símin Pauli Sivertsen sigur, at við útbyggingini av frystiorkuni verður Bergfrost eisini lyft upp á eitt hægri heilsufrøðiligt støði, nú einki mjøl verður inni í tunlunum longur. – Útbyggingin kemur eisini at merkja, at frystigoymslan verður nógv rúmligari og arbeiðsligari sigur stjórin. – Vit miðja eftir, at nýggju frystimøguleikarnir skulu verða klárir at taka í nýtslu næsta ár, sigur Símin Pauli Sivertsen, stjóri í Bergfrost Mynd: Birgir W. Høgnesen – Vit fara ikki at byggja meira út, men fara heldur, sum tíðin gongur, at nútímansgera okkara goymsluvirksemi, sigur stjórin í Bergfrost Mynd: Birgir W. Høgnesen