mánadagur 31. oktober 2016síða 58

VIKA 44 • 31. OKTOBER 2016 34 ÓKEYPIS LÝSINGARBLAÐ TEMA Fuglafjørður Fuglafjørður sera væl fyri vinnuliga – Eg fegnist um allar tær fyritøkur, sum hava sítt virksemi í Fuglafirði. At hetta eru fjølbroyttar fyritøkur, sum framleiða til altjóða marknaðin, ger bara støðuna uppaftur betri. Tað er ein fyrimunur fyri vinnulívið, at øll eggini ikki eru endaði í einari kurv, sigur Magnus Midjord, formaður í vinnunevndini hjá Fuglafjarðar kommunu Vilmund Jacobsen M agnus Midjord, sum hevur sitið í Fuglafjarðar býráði seinastu átta árini, hevur valt ikki at stilla upp aftur á kommunuvalinum hesa­ferð. Hesi árini hevur hann sitið í tung­ um nevndarsessum, bæði skeiðini sum limur í fíggjarnevndini og vinnu- nevndini og seinastu fýra árini sum for­maður í vinnunevndini. Hesi átta árini hevur hann sitið bæði í minniluta og í meiriluta í býráð­ num. Krevjandi og spennandi – Hetta hevur verið ein ógvuliga spenn­andi, men eisini krevjandi tíð, sig­ur hann. Tað er eingin loyna, at Magn­us Midjord hevur verið ein av talsmonn­ unum fyri teimum útbyggingum, sum eru framdar á havnalagnum í Fugla­ firði. – Í skemti havi eg sagt, at nú hava vit við útbyggingum av havnalagnum og tí vinnuvirksemi, sum hetta hevur slóðað fyri, skapt fíggjarliga grundar­ lagið undir skúlabyggingini. Herfyri sam­tyktu vit í býráðnum einmælt at byggja nýggjan barnaskúla í Fuglafirði. Hetta er ein stór íløga, sum kemur at krevja rættiliga nógv av kommununi. Magnus Midjord vísir á, at hóast kommunan við árunum hevur gjørt stórar íløgur fyri at tryggja góðar vinnu­ligar karmar, vónar hann ikki, at komm­unalu útbyggingarnar á havna- lagnum steðga her. Hann sær tó fyri sær, at nú stórar íløgur skulu gerast í skúlabygging, verður ávíst afturhald í íløgunum á havnalagnum fyri eina tíð. Hann vísir tó til langtíðarætlanina, sum fyriliggur og vónar, at býráðið, sum tekur við eftir valið í november, fer at hava hesa langtíðarætlan við í sínum viðgerðum og avgerðum, sum tíðin gongur. Betraðar umstøður Fuglafjørður hevur fingið 60 metrar av nýggjari djúphavn í framhaldi av Pelagos-bryggjuni, og hetta ger stóran mun, tó at útbyggingin ikki nøktar framtíðar tørvin. Bátahylurin er eisini dagførdur, soleiðis at um­ støð­urnar hjá smábátaeigarum nú eru góðar. – Umstøðurnar hjá teimum stóru skipunum á Fuglafirði eru nógv betr­ aðar, og útbyggingin av djúp­havnini slóðar eisini fyri eini bingju­havn, sum kemur at hava stóran týdning fyri Fuglafjørð og fyri inntøkurnar hjá Fugla­fjarðar havn. Magnus Midjord vísir á, at úr krók­ inum á nýggju atløgubryggjuni og út á endan, har Havsbrún nú byggir nýggja og stóran fóðurgoymslubygning, eru eisini 20 metrar av nýggjari atløgu­ síðu. – Eg síggi fyri mær, at hesir 20 metrarnir í einari nýggjari útbygging verða nógv fleiri út eftir, soleiðis at her eisini fæst ein atløgusíða aftrat til tey stóru skipini. Magnus Midjord sigur, at nýggja fóðurgoymsluhøllin, sum Havsbrún nú letur byggja, verður einar 4.300 fermetrar stór, sum svarar til umleið ein innilokaðan fótbóltsvøll. Nýggj bingjuhavn Sambært tølum hjá Havnar­skriv- stov­uni fóru sløk 600.000 tons um bryggjukantin í Fuglafirði í 2015. Út­flutningurin var mest fryst­ar fiskavørur, mjøl og fóður, og inn­flutn­ ing­urin var mest rávøra til Havsbrún og Pelagos, frystar fiskavørur til Bergfrost og olja til Effo Bunkers. – Í fjør fóru eisini 40.000-50.000 tons av ymiskum frystum fiskavørum í bingjum eftir landavegnum, og tá fiskurin fer av havnalagnum á henda hátt, fæst einki vørugjald fyri fiskin, og kommunan missir inntøkur. Vinnunevndarformaðurin vísir á, at í miðal fara einar 40 bingjur um vikuna úr Fuglafirði eftir landavegnum. – Tað er tí ógvuliga umráðandi, at vit fáa bingjuhavnina upp at koyra sum skjótast. Økið, har frysti­ bingj­urnar koma at standa, er einar 10.000-12.000 fermetrar stórt, og við tveimum bingjum á hædd kunnu nógvar bingjur standa á økinum í senn. Magnus Midjord vísir á, at nýggj háspenning er løgd av vestara landi í Fuglafirði og um fjørðin. Háspenningin endar inni á Pelagos, og haðani verður hon løgd heim á bingjuøkið, sum krev- ur nógvan streym. – Nógva vinnulívið krevur eina kolosala orku, og eg havi skilt, at bara vinnulívið í Fuglafirði krevur væl meira orku enn allar Norðoyggjar til samans, íroknað Klaksvíkin. Pelagos og Vónin Í tíðini, meðan Magnus Midjord hevur verið virkin í Fuglafjarðar býráði, hevur Fuglafjørður eitt nú fingið upp­ sjóvarvirkið, Pelagos, sum í vertíðini hevur arbeiðið til nógv fólk. – Jú, her er nógv virksemi og ar­ beiði í Fuglafirði, og dagliga koma eini 200-300 fólk úr øðrum økjum til Fuglafjarðar at hjálpa okkum at arbeiða. Her er nógv meira arbeiði enn til okkum fuglfirðingar, og vit fegnast um at kunna bjóða fólki úr øðrum økjum at arbeiða hjá okkum. Vinnunevndarformaðurin vísir á, at Føroyar hava brúk fyri framleiðslum og útflutningi, og her gongur Fugla­ fjørður á odda. – Tað er nógv hent í Fuglafirði seinnu árini. Fara vit nøkur ár aftur í tíðina, kundi tað faktiskt vera rætti­ liga deydligt á bryggjuni. Fyrsta upp­ sjóvarvirkið í Føroyum kom í Kollafirði, og hitt næsta kom á Tvøroyri. Men, tíbetur eydnaðist tað okkum eisini at fáa okkara uppsjóvarvirki, sum liggur væl plaserað í Fuglafirði, her vit hava havt Havsbrún í meira enn fimmti ár. Magnus Midjord vísir á, at um stutta tíð fer trolvirkið Vónin at byggja ein velduga stóran bygning heilt úti á havnalagnum í Fuglafirði, har trolvirkið fer at hava sítt virksemi. – Sum eg havi skilt, verður hesin bygningur meira enn 100 metrar lang­ur og í fleiri hæddum. Gamla nóta­virkið er selt til Framherja - und­ an­tikið sjálv nótagoymslan, sum nóta­ skipini eiga. Altjóða fyritøkur Vinnunevndarformaðurin fegnast um allar tær fyritøkur, sum hava sítt virksemi í Fuglafirði, og at hetta eru fjølbroyttar fyritøkur, sum framleiða til altjóða marknaðin, ger bara støð­ una uppaftur betri. – At fyritøkurnar eru fjølbroyttar og framleiða til ymiskar marknaðir, ger, at vinnulívið stendur sterkari. Eg vil siga tað soleiðis, at tað er ein fyrimunur fyri vinnulívið í Fuglafirði, at øll eggini ikki eru endaði í einari kurv. Magnus Midjord fegnast eisini um stóra virksemið hjá KJ Hydraulik og øðrum veitarum á Kambsdali og aðrastaðni í Fuglafirði. - Hevði eg sagt fyri 20 árum síðan, at einasta skipasmiðja, sum byggir skip í Føroyum, fór at liggja á Kambsdali, hevði eg helst verið innisperraður. Men, hetta er fakta, nú KJ Hydraulik seinnu árini hevur bygt ein hóp av tvíkiljum til alivinnuna, sigur vinnunevndarformaðurin. Soleiðis sær økið út í dag, har ætlaða bingjuhavnin skal verða, og niðan fyri Havsbrún sæst eisini, at stóri fóðurgoymslubygningurin byrjar at taka skap Mynd: Vilmund Jacobsen – Hetta hevur verið ein ógvu­ liga spennandi, men eisini krevj­andi tíð í býráðnum, sigur Magnus Midjord, sum ikki stillar upp aftur á kommunu­valinum hesaferð