mánadagur 7. november 2016síða 4

Mánadagur 7. november 2016 · Nr. 128 4 Sosialurin Hugskot og viðmerkingar – send sms til 225000 TEY UNGU FLÝGGJA Í MJØRKADAL Úrtøkan var tó heldur soltin – nakrar sigarettir, 130 krónur, ein kenning og eitt par av skóm Danjal av Rana Ein 18 ára gomul kvinna var í Føroya rætti ákærd fyri seks ymisk innbrot og í einum føri at hava framt herverk í einum løgreglubili. Kortini má sigast, at úrtøkan frá inn­brotunum hevur verið soltin. Tað einasta, hon sat eftir við, vóru nakrir pakkar av sigarettum, sum hon ikki náddi at roykja, nakrar fløsk­ ur av brennivíni, sum hon og vinfólkini skjótt gjørdu sær dælt av, tveir kassar av øli, sum hon kortini ikki drakk, 130 krónur og einum pari av skóm. Hóast sín unga aldur, er kvinnan longu ein kenningur hjá løgregluni og hesi seks innbrotini eru øll framd sein­astu fýra mánaðirnar. Stulu sigarettir frá Á Fyrsta innbrotið, sum kvinn­ an var ákærd fyri, var inn í Á-handilin á Grøn­lands­ vegnum í Havn í juli í ár. Kvinnan játtaði seg seka og greiddi frá, at hon, saman við tveimum øðrum, hevði brotið ein rút í eini hurð og hevði stolið heilt fitt av sigarettum úr handlinum. Kvinnan greiddi frá, at tey sótu og ballaðust, tá siga­ rettirnar gjørdust uppi. Hon fekk tí tað hugskot, at bróta inn í matvøruhandilin eftir fleiri sigarettum. Tey fóru trý avstað á einum skutara. Ein varð sitandi á skutaranum, meðan hini bæði fóru inn í handilin. Vinmaðurin fylti eina tasku við sigarettum, men sjálv gloymdi hon at taka posan fram, sum hon hevði við sær og fylti tí bara føvningin. Úrslitið var, at hon misti sigarettpakkar allan vegin frá handlinum og heim til har, tey sótu. Tí var lag á manni hjá løgregluni at fylgja slóðini og handtaka tey trý fyri innbrotið. Kvinn­ an greiddi frá, at løgreglan var so skjót á staðið, at tey ikki høvdu fingið sett á fyrsta pakkan enn. Í septembur endaði kvinn­an aftur í hóslag við løg­regl­una. Hon hevði fingið ov nógv at drekka og var av­dottin. Tí valdi løg­reglan at koyra hana norð­ur til Klaksvíkar at sova rúsin av. Í bilinum hevði kvinn­ an tó sparkað eina rútin á løgreglubilinum út. Hetta hendi inni í Norð­skála­ tunlinum. Sjálv segði hon seg ikki minnast hendingina, men segði, at tað kundi verið henni líkt. Hvør breyt inn í Mimir? Einans eina lítla viku seinni, 8. septembur, verður kvinnan aftur handtikin. Hon er undir illgruna fyri at hava brotið inn í Mimir, saman við øðrum. Hon er tó so illa fyri, at heldur enn at koyrast í varðhaldi, verður hon koyrd út á Landssjúkrahúsið. Ein 26 ára gamal vinmað­ ur hjá gentuni er dømdur fyri at hava framt innbrotið saman við gentuni. Gentan játtaði seg seka, men vildi kortini vera við, at tað ikki var dømdi maðurin, sum hevði framt innbrotið, men ein annar vinmaður. Hetta sama førdi 26 ára gamli mað­urin eisini fram í mál­ inum móti sær. Maðurin varð dømdur, men skeyt dómin inn fyri landsrættin, men heldur ikki har trúðu dómararnir honum. Ein vin­ maður hevur í rættinum ført fram, at tað var hann og ikki hin 26 ára gamli, sum framdi innbrotið, men dómsvaldið hevur ikki fest lít til hansara frágreiðing. Hinvegin hevur ákæruvaldið skuldsett hann fyri at hava logið í rættinum. Kvinnan heldur tó fast um, at tað var ein annar vin­ maður, sum var við henni inni í Mimi, tá tey stjólu heilt fitt av fløskum. Okkara kamping­ vognur So er friður av gentuni í ein lítlan mánað, men 3. oktobur ger hon aftur um seg, saman við vinmanninum, sum tey trý vilja vera við er hann, sum breyt inn í Mimir. Hesa ferð brutu tey bæði inn í eina sølubúð hjá Okkara í Havn. Tey fingu tveir ølkassar við sær, sum tey bóru yvir á Háls í Havn, har tey framdu ann­ að innbrotið hetta kvøldið. Ein kampingvognur stóð á einum parkeringsøki, og tey bæði brutu inn í hann. Kvinn­an vil vera við, at rút­ urin var brotin, og tí var talan ikki um innbrot, men annars játtaði hon seg seka. Hon noktaði tó, at tey høvdu stolið nakað úr vogninum. Í kampingvogninum drukku tey nakrar øl, men satt at siga dámar henni ikki øl og tí lótu tey kassarnar standa, meðan tey fóru nið­ an aftur í ballið, tey vóru farin úr. Fór at svimja Einans tríggjar dagar seinni eru tey bæði aftur úti og vála. 6. oktobur bróta tey bæði inn í svimjihøllina í Gundadali. Tey bróta ein rút í eini hurð aftan fyri høllina, móti húsunum hjá ÍSF. Tey brutu sær so veg gjøgnum svimjihøllina inn í móttøkurúmið í forhøllini. Tey vónaðu at finna nakað av peningi, men har vóru einans 30 krónur í kassanum. Tey brutu nakrar rútar aft­ urat og fóru síðani oman í býin aftur. Á veg oman í býin ger­ ast tey óklár um eitt hvørt og fara hvør til sítt. Unga kvinnan kúvendir, leggur leiðina niðan aftur í svimji­ hylin og fer at svimja. Eina løtu seinni fer hon om­an aftur í býin og møtir vin­ manninum nærindis Auto. Saman ganga tey yvir í Blákrossbúðina, har tey fara inn gjøgnum eitt opið vind­ eyga. Vinmaðurin fer avstað við kassanum, meðan unga kvinnan skiftir skógvar í handlinum, tekur einar, sum standa til sølu og letur sínar standa eftir. Tað var tó ikki tað heilt stóra at vinna her heldur – einans 100 krónur vóru í kassanum. Við tað at kvinnan játtaði seg seka í øllum ákærunum var lætt hjá dómaranum at døma hana seka eisini. Dóm­arin valdi tó at útseta at áseta revsingina, til hon hevði fingið nærri heilsu­ frágreiðingar frá læknanum. FRAMDI SJEY INNBROT Í SUMMAR 18 ár og heimleys: Frá innbrotinum í Svimjihøllina