mánadagur 7. november 2016síða 40

VIKA 45 • 7. NOVEMBER 2016 16 ÓKEYPIS LÝSINGARBLAÐ TEMA Kommunuvalið 2016 ✗ Vilmund Jacobsen H in 18. oktober í ár fylti Jákup Michael Mikkelsen á Toftum 92 ár, og er hann næst elsti maður í Nes kommunu. Søren Johannesen, sum nú býr á eldrasambýlinum Vesturskini á Toft­ um, er eisini føddur í 1924. Hann fyllir nakrar mánaðir fyrr enn Jákup Micha­el og er soleiðis elsti maður í kommununi. Hóast høga aldurin, er Jákup Michael væl fyri og er bæði rættur, birgur og klárur sum rennandi vatn. Hann er ein av teimum, sum trúliga vitja í Undirhúsinum á Toftum, og hann syngur eisini við vælljómandi kórin­um í Undirhúsinum. – Jú, eg haldi, at eg eri væl fyri, og eg føli meg væl, men tað er altíð ok- kurt smábrek, tá aldurin er so høgur. Fer á kommunuval Jákup Michael Mikkelsen hevur í nógv ár verið fúsur á vali, tá val er. Sum sjómaður í eini fimmti ár hevur tað tó ikki altíð eydnast honum at vera heima á valdegnum. – Men, síðan eg legðist uppi, havi eg verið á vali, tá høvi hevur verið til tess. Tað er serliga løgtingsvalið, sum hevur mín áhuga, men eg fari eisini fúsur á kommunuval. Hinvegin eri eg ikki so áhugaður í fólkatingsvalinum. Jákup Michael Mikkelsen sigur, at sjálvandi er áhugi fyri kommununi, tú býrt í og er partur av. – Men, eg haldi, at tú slappar meira av, sum árini ganga, og tú verður ikki so upptikin av tí, sum hendir ella ikki hendir. Og tó; sjálvandi ynskja vit øll, at okkara kommunu og fólki gongst væl, og eg ætli mær eisini á kommunuval í morgin. Sjálvstýrissinnaður Longu sum 14 ára gamal fór Jákup Michael Mikkelsen til skips við slupp­ ini, Elsu, sum Hans í Norði førdi. Á túrinum hevði hann eina tvey- manskoyggju saman við einum øðrum av manningini. Teir vóru á hvør sínari vakt, men tað vóru eisini løtur og dagar á túrinum, at teir báðir høvdu frí samstundis. – Vit vóru staddir í Grønlandi, tá seinni heimsbardagi brast á í 1939, og hetta var um tað mundið, tá flaggstríðið kom í hæddina. Sum ungur kundi tú ikki vera annað enn sjálvstýrissinnaður, og tað havi eg altíð verið. Jákup Michael Mikkelsen heldur tó ikki, at kommunuvalið eigur at vera politiskt, og í Nes kommunu er heldur ikki politisk uppstilling. Seint í skúla Undir seinna heimsbardaga sigldi hann við norskum útróðrarbáti undir Føroyum. Tað var JKF Kjølbro, sum gjørdi bátin út. Sum ungur droymdi Jákup Michael Mikkelsen um at fáa sær eina na- vigatør­útbúgving, men tað gekk ikki so væl, tí hann stóð ikki kravdu sýns­ royndina. – Eg var ikki litblindur, men eg sá ikki nóg langt. Tá eg var um 40 ára aldur, kom ein nýggj lóg um, at sýnsroyndin nú kundi takast í brillum, og tá bar betri til. Hann fór upp á skúla, og eftir at hann varð liðugur, sigldi hann við út- lendskum tangaskipi í eini tvey ár. Men, tað var fiskivinnan sum dró, og tað var línuvinnan, sum gjørdist lívið hjá Jákupi Michael. Bestimaður og skipari Í fleiri ár sigldi hann við línuskipunum, Jógvani Norði og seinni við Mascot, bæði sum bestimaður og skipari. – Tey seinastu árini á sjónum var eg við línuskipinum, Mascot, og tá eg var komin upp í sekstiárini og hevði verið á sjónum í eini fimmti ár, helt eg, at tíðin var komin at gevast á havinum, sigur 92 ára gamli, Jákup Michael Mikkelsen. Jákup Michael Mikkelsen sigldi sum sjómaður í eini fimmti ár, og sum 14 ára gamal var hann í Grønlandi, tá seinni heimsbardagi brast á. – Tað hevur ikki altíð eydnast mær at vera heima á valdegnum, men tá eg havi verið heima, havi eg eisini roynt at gjørt mína borgarligu skyldu, sigur hin 92 ára gamli Næst elsti maður á Toftum fer á val – Vit ynskja øll, at okkara kommunu og fólki gongst væl, og eg ætli mær eisini á kommunuval í morgin, sigur 92 ára gamli, Jákup Michael Mikkelsen, sum er næst elsti maður í Nes kommunu Mynd: Vilmund Jacobsen »Tað er serliga løgtingsvalið, sum hevur mín áhuga, men eg fari eisini fúsur á kommunuval. Hinvegin eri eg ikki so áhugaður í fólkatingsvalinum«