mánadagur 7. november 2016síða 44

VIKA 45 • 7. NOVEMBER 2016 20 MIÐLAHÚSIÐ ÓKEYPIS LÝSINGARBLAÐ Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo B ilurin er ein Ford Anglia hjá Johan Mouritsen í Havn, sum koyrdi skúlakoyring við hesum bilinum. Johan Mouritsen hevði í mong ár kioskina við Sjónleikarhúsið. Hesir Ford Anglia vórðu framleiddir av Ford Motor Company í Onglandi frá 1959 til 1967. Anglia vórðu avloystir av Ford Escort í 1968. Fólkini eru frá vinstru: Helena Debes Hentze, Wenzel Hammer, Mia Hammer og Demmus Hentze. Helena og Mia vóru systrar. Myndaeigari: Bergljót D. Hentze BILASØGA Ford Anglia Deluxe R. C. Effersøesgøta knýtti saman býarpartarnar A t veganetið í Havn er nógv út­ bygt seinasta mansaldurin, man hendan myndin vera gott dømi um. Myndin er tikin á vegamótinum R. C. Effersøesgøta/Gripsvegur niðan ímóti SMS áleið 1973. Miðskeiðis í sjeytiárunum fór Tórs­ havnar kommuna undir at gera nýggja farleið niðan í Hoydalar og ovara part­ in av býnum. Apotekið og SMS vórðu bygd um hetta mundið. Í 1977 flutti Apotekið av Vaglinum og niðan á Trapputrøðna, har tað er í dag, og seinni sama ár, 2. november, lat SMS upp. Tá var R. C. Efferøesgøta komin nak­að niðan um SMS, men vegurin var ikki liðugur og var ikki asfalteraður. Men tað var koyrandi til SMS gjøgnum R. C. Efferøesgøtu. Á hesi myndini sæst Volvo 144 bilurin hjá Frank Jaocbsen, sum hevði matvøruhandil í bláu húsunum, har A. D. Import í dag selur skutarar o. a. Longri uppi á vegnum sæst Bed­ ford lastbilur hjá Jógvan Haraldsen, sum hevði renovatiónina í Havn um hendi og slamsúgvara. Jógvan Haraldsen hevði verkstað í kjallaranum á Tjarnastovu, har hand­ ilin Hon og Hann heldur til í dag. Tjarnastova var stórt hús í trimum hæddum við fleiri íbúðum. Húsini brunnu í grund í augst í 1972, og Jógv­ an Haraldsen bygdi tey ikki uppaftur. Ovaru hæddirnar vórðu tiknar niður og tak lagt á – og hann helt fram við verkstaðnum. Hvítu húsini hinumetin átti Dánjal Davidsen, málarin. Seinastu næstan 40 árini hevur R. C. Effersøesgøta verður høvuðsleiðin til alla ferðslu oman í miðbýin í Havn. Fyri ta tíð var bara koyrandi eftir gamla Hoydalsvegnum, ella Sanatorii­ vegnum, tey kallaðu, úr Havn og niðan í Hoydalar. Tað er vegurin, sum byrjar við Sjónleikarhúsið og gongur fram við KFUM niðan í Gundadal, fram við niðaru ítróttarhøllini. Vegurin hvørvur undir Tórsvøll, men gongur fram við reyðu húsunum hjá Daniellu Olsen, sum framvegis standa beint við Tórsvøll. Einasta staðið, har gamli Hoydalsvegur sæst enn er við innkoyringina til svimjihylin og oman móti innkoyringini til Fimi og HB og B36 húsini. Av Hálsi gekk gamli Hoydalsvegurin har, sum ringvegurin er í dag. Fram við Sápufabrikkini og snaraði um hornið við trøðna hjá Jákup Sverra Joensen, har vegamótið Hvítanesvegur/Eyst­ ari Ringvegur er í dag. Haðani gekk veg­urin beint oman í Hoydalar til Sanatoriið – harvið hjánavnið Sana­ torii­vegurin. Í dag eitur vegurin frá Hvíta­nesvegnum og oman til stu­ denta­skúlan »Sanatoriivegur«. Hvítanesvegurin tók við har, sum Hoydalsvegur fór oman í Hoydalar. R. C. Effersøesgøta umleið 1973 og 2016. Tað var miðskeiðis í sjeytiárunum, at Tórshavnar kommuna fór undir at gera nýggja veg at knýta saman miðbýin og ovaru býlingarnar í býnum