mánadagur 7. november 2016síða 45

VIKA 45 • 7. NOVEMBER 2016 21 ÓKEYPIS LÝSINGARBLAÐ TEMA Kommunuvalið 2016 ✗ At velja um ein mánalending er meira umráðandi enn ein containarahavn Nær hevur tú valrætt og valbæri? At hava visiónir og at raðfesta er tað, ið hevur størst týdning í mínum politiska virki Ríkisborgarar úr øðrum londum hava valrætt og valbæri til kommunuval í Føroyum, um viðkomandi hava havt fastan bústað í Føroyum seinastu trý árini undan valinum T að er sera umráðandi at hava eina klára visión og at seta kósina á rætta leið - um visiónin er klár, er lætt at seta kósina og raðfestingarnar gerast sjálvfylgjur. Mín visión fyri Fuglafjørð er, at Fuglafjørður skal vera ein kommuna, har øll trívast – tað skal vera pláss fyri øllum og vit skulu veita eina einastandandi tænastu. Vinnulív, mentanarlív og gerandisdagurin skulu ganga hond í hond. Tað skal vera lætt og trygt at lata børn síni vaksa upp í Fuglafjarðar kommunu og tað skal vera áhugavert og innlimandi at vera vaksin í kommunu okkara. At gerast eldri skal vera hugaligt og nærverandi, og skal tænastan til eldri veitast í góðum samstarvi vid Eysturkommunu. Nú hetta er mín visión, er ikki ringt at raðfesta, hvussu tað fíggjarliga tilfeingi skal brúkast. Tað er mær ein sjálvfylgja, at peningur fyrst og fremst skal brúkast uppá trivna – skúlabyggingin, sum nú fer í gongd, hevur verið tiltrongd í nógv ár. Og gleðist eg um, at tað endiliga eydnaðist at fáa hetta samtykt í býráðnum. Hetta er ein stór íløga, ið fer at hava ávirkan á íløgu møguleikar okkara komandi árini. Men um vit raðfesta rætt og tilrættaleggja fíggjarstýringina næstu árini, fer eisini at bera til at gera aðrar umráðandi íløgur. Eg hugsi her serliga um íbúðarbygging, ítróttarhús, matarskipan til dagstovnabørnini, eitt nýtt rusk – og endurnýtslupláss og eina hækking av barnafrádráttinum. Sum eg nevndi í visión míni, so haldi eg, at vinnulív, mentanarlív og gerandisdagurin eiga at ganga hond í hond – eg meini heilt avgjørt, at kommunan eigur at ganga á odda at skapa gott samstarv millum hesar eindir. Vit eru øll á ein ella annan hátt knýtt at vinnulívinum, vit eru øll meir ella minni knýtt at mentarnarlívinum og gerandisdagurin er okkara trummi rum. Tá nógvar stórar íløgur eru, haldi eg, at kommunan eigur at kanna, hvar og hvussu vinnulívi kann takast uppí – eitt nú meini eg, at sjálvandi skal vinnulívi gerast partur av byggingini av ítróttarhúsinum. Hetta kann gerast á ymiskan hátt t.d. kann vinnulívi gerast partur av at innrætta ovaru hæddirnar til skrivstovur, fundarhølir og venjingarhølir. Íbúðarbygging er eitt aðalmál hjá lista D og hjá mær. Aftur her kann vinnulívi dragast uppí, men her kunnu privatir íleggjarar eisini gerast partur av verkætlanini. Sum eg nevndi á valfundinum mikukvøldið 2. november, so ber til at gera eitt lutafelag, sum byggir íbúðir at leiga út. Kommunan kann og skal ikki byggja íbúðir. Men kommunan skal ganga á odda fyri at fáa sett hetta í verk. Býráðið skal virka fyri, at kommuna okkara gerst dragandi hjá íleggjarum og íverksetum, ið ynskja at fara undir bústaðar bygging. Soleiðis síggi eg fleiri møguleikar fyri at fáa íverk tiltøk, sum eru avgerandi fyri trivnaðin. Einki er at ivast í, at eg trívist í Fuglafirði – eg eri uppvaksin her og havi valt at seta búgv her sum vaksin. Eg vil fegin, at børn míni skulu vaksa upp her, og vóni eg, at tey seta búgv her, tá tey gerast vaksin. Og fyri at kunna siga, at mítt ikki liggur eftir fyri at fáa tey at búleikast her, fari eg enn einaferð at bjóða meg fram at umboða tey og tykkum í býráðnum. Sonni á Horni Vilmund Jacobsen Á heimasíðuni hjá Heilsu-og Innlendismálaráðnum – www. himr.fo – kann lesast um, hvør hevur valrætt og valbæri til kommunuval. Her verður sagt, at - • tú hevur valrætt og valbæri, tá tú ert 18 ár og annars lýkur treytirnar fyri valrætti og valbari til løgtingið. • tá tú ert tilmeldaður fólkayvirlitið í avvarðandi kommunu í seinasta lagi tvær vikur fyri tann dag, at valið fer fram. • og at tú valdagin framvegis ert búsitandi í kommununi. Aðrir ríkisborgarar Um ríkisborgarar úr øðrum londum verður sagt, at hesir hava valrætt og val­bæri til kommunuval, um við­ komandi hava havt fastan bústað í Føroyum seinastu trý árini undan valinum. – Hetta er eitt undantak til kravið um, at borgarar skulu lúka treytirnar fyri valrætti og valbæri til løgtingið fyri at kunna velja til kommunuvalið. Lagt verður aftrat, at fyri at kunna útinna valrættin, skalt tú standa á val­ listanum í kommununi. Er onkur hin­ vegin komin á vallistan, men sum ikki longur er fast­búgv­andi í kommununi, hevur viðkomandi ikki rætt til at velja. Lesandi uttanlands Um lesandi, sum hava bústað uttan­ lands, verður sagt, at hesi hava ikki valrætt og valbæri til kommunuval, tí hesi lúka hvørki treytina um at vera tilmeldaður fólkayvirlitið í avvarðandi kommunu í seinasta lagi tvær vikur fyri valdagin - og ei heldur treytina um at vera búsitandi í kommununi sjálvan valdagin.