mánadagur 14. november 2016síða 16

16 Sosialurin Hugskot og viðmerkingar – send sms til 225000 FÓTBÓLTUR Mánadagur 14. november 2016 · Nr. 131 Pætur Albinus Tað er 26. oktobur 2016, og føroyska U17-landsliðið er júst komið av vøllinum eftir 2-2-javnleik ímóti Luk­ s­em­burg í síðsta EM-undan­ kapp­ingardystinum. Eftir at hava vunnið ótrúl­igan 2-0-sigur ímóti Kekkia í fyrsta dystinum og síðani tapt ann­an dystin ímóti Sveis, skuldu føroysku dreing­irnir gjarna hava ein sigur í hesum dystinum ímóti Luksemburg, har teir vóru á odda 2-0, men gjørdist nervøs­ir og tveittu leiðsluna burtur. Ein sigur hevði heilt víst sent teir víðari til endaspælið sum tað fyrsta føroyska landsliðið í søguni. Úrslitið gerst tíverri 2-2, og dreingirnir vita ikki heilt hvussu teir skulu reagera. Teir vita nevniliga, at Kekkia er á odda 3-2 ímóti Sveis í hinum dystinum – tað er ikki best ynskiliga støðan, men roknistykkið gevur teimum tó vón um at koma víðari sum ein av bestu 3-arunum í kappingini. Fylgt verður við á telefon, um Sveis kann veita eina hjálpandi hond til føroyingar við at pota bóltin í kassan í evstu løtu, og brádliga breið­ ast tey nærmast dreyma­ kendu tíðindini um, at Sveis hevur javnað fýra minuttir inni í eykatíðini, og at 3-3-javnleikurin hevur sent Føroyar víðari í kappingini. Søga er skrivað. - Allir gingu amokk. Eg havi ongantíð upplivað slíka frøi áður. Leikarar, venjarar og leiðarar – øll vóru við. Tað var ein løta, sum ein ynskti ongantíð skuldi enda, greiðir høvuðsvenjarin hjá U17- landsliðnum, Áki Johansen, frá. - Í bussinum á veg heim á hotellið trýr man nóg illa hvat er hent. Adrenalinið er farið úr kroppinum, og man situr nærmast og gapar og spyr seg sjálvan hvat í víðastu verð hendi har, greiðir hann víðari frá. EM U17-landsliðið hjá dreingjum er tað fyrsta føroyska landsliðið, sum nakrantíð hevur spælt seg víðari til eitt endaspæl, og tað er ikki av tilvild. Talan er um ein serliga góðan, evnaríkan og vóngevandi hóp við 18 spælarum, ið settu kósina til Luksemburg at spæla EM-undankapping ímóti vertslandinum Luksemburg, Sveis og Kekkia. Talan var um ein truplan bólk, sum skuldi spælast dagarnar 21. til 26. oktobur. Kekkia var styrkismett sum nummar átta, Sveis nummar 14 og Luksemburg nummar 51. Føroyar, sum var styrkismett sum nummar 49, var sum so ofta áður mett at skula dystast at sleppa undan aftasta plássi. Longu í fyrsta dystinum framdu Føroyar eina sensatión við at vinna 2-0 ímóti tí hægst styrkismetta liðnum í bólkinum, Kekkia. - Allarhelst undirmeta teir okkum. Hóast teir hava bóltin eitt sindur meira enn vit, so vinna vit púra uppiborið og skora tvey heilt góð mál, sigur Áki um dystin. Síðani var Sveis á skránni, men her var ikki so nógv at koma eftir hjá teimum føroysku, sum taptu 3-0. - Vit blivu rundbarberaðir ímóti Sveis. Leikararnir hjá okkum vóru tungir, av tí at teir bara fingu hvílt í ein dag, sigur Áki. Og so var tað hasin dysturin ímóti Luksemburg. Við einum sigri kundi Føroyar spæla seg víðari, og helst var javnleikur eisini nóg mikið. Hetta var ein heilt nýggj støða hjá føroyska liðnum, sum nú sjálvt kundi avgera tað og merkti eitt ókent trýst á sær. - Vit máttu brúka fyrstu 10 minuttirnar upp á at koma í gongd, tí vit vóru ógvuliga nervøsir. Vit koma so á odda 2-0 og hava fult tamarhald á dystinum, men so minka teir um munin, og so eru vit raktir og blíva aftur nervøsir. Tað endar so 2-2 í einum ordans rutsjutúri, sigur Áki, sum tykist kensluborin meðan hann dregur hesi ótrúligu minnini fram aftur frá kappingini. Grundgevingin Og so er tað tann stóri spurningurin: hvat er tað serliga við júst hesum liðnum, sum ger, at tað er ført fyri at spæla seg víðari til eina endakapping. Venjarin hevur síni boð. - Fyrst og fremst er tað ein stórur partur av liðnum, sum hevur ambitiónir við fótbóltinum. Teir flestu vilja tað meira enn vit áður hava sæð. Liðið er eisini samansett av leikarum, har teir allarflestu eru javnt góðir. Tað er ikki soleiðis, at vit hava fimm upplagdar profilar. Talan er um ein SØGULIGU U17-DREINGIRNIR: - Allir gingu amokk. Eg havi ongantíð upplivað slíka frøi áður, sigur venjarin um søguliga avrikið hjá U17-landsliðnum, sum hevur spælt seg víðari í EM. Venjarin hevur sítt boð upp á hví júst hesin árgangurin er so góður, og hvat tað kemur at merkja fyri teir í framtíðini. - Tað skuldi undrað meg, um ikki í øllum førum fimm av leikarunum spæla uttanlands heilt skjótt, sigur venjarin, Áki Johansen EITT SERLIGA G Áki Johansen og Pól F. Joensen, venjarar