hósdagur 17. november 2016síða 18

FRÍGGJADAGUR 18. NOVEMBER 2016 SOSIALURIN 133 18 VANDAMIKIÐ HA – KÆRKOMIÐ H Í BÝIN 15 ára gomul sleppa inn í REX – REX, ið liggur oman á Havnar Bio, hevur nú lækkað aldursmarkið heilt niður í 15 ár. So nú sleppa ung undir drekkialdrinum eisini at fáa eitt stað í býnum HEIÐRUN HAMMER ERLINGSSON, STARVSNÆMINGUR Í SOSIALINUM R EX fer tó ikki at selja rúsdrekka, tí teir fyri einum mánaði síðani søgdu skeinkiloyvið frá sær. Fyrsta roynd teirra við diskoteki fyri ung verður leygardagin 3. desember, har kendi danski sangarin, Blak, kemur at framføra. Eigarin av REX, Rúni Djur­ huus, heldur hettar er eitt sera gott hugskot, tí tey ungu leingi hava manglað eitt stað at vera í býarlívinum. Hann heldur eisini, at REX er ein góður møguleiki fyri hettar, tí nú kunnu tey ungu vera meira trygg, tá tey fara út í býin undir eftirliti av vaktum og starvsfólki í REX. Tó hava ymsar meiningar verið um hettar nýggja tilboðið fyri ung, sum REX er komið við. Summi eri sera glað fyri at ung endiliga hava fingið eitt stað at vera í býarlívinum, so tey ikki longur vera noydd, at halda til úti á gøtuni. Meðan onnur halda hettar fer at hava við sær, at fleiri ung fara at nýta rúsdrekka, nú tá tey fáa leysari teymar og fleiri møguleikar at royna seg í býarlívinum. Vit spurdu eigarin, Rúna Djur­huus, um, hvussu REX framyvir fer at fyrihalda seg til ung og rúsdrekka í teirra diskoteki. – Vit hava einki skeinkiloyvi í REX longur, so einki rúsdrekka verður selt frá okkum. Tó kunnu vit einki gera við, um ung koma ávirkað inn í okkara høli, sigur hann. Spurdur um tey so blanda seg upp í, um ung drekka inni í REX svarar hann. – í REX hava vit strangar reglar um, at tað ikki er loyvt at taka glasfløskur inn við. Annars blanda vit okkum ikki upp í, hvat tey ungu gera. Hettar er hundrað prosent upp til foreldrini, sigur Rúni Djurhuus. Eisini hava vit spurt teir ymsu partarnar í málinum, hvat tey halda um tað nýggja tilboðið hjá REX. Næmingar í 9. flokki úr Skúl­anum á Fløtum, Skúlin við Løgmannabreyt og Eystur­ skúlanum hava sagt teirra meining. Eisini hava umboð fyri SSP og ein lærari sagt frá teirra sjónarmiðum um evnið. Rex letur upp fyri ung­ dóminum Voxpop: Tey flestu ungu eru fe – Skeivt at loyva rúsdrekka Heiðrun M. Isaksen, 9.flokkur, Skúlin á fløtum -Tað er fínt, at okkurt verður gjørt fyri, at ung hava eitt stað at fara, nú tey allíkavæl eru í býnum. Eg haldi tó, tað er skeivt at lova teimum inn við rúsdrekka. Um tú lovar teimum inn uttan, so verða tey avrúsað aftan á eina løtu, og tað haldi eg hevði verið fyri teirra besta. At tað er akkurát REX sum hevur opnað dyrnar fyri ungum, haldi eg ikki er gott, eftirsum tað liggur mitt í býarlívinum og millum øll tey eldru fólkini, sum ganga í býnum. Eg vænti, at hettar kann fara at vera ein glíðibreyt ímóti, at trýst verður lagt á politikararnar at lækka drekkialdurin eins og í Danmark. Tað haldi eg ikki vera gott, tí vit eru í alt ov ungum aldri at byrja at drekka, og hettar fer at hava tí skeivu ávirkanina á ungdómin. – Skapar tryggari karmar Jonna Maria Tróndardóttir, 9.flokkur, Eysturskúlin -Eg haldi tað er gott, at man nú fær eitt stað fyri ung. Vanliga tá eg og vinfólkini fara í býin, er einasti møguleiki okkara at ganga úti á gøtuni, hettar riggar fínt, men tað var sera keðiligt, tá tað er ringt veður, og har aftur at kann ein koma sera illa fyri, um ein t.d. dettur av, úti í kuldanum millum bilar og fremmandafólk. Tí haldi eg hettar tilboðið hjá REX kemur væl við, fyri tað fyrsta er tað gott at vit ungu fáa ein møguleika at vera ung og at stuttleika okkum. Eisini haldi eg hettar skapar tryggari karmar fyri ung sum ganga í býnum. Tvørtur ímóti haldi eg ikki, at hettar er til vanda fyri ungdómin, tí at drekka er eitt persónligt val hjá tí unga og foreldrunum, og kemur ikki undir ábyrgdina hjá REX. Eg eri bara sera glað, at tað endiliga verður gjørt pláss fyri okkum í býarlívinum. – Gott tað eisini er rúm fyri okkum Jóan Pauli Paturson, 9. flokkur, Skúlin á Fløtum -Eg haldi, at tað er deiligt at verða har, tí at vit ungu sleppa ikki inn so nógva aðrastaðnis, sum tey eldru, og tað er sjálvsagt, hví vit ikki sleppa. Men tað er ótrúliga stuttligt, at tað nú eisini er pláss fyri okkum. Eitt annað gott við, at REX loyvir okkum ungu inn har at ballast, dansa og hugna okkum, er, at vit hava ikki so nógva aðrastaðni at fara. Og – Hesum hava vit bíðað leingi eftir Andras Klein, 9.flokkur, Skúlin við Løgmannabreyt - Eg haldi, at hettar er nakað, sum ungdómurin í Føroyum hevur bíðað leingi eftir. Tað er gott, at onkur hugsar um okkum og ger okkurt fyri okkara trivna. Samstundis so fáa vit tryggari karmar fyri ungdómin, sum gongur í býnum. Nú hava tey onkrastaðni at fara, har tey kunnu kenna seg trygg, av tí at har er vaktir, ið halda eyga við teimum. Og eg haldi ikki, at hettar fer at geva fleiri ungum íblástur at drekka, men fer at