hósdagur 17. november 2016síða 19

FRÍGGJADAGUR 18. NOVEMBER 2016 SOSIALURIN 133 19 ALDA SUMMI ALDA ONNUR Rúni Djurhuus, Eigari av REX Fyrst er at viðmerkja, at talan í fyrsta umfari bara er um eitt einstakt royndarkvøld. Støðan er tann, at vit fyrr hava havt líknandi tiltøk í REX. Vit hava ongantíð skonkt til slík tiltøk, og fara tað ongantíð heldur. Tá hava vit boðað frá, at tað ikki hevur verið loyvt at hava rúsdrekka við inn yvirhøvur. Avleiðingin av hesum hevur hvørja ferð verið, at tey ungu hava sitið í urtagørðum runt um klubbabygningin og drukkið. Hetta hevur sjálvsagt órógvað eigararnar av urtagørðunum heilt nógv, tí larmurin og upptakið hava verið umfatandi. Hetta hevur so viðført bæði klagur frá grannunum og hóttanir frá býráðnum um at taka skeinkiloyvið hjá REX innaftur. Hetta ynskja vit tí ikki at royna aftur. Vert er í hesum sambandi eisini at nevna, at peningaliga er eitt slíkt kvøld ikki nakað gullnám hjá okkum, havandi í huga at ongin barrsøla er. Onki er at ivast í, at tey ungu, sum fara í býin og ætla sær at drekka, fara í býin óansæð um vit hava opið ella ikki. Og tað at tey møguliga ikki sleppa inn til okkara við rúsdrekka fer einans at viðføra drekking uttanfyri onkrastaðni, eins og nevnt oman­fyri. Vit hava tí hildið tað verið eitt betri tilboð enn seinast, sum eina roynd at boða frá, at tey ungu ikki sleppa inn til okkara við glasfløskum. Restin má so vera upp til teirra. Á tann hátt tryggja vit, at tey ungu, sum koma inn til okkara og kanska drekka inni í Rex, allatíð eru undir umsjón av okkara professionellu vaktum, sum hava drúgvar royndir við at ansa eftir ávirkaðum fólki. Hetta meta vit uttan iva vera betri, enn at tey ungu sita í urtagørðum og skotum í miðbýnum og drekka, uttan at nakar ansar eftir teimum. Tá alt kemur til alt, meta vit ikki, at tað er okkara ábyrgd at syrgja fyri, at tey ungu ikki drekka. Hesa ábyrgd hava bara foreldrini og tey ungu sjálvi. Um foreldrini ikki vilja hava tey ungu at drekka, kunnu tey bara nokta teimum at fara út. Tí, sum nevnt, tey ungu, sum vilja drekka, gera tað óansæð, um vit hava opið ella ikki. Tað, tey drekka, fáa tey ikki - og fara heldur ongantíð so leingi sum tey eru undir 18 ár at fáa - frá okkum. Um tey fáa tað frá sínum vinfólkum, so høvdu tey eisini fingið tað í urtagørðunum rundanum. Tað einasta vit bjóða teimum er eitt stað at vera inni og hugna sær í undir tryggum kørmum við eftirliti í staðin fyri at lata tey reka fyri vág og vind. Hetta dugi eg ikki at síggja trupulleikan í. Vit geva teimum ungu tryggleika Voxpop: Tey vaksnu ikki fegin – REX arbeiðir í móti okkum Óli Rubeksen, SSP ráðgevi – Eg og annars vit øll í SSP eru sterkt ímóti, at REX nú hevur lækkað aldursmarkið. Tí hetta fer at gera, at ballingar lívið verður sett á dagsskránna, her at merkja, at við tí nýggja “møguleikanum” tey ungu hava fingið, so fer tað heilt klárt at vera fleiri ung, sum koma inn í REX ávirkað, og tey sum ikki koma ávirkað, verða so undir stórum bólkatrýsti at drekka har inni. Hettar er alt tað vit í SSP standa ímóti, okkara mál er jú at fáa tann aldurin, har fólk byrja at drekka so høgan sum gjørligt. REX fer so tvørtur ímóti at hjálpa hesi søk, tí rúsdrekka verður nú gjørt meira “in”, enn tað var áðrenn. – Átti at verið uttan rúsdrekka Torfinn Højgaard, Lærari á Skúlan á Fløtum Í skúlanum hoyra vit javnan næmingar kjakast um, hvussu veitslurnar í skúlanum skulu vera. Nakrir vilja, at rúsdrekka skal verða partur av veitslunum, meðan aðrir ikki tora at siga teimum ímóti. Hetta kann sjálvsagt gerast ein stórur trupulleiki, tí við at vera ímóti, kunnu tey verða sett uttanfyri. Bólkatrýst er ikki ókent, og tí skulu foreldrini, ella tey sum dagliga eru um børnini, tosa við tey, um tað at ganga í býnum. Skúlin ger sítt, men foreldrini hava høvuðsábyrgdina, og mugu tey fylgja við spyrja og stuðla teimum, um tey velja at fara “í býin”. Tey ungu hava rætt til at hava støð, har tey kunnu savnast um vikuskiftið, men vit, sum eldri eru, mugu eisini hava rætt til at stuðla og vegleiða soleiðis, at ungdómurin fær eina jaliga uppliving av at samlast í býnum. Sum SSP lærari haldi eg, at tað kann verða trupult at hava tey 15 - 16 ára gomlu saman við teimum, sum eru farin av 18. Tey 18 ára gomlu hava aldur at keypa og nýta rúsdrekka, og vit vita, at vikuskiftini í Havnini fara ikki stillisliga afturvið borðinum. Royndir hava verið at hava dans fyri hesum aldursbólki, men tað hevur ikki hepnast væl, og tí er tað vorðið av ongum. Skal tiltakið í REX eisini umfata tey 15 ára gomlu, má tað verða uttan rúsdrekka, er mín meining. egin gera tað nógv tryggari fyri tey, sum longu drekka. Har afturat skal eg minna á, at REX ikki er ein barr longur, men eitt diskotek. So eg haldi absolutt, at tað er tíð hjá teimum vaksnu at vakna og minnast, at tey eisini einaferð hava verði ung, nú er tað okkara tørn so lat okkum nú brúka hendan møguleikan, at skapa minnir og stuttleika okkum. tað er fínt, at vit fáa eitt stað fyri okkum sjálvi, so vit ikki noyðast at blandað okkum við fólki, sum eru nógv eldri enn vit.