mánadagur 21. november 2016síða 13

13 Mánadagur 6. januar 2014 · Nr. 2 Sosialurin Mánadagur 21. novemer 2016 · Nr. 134 Hugskot og viðmerkingar – send sms til 225000 STUTTSØGD TÍÐINDI DRÁTTUR DREGUR FRÁ HINUM Dráttur tapti sítt fyrsta sett í ár, men vann tó 3-1 og staðfesti oddasessin. Vit hyggja nærri at hvat hevur rørt seg innan ítróttin í Føroyum hetta vikuskiftið, og gera eisini eitt legg út í heim. Pætur Albinus FÓTBÓLTUR Eftir at einans hava vunn­ ið einaferð í síðstu 11 dyst­ unum, eydnaðist tað í gjár OB við Jóan Símun Ed­ munds­son á liðnum at vinna 1-0 ímóti Brøndby. Føroyski lands­liðs­leikarin spældi á høgra vongi allan dystin, og tað var Anders K. Jacobsen, ið gjørdist sigursharri. OB er triðaftast í Superliguni, 10 stig frá at røkka enda­spæl­ inum. Níggju dystir eru eftir at spæla. - Vit eru sera glaðir, og tað verða vit eisini í morgin. Mínar royndir siga, at hetta gevur okkum meira orku, og at tað verður lættari at fyrireika seg til næsta dyst. Vit vita væl, at vit hava tørv á fleiri stigum, og teimum fara vit eftir. Sigurin gevur okk­um vón, segði OB- venjarin, Kent Nielsen, við Ritzau eftir dystin. AC Horsens kláraði seg fríggj­akvøldið uttan Hall Hans­son, tá ið teir vunnu 1-0 á útivølli ímóti Lyngby. Hall­ur er skaddur og skal kann­ast nærri fyri møðibrot, eisini nevnt broysknisbrot. Sigurin kom væl við hjá AC Horsens, sum nú hev­ur sett seg á 6. plássið í deild­ini, sum er tað seinasta pláss­ið, ið gevur atgongd til enda­ spælið. Bárður J. Hansen og Heini Vatnsdal spældu báð­ir all­ an dystin, tá ið Fremad Amager í gjár vann sann­ før­andi 5-0-sigur ímóti Hobro. Sigurin var ser­liga umráðandi, tí hetta var beinleiðis dystur um triðja plássið, sum gevur upp­ flyting. Fremad Amager er á fjórða plássi, men nú einans eitt stig aftanfyri Hobro og trý stig aftanfyri oddaliðið Vendsyssel FF. René S. Joensen byrjaði inni, tá ið oddaliðið Vendsyssel FF í gjár snávaði á útivølli ímóti Skive. Teir taptu 3-1. René S. Joen­sen varð útskiftur í 58. min­utti, beint eftir at Skive hevði lagt seg á odda 3-0. Vend­syssel FF er framvegis oddalið í næstbestu donsku deild­ini, men er einans eitt stig frammanfyri FC Ros­ kilde. Ógvuliga tætt er í deild­ini, tí teir hava einans seks stig niður til 7. plássið. Amerikanski verjuleikarin hjá KÍ, Mayowa Alli, skiftir til Thisted í triðbestu donsku deildini. Tað boðar fel­agið sjálvt frá, nú tað hevur eydnast felagnum at savna saman tær 100.000 krón­urnar, sum tað kostar felagnum at fáa fatur á leik­ ar­anum, sum áður hevur ver­ið ein profilur á liðnum. Thi­sted fer at spæla um upp­ flyting í næstbestu deildina. Cristiano Ronaldo var ikki til at steðga, tá ið Real Mad­ rid leygardagin vann 3-0 í grannauppgerðini ímóti Atlético Madrid. Ronaldo skeyt øll trý málini. Við sigr­ inum er Real Madrid fram­ vegis ósigrað eftir 12 dystir og er nú fýra stig frammanfyri FC Barcelona í oddinum í La Liga. FC Barcelona spældi í gjár uttan Lionel Messi 0-0 ímóti Malaga. Fyrrverandi enski lands­liðs­ miðvallarin, Frank Lampard, fær ikki sín sáttmála longd­ an við amerikanska felagið, New York City FC, har hann hevur spælt næstan tvey ár. Fleiri evropeisk feløg sýna áhuga í honum, eins og Orlando City og LA Galaxy í USA, men sambært enskum miðlum, so er tað eisini ein møguleiki fyri, at hann fer upp í venjaratoymið hjá Chel­sea, har hann spældi í 14 ár. Hóast hann vann svenska meistaraheitið við Malmö FF hetta kappingarárið, so hevur danski Allan Kuhn fingið sekkin í felagnum, har hann bara hevur verið hetta kappingarárið. Sambært svensk­um miðlum, so vóru fleiri spælarar ónøgdir við leiðslustílin hjá Allan Kuhn, og á heimasíðu felagsins verð­ur skrivað, at felagið má hava ein annan leiðara fyri at taka næsta fetið. Kuhn verður nú settur í samband við eitt nú OB og AaB í heim­ land­inum, meðan besta boð upp á nýggja Malmö FF-venj­ara er venjarin hjá Östersunds FK, enski Gra­ ham Potter. FLOGBÓLTUR Tveir dystir hava verið í meistaradeildini hjá monn­ um um vikuskiftið. Á Kambs­ dali vann ÍF ímóti Ternuni, hóast at Ternan legði best frá landi og vann fyrsta sett greitt 25-13. ÍF kom svaraði tó væl aftur og vann trý tey næstu settini 25-20, 25-23, 25-20. Í Sørvági vann Fleyr greið­an 3-0-sigur ímóti SÍ. Sett­úrslitini vóru 25-15, 25- 18, 25-16. Fleyr er oddalið við fullum stigatali, meðan SÍ er nummar tvey. Eisini í kvinnudeildini hava dyst­ir verið. Upprunaliga skuldu teir vera fýra í tali, men SÍ fekk ikki mannað lið til dystin ímóti KÍF, og hann er tískil útsettur. Leyg­ ar­dagin vann oddaliðið Drátt­ur 3-1 á útivølli ímóti ÍF, har settúrslitini vóru 25-20, 22-25, 26-28, 19-25. Hetta var fyrsta settið, sum Drátt­ur tapti í ár, nú fimm dystir eru spældir. Heima í Klaksvík vann Mjølnir trygt 3-0 ímóti Ternuni. Har vóru settúrslitini 25-22, 25-19, 25- 17. Í gjár var ein dystur, og hann var í Gundadalshøllini, har TB vann 3-1 ímóti Fleyr. Settúrslitini vóru har 22-25, 19-25, 25-21, 20-25. Í kvinnu­ deild­ini er Dráttur greitt odda­lið, meðan KÍF, sum hevur spælt ein dyst minni, er nummar tvey, seks stig aftan­fyri. HONDBÓLTUR Jóhan á Plógv Hansen og Bjerringbro-Silkeborg megn­ aðu ikki at gera nakað við FC Barcelona, sum var á vitjan í Danmark í gjár í Champions League. Bjerringbro-Silke­ borg var annars á odda 13-11 í hálv­leikinum, men í seinna hálv­leiki vann FC Barcelona seg inn aftur í dystin og vann at enda 27-23. Jóhan á Plógv Han­sen skeyt tvey mál. Bjerr­ingbro-Silkeborg er á næst­aftasta plássi í bólki A við fýra stigum fyri sjey dystir. SÚKKLING Triðja umfar í vetrar­kapp­ ingini, ein røð av einkult­ start­um, varð súkklað í Havn í gjár. Vegna kulda varð ein teinur áljóðandi 28,5 kilometrar súkklaður inni í Havnini. Tað eydnaðist hesa­ ferð Jógvani Højgaard at koppa Gunnari Dahl-Olsen, sum hevur vunnið tey bæði fyrstu umførini. Jógvan vann við tíðini 50:32, meðan Gunnar hevði tíðina 51:33. Triðbestur var Jan Hjaltalin við tíðini 53:05. Fjórða umfar verður 1. desembur. TENNIS ATP World Tour Finals, árs­ ins seinasta kapping, har einans teir fremstu í heim­ inum sleppa við, hevur ver­ið í London seinastu dag­arnar. Í finaluni í gjár hitt­ust Andy Murray og Nov­ak Djokovic, og hetta var fyrstu ferð í søguni, at allarseinasti dyst­ urin fór at avgera hvør skuldi halda nýggjár sum heims­ins nummar eitt. Andy Murray, sum var nummar eitt framm­ anundan, vann finaluna 6-3, 6-4, og hevur hann tískil víst Novak Djokovic, sum ann­ ars hevur verið nummar eitt tað mesta av árinum, til 2. plássið.