mánadagur 21. november 2016síða 43

VIKA 47 • 21. NOVEMBER 2016 20 ÓKEYPIS LÝSINGARBLAÐ Jól og rús drekka- misnýtsla Jólatræið á Vaglinum tendrar 26. november Jólamánaðin nærkast og soleiðis eisini jólaborðini. Eftir jólaborð og jólahugna nærkast nýggjárið og nýggjárshaldini Vilmund Jacobsen J ólini eru ein hugnalig tíð fyri mong, men hetta er eisini tíðin, tá mest verður drukkið. Fyri fleiri familjur eru jólini tíverri alt annað enn hugnalig. Í teimum familjum, har rúsdrekkatrupulleikar eru, eru jólini ofta merkt av ófriði, skeldaríi og vónbrotum. Eini slík jól eru alt annað enn tann hugni, sum øll droyma um. Sagt verður um danir, at teir eru heimskendir fyri at duga at hugna sær, men fyri fólk, sum hava rúsdrekkatrupulleikar, er ”hugni” ofta ein umbering fyri at drekka. Ofta síggja vit, at fólk, sum royna at berja seg burtur úr rúsdrekkatrupulleikum, tapa kampin um jólini, samstundis sum familjan annars roynir at stríðast fyri at uppihalda jólafriðin. Hyggja vit eftir donskum tølum, verður sagt, at fleiri enn 120.000 donsk børn veksa upp í familjum við rúsdrekkatrupulleikum. Drykkjumaðurin blindur Fyri familjurnar, sum liva við rúsdrekkatrupul­ leikum, eru jólini alt annað enn hin hugnaliga hátíðin. Tann, sum drekkur, eru ofta ”blindur” yvirfyri sínum egnu trupulleikum og teimum trupulleikum og trega, sum viðkomandi setir onnur í. Tí er tað skyldan hjá teimum, sum ikki drekka, at siga frá. At tann, ið hevur rúsdrekkatrupulleikar, ikki sær egnar trupulleikar, sæst best, tá persónurin endar í rúsdrekkaviðgerð. Tá er tað sum oftast hjúnarfelagin ella onkur í nærmastu familjuni sum krevur tað - og ikki misnýtarin sjálvur. Tá røtt verður um rúsdrekkamisnýtarar, hugsa mong, at slíkir oftast finnast niðarliga á trappuni, men soleiðis er tað ikki neyðturviliga. Meginparturin av rúsdrekkamisnýtsluni í Danmark gongur fyri seg í vanligum ”penum” familjum, har misnýtslan ikki sæst á ”skræðuni”. Tak hond um trupulleikan Januarmánaði er tíverri mánaðurin, har Dansk Misbrugs Behandling hevur mest at gera, og har stovnurin fær flestar fyrispurningar frá familjum, sum hava havt eina jóla-og nýggjárshalgu, sum fór í vaskið av alkoholmisnýtslu í familjuni. - Tað er tí okkara tilmæli, at familjur, har rúsdrekkatrupulleikar eru, beinanvegin taka hond um trupulleikarnar, soleiðis at øll familjan saman kann hava eina hugnaliga og gevandi jóla-og nýggjárshalgu. Kelda: Dansk Misbrugs Behandling Jólatræið á Vaglinum verður tendrað 26. november klokkan 15.30, og seinni verða eisini øll hini jólatrøini í Tórshavnar kommunu tendrað Vilmund Jacobsen A ftur í ár koma jólamennirnir á vitjan, og við góðari hjálp frá børnunum á Vaglinum fara teir at tendra jólatræið, sum er ein gáva úr Reykjavík. Tiltakið Barnajól verður leygardagin 3. desember. Hetta er eitt tiltak, sum Margarinfabrikkin skipar fyri. Meira verður eisini at hoyra um hetta seinni. Jólaskipið kemur Leygardagin 10. desember kemur jólaskipið inn á Vágsbotn við øllum jólamonnunum, sum bara gleða seg at sleppa at heilsa uppá øll børnini í Føroyum. Við sær hava jólamenninir sjálvandi eina rúgvu av karamellum. Eisini jólabýur Jólabýu 9rin letur uppaftur í ár. Hurðarnar vera ólæstar, og øll eru hjartaliga vælkomin at støkka inn á gólvið og síggja jólaprýddu smátturnar. Eisini koma jólamenn í býin á rossabaki, og hetta tiltak verður sunnudagin 18. desember. Leingi opið Í jólavikuni - seinastu vikuni fyri jólaaftan - hava handlar í býnum leingi opið. Tá verður eisini nógvur jólatónleikur at hoyra í býnum, og sjálvandi koma jólamenn við karamellum. Aftur í ár verða sølubásar í Tinghúsgarðinum, har møguligt verður at keypa sær kakao og annað gott. Tað er Visit Tórshavn, sum aftur í ár samskipar Jól í Miðbýnum.