týsdagur 22. november 2016síða 16

16 Sosialurin Hugskot og viðmerkingar – send sms til 225000 Mikudagur 23. november 2016 · Nr. 135 Føroya Landsstýri og Føroya størsta vinnufyritøka, P/F Bakkafrost, hava valt at stuðla kreppuraktu børn­ unum úr Sýria, sum í løtuni uppliva størstu menniskjaligu vanlukku í nýggjari tíð. Nærum níggju milliónir børn úr Sýria stríðast hvønn dag fyri at yvirliva. Sein­ astu fimm árini hava verið merkt av ótta, ótryggleika og tørvandi atgongd til tað mest grundleggjandi sum reint vatn, mat og skúlagongd. Nú hava bæði Føroya Lands­stýri og Føroya størsta vinnu­fyritøka, P/F Bakka­ frost, valt at stuðla kreppu­ raktum børnum úr Sýria við á­- vikavist 300.000 og 200.000 kr. Henda hálva milliónin úr Føroyum fer óskerd til at styrkja um barna­hjálpar­ miðstøðirnar hjá UNICEF í Jordan, har mongu flóttar­ børnini úr Sýria kunnu fáa mat, undirvísing og umsorgan. Eitt tilboð, sum hevur avgerandi týdning fyri trivnaðin og menningina og ikki minst, framtíðina hjá hesum børnum. Mong av hesum børnum hava ikki gingið í skúla í fleiri ár vegna kríggj í heimlandinum, og líka nógv børn líða undir ógvusligum sálarligum trýsti, ið tørvar viðgerð. Í stuttari viðmerking sigur Regin Jacobsen, stjóri í P/F Bakkafrost, at børnini eru framtíðin í einum samfelag, og ein barndómur í tryggum og friðarligum umhvørvi, har umsorgan og skúlagongd eru í hásæti, átti at verið ein sjálvsagdur mannarættur. Vit hava stóran samhug við sýrisku børnunum, ið eru ein heilt ósekur partur av krígnum í heimlandinum. Tey missa tann trygga og sorgleysa barndómin, ið vit øll ynskja fyri okkara børn. - Á Bakkafrost eru vit feg­ in um møguleikan at stuðla barnahjálparfelagsskap­ inum UNICEF. UNICEF er ein altjóða viðurkendur felagsskapur undir Sameindu Tjóðum, sum stuðlar børn­- um kring allan heimin, ið eru í neyð. Vit kenna okkum trygg, at stuðulin verður nýttur til frama fyri sýrisku børnini í og uttan fyri flóttarfólka­ legur í Jordan, sigur Regin Jacobsen um stuðulin frá P/F Bakkafrost. Aðalstjórin hjá UNICEF Danmark, Steen M. Andersen, sigur, at holdligu og sálarligu avleiðingarnar fyri børnini úr Sýria kunnu ikki loysast, um vit ikki gera alt fyri at hjálpa. Stuðulin úr Føroyum hevur alstóran týdning í hesum átaki. Hann sigur, at hesar báðar stóru stuðulsupphæddirnar úr Føroyum, ið sum sagt fara óskerdar til kreppurakt børn úr Sýria, er eitt úrslit av samstarvi millum UNICEF og Business-line, har Finnur Sivertsen hevur verið føroysk­ ur samskipari. Arbeitt verður í løtuni við at stovna eina føroyska UNICEF-deild, sigur Steen M. Andersen. - Tað fer at merkja, at føroyskar fyritøkur og onnur, ið ynskja at stuðla heimsins børnum í neyð, fara at finna eitt staðbundið føroyskt umboð fyri UNICEF - heimsins størsta barnahjálparfelagsskap. Steen M. Andersen, aðal­- skrivari í UNICEF Dan­mark ynskir at takka Føroya Lands­ stýri og P/F Bakkafrost fyri henda sera týdningarmikla stuðul til kreppuraktu børnini úr Sýria. Hetta hevur størri týdning enn vit dagliga geva okkum far um, sigur danski aðalskrivarin hjá UNICEF. 12 ára gamli Talal er einasti (lítli) maður í síni familju. Han býr saman við mammu og ommu síni í eini lítlari íbúð í eysturbýnum í Amman í Jordan. Familjan flýddi hendanvegin úr Sýria, eftir at allir menninir í familjuni - pápi, pápabeiggi og elsti beiggin - eru deyðir í krígnum.   Ein doyði í einum sniðálopi, ein annar bleiv skotin úr einum bili og ein triði varð tikin av hermonnunum hjá Assad, og familjan sá hann ongantíð aftur. Mamma Talal er skurðviðgjørd og er sera troytt, bæði til likams og sálar.   Familjan skyldar nógvan pening til vinir og skyldfólk og veit ikki, hvussu næsta húsaleigan skal rindast. Nú vónar familjan, at 12 ára gamli Talal skal klára at syrgja fyri familjuni, tá hann gerst eitt sindur eldri. Einasta ljósglæman í lív­inum hjá Talal er, at hann kann koma í UNICEF-stuðl­aðu Makani-miðstøðina og bara at fáa loyvi at vera ein 12 ára gamal drongur og læra meira um alt, hann hevur mist. Dreymurin hjá Talal er at venda aftur til sítt heim, sum hann saknar so sáran, hóast tað eru trý ár síðan familjan flýddi til Jordan. Heimið í Sýria er javnað við jørðina, men 12 ára gamli Talal ynskir kortini heim aftur. Føroya Landsstýrið og Bakkafrost lata nú 500.000 krónur til kreppurakt børn í Sýria HÁLV MILLIÓN ÚR FØROYUM TIL BØRN ÚR SÝRIA