týsdagur 22. november 2016síða 31

31 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 23. november 2016 · Nr. 135 TALV tá ið hann spældi seg fram í fjórð­ ingsfinaluna í HM kappingini, har hann tapti fyri Anatolij Karpov. IM arnir eru John Rødgaard, Vladimir Hamitevici, Simon Bekk­ er-Jensen, Nikolaj Mikkelsen og Guðmundur Kjartansson. Helgi Dam Ziska eigur hægsta styrkistalið – 2546. Hinir báðir við styrkistali omanfyri 2500 eru Jóhann Hjartarson, 2539, og Jakob Vang Glud, 2506. Síðani John Rødgaard luttók í OL, hevur hann verið í Finnlandi og telvað um norðurlendska meist­ araheitið fyri veteranar. Tað gekk upp á stás. John Rødgaard vann sín bólk og er nú norðurlendskur meistari fyri telvarar +50. At talan er um telvarar, ið aftur og aftur eru saman, sást, tá ið teir hittust í Runavík og heilsaðust so hjartaliga. Talan er so at siga um talvfamilju. Umframt úr Før­oy­um eru luttakararnir úr Ís­landi, Danmark, Svøríki, Spania og Mol­dova. Helgi og superveteranurin Tað man neyvan vera ivi um, at Justinus Hansen, Ysti, á Toftum er elsti luttakarin í føroysku land­ skappingini. Hann er føddur sætta juli í 1927, og harvið gongur hann ímóti teimum 90! Fyrireikararnir høvdu lagt soleiðis til rættis, at Ysti skuldi flyta fyrsta leikin í hesi kappingini. Tað gjørdi hann fyri Helga Dam Ziska, sum í fyrsta umfari sat við hvíta fólkinum ímóti Gauti Páll Jóns­son úr Íslandi, sum hevur styrkistal­ið 2082. Harvið var Helgi favoritt­ur, og hann vann talvið. Ysti flutti kongafinnuna tvey fram, og so helt hann fyri í góðum Tofta stíli við Helga, at nú mást tú ordna restina sjálvur! Helgi Dam Ziska minnist aftur á, at hann og Justinus Hansen eina­ferð hava sitið yvir av hvørjum øðr­um í talvkapping: - Tað var í november mánað 2004, tá ið eg var fjúrtan ára gamal, og Justinus var 77. Hetta var í Havn. Vit sótu á fjórða borði á fyrsta liði í liðkappingini. Justinus hevði hvítt, og talvið endaði remis, minn­ist stórmeistarin. Hetta er fyrsta ferðin, at Helgi Dam Ziska luttekur í kapping heima á landi, síðani hann varð stór­meistari. Dámligi ungi maðurin er ikki tikin av fótum, nú hann er stórmeistari. At hansara avrik hava týdning fyri føroyska telving og Føroyar er einki at ivast í. Tað kendist virðing millum telvararnar, sum undan kappingarbyrjan heils­aðu honum og ynsktu til lukku. Olaf og Luitjen Fjøruti luttakarar eru við í Runa­vík Open. Í summum førum gekk tað skjótt fyri seg mánakvøldið. Millum tey talvini, sum tað tók longst tíð at avgreiða, var tað mill­um Luitjen Akselsson Apol og Olaf Berg. Styrkistalið hjá Olafi Berg er 2320, og tað hjá Luitjen Akselsson Apol er 1403. Harvið var Olaf fav­or­ittur, og hann vann talvið, men tað leyp ikki so nógv av. Á stórskíggjanum varð fylgt væl við júst hesum talvinum. Luitjen Akselsson Apol er bara tíggju ára gamal, og hann vísti enn einaferð, at hann hevur stak góð evni at telva. Hann flutti neyvt og gav sær góðar stundir, og tað sá út til, at hann fór at vinna, inntil hann datt í felluna, sum Olaf Berg royndi at seta, tá ið hann var illa kroystur. Millum spentu áskoðararnar var Aksel, løgmaður, og pápi Luitj­en. Annað umfar var seinnapartin í gjár. Í dag er dupult umfar í Løkshøll. Tað verður farið undir triðja umfar klokkan níggju og fjórða umfar verður klokkan trý seinnapartin. Hósdagin og fríggjadagin verður telvað klokkan trý. Leygardagin verður sjeynda umfar klokkan níggju og áttanda umfar klokkan trý. Kappingin endar sunnudagin klokkan tvey, tá ið níggjunda umfar verður. Løkshøll er í hesum døgum karmur um altjóða talvkapping Helgi Dam Ziska vann í fyrsta umfari ímóti Gauti Páll Jónsson úr Íslandi Heiðrikur T. Jacobsen stríddist leingi ímóti stinnasta íslendinginum Jóhann Hjartarson, sum at enda vann Tíggju ára gamli Luitjen Akselsson Apol var um reppið at vinna á roynda Olafi Berg Hans Hjalti Skaale er dómari. Hann vann í OL í Baku heitið altjóða talvdómari