hósdagur 24. november 2016síða 6

FRÍGGJADAGUR 25. NOVEMBER 2016 SOSIALURIN 136 6 DANJAL AV RANA 29 ára gamli havnamaðurin, Rani Herup, hevur eitt starv eitt sindur út yvir tað vanliga. Teir eru kanska ikki so fáir í tali, føroyingarnir, sum eru tyrluflogskiparar, men neyvan eru teir nógvir í tali, sum arbeiða fyri amerikanska herin. Tað ger Rani Herup. Starv hans­ ara er at flúgva fyri ameri­kanska herin og hernaðardeildirnar hjá afrikanska samveldinum, sum stríðast móti Joseph Kony og Lord’s Resistance Army á markinum millum Miðafrikalýðveldið, Suður­ sudan og Demokratiska Lýðveldið Kongo. Tú hugsar kanska, at hann er ein av hesum, sum leitar eftir spenningi alla staðni hann er, og sum kanska skuldi ynskt, at hann sjálvur var amerikanari, so hann kundi gjørt hertænastu í the Armed Forces over there. Langt frá. Róligur og sympatiskur greiðir hann frá, at tað er mest sum av tilvild, at hann nú er endaður við at jagstra ein av kendastu brots­ monnum í heiminum niðri í Afrika. Rani Herup lærdi til tyrlu­ skip­ara í Florida og tók síðani eina eftirútbúgving í Danmark. Beinanvegin hann varð liðugur, fekk hann starv hjá Atlantic Airways og gjørdist tyrluskipari har einans 23 ára gamal. Í fimm ár starvaðist hann fyri føroyska flogfelagið, frá 2011 til 2015. Hann valdi tá at royna nýggjar leiðir og gjørdi sum mangir aðrir føroyskir flog- og tyrluskiparar og fór til miðeystur at arbeiða í oljuvinnuni. Steðgurin í Katar gjørdist tó stuttur. Oljukreppan gjørdi um seg, nógv blivu uppsøgd og sáttmálin hjá Rana Herup varð ikki endurnýggjaður. – Eg endaði tí aftur í Føroyum eina tíð og søkti arbeiði ymsa staðni. Eg sendi umsóknir ymsa staðni og ein dagin kom ein teldupostur frá einum felagið, sum bjóðaði mær eina samrøðu. Stutt seinni hevði eg fingið starv sum tyrluskipari í Miðafrikalýðveldinum. Rani Herup sigur, at royndirnar frá tyrluflúgvingini í Føroyum vóru tað, sum góvu honum ein fyri­mun fram um aðrar, ið søktu starvið. – Hjá Atlantic Airways hava vit fingist við nógvar ymiskar upp­gávur. Tað er Medevac, leit­ ing, bjarging, at lora ting upp og niður úr tyrluni og ikki minst náttarflúgving við náttarbrillum. Hetta eru royndir, sum eru tor­førar at fáa í offshoreflúgving í Dan­ mark, til dømis. Tí dámdu teimum væl mítt lívsrensl, greiðir hann frá. Reinur óndskapur Felagið, sum Rani Herup arbeiðir fyri er ikki beinleiðis partur av hernaðarligu átøkunum móti LRA í økinum, men veitir tænastur fyri herliðini. Kortini eru teir so tætt knýttir at virkseminum, at teir búgva inni á hernaðarleguni í Obo í eystasta partinum av Miðafrikalýðveldinum, tætt upp móti markinum til Demokratiska Lýðveldið Kongo og Suðursudan. Teir taka tó ikki lut í sjálvum hernaðarátøkunum. – Uppgávurnar hjá okkum eru fyrst og fremst tað, sum verður nevnt Medevac, ella bráðfeingis sjúkraflutningur. Tá kann tað snúgva seg um hermenn, sum eru Joseph Kony og LRA hava dripið 100.000 fólk og gjørt 60.000 børn til barnasoldatar. Rani Herup hjálpir altjóða herdeildunum, ið leita eftir krígsovastanum í skóginum millum Miðafrikalýðveldið, Demokratiska Lýðveldið Kongo og Suðursudan. PERSÓNSSØGA LEITAR EFTIR HARÐRENDUM KRÍGSOVASTA Í AFRIKA Miðafrikalýðveldið Fyrrverandi franskt hjáland. Gjørdist sjálvstøðugt í 1960. Stødd: 622.984 km2 Náttúruríkidømi: Diamantar, uran, timbur, gull, olja Íbúgvar: 5,5 milliónir Ættarbólkar: Baya (33%), Banda (25%), Mandjia (13%), Sara (10%), aðrir bólkar (19 %). Átrúnaður: innføddur átrúnaður (35 %), protestantar (25%), katólikkar (25%), muslimar (15%). 40 prosent av íbúgvunum eru undir 14 ára gamlir. 60 prosent eru undir 20 ára gamlir. Undir 10 prosent eru yvir 55 ára gamlir. Landið hevur fjórð hægsta barnadeyðatíttleika í heiminum.