mánadagur 28. november 2016síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 28. november 2016 · Nr. 137 FLÚGVING LOGAN AIR EINGI HÓTTAN MÓTI ATLANTIC AIRWAYS Sólvit E. Nolsø Fyrr í ár frættist, at skandinaviska flogfelagið SAS, fór at at flúgva til Føroya. Eftir ætlan verður byrjað at flúgva í næsta ár og ein føst ruta skal verða millum Keypmannahavn og Vágar. Flúgvast skal hvønn dag í vikuni, alt árið. Tað vórðu kanska fleiri, ið ivað­ ust í um føroyski marknaðurin bar tvey feløg. Um tað yvirhøvur er nóg mikið av ferðafólki til tvey feløg. Enntá tvey, ið flúgva á somu rutu. SAS sigur, at tað er nokk, Jóhanna á Bergi, stjóri í Atlantic Airways, sigur, at tað fer nokk ikki at verða pláss fyri báðum. Livst so spyrst. Í seinastu viku fingu vit so staðfest, at tað triðja flogfelagið nú er á veg inn á føroyska marknaðin. Skotska felagið Logan Air, ið er ein partur av størra samtakinum Flybe, skal flúgva millum Aberdeen og Vágar, í tíðarskeiðinum mai-sep­ tember. Umvegis Aberdeen, kunnu vit so eisini flúgva til Kirkwall á Orknoyggjum, ið liggja norðanfyri Skotland. Tískil kemur Logan Air á markn­ aðin við einum nýggjum tilboði og staðfestir seg ikki bert sum eitt felag afturat, men sum eitt alternativ til teir møguleikar, ið vit hava dag. Fyrrverandi stjórin í Atlantic Airways, Magni Arge, sær ikki nakrar vandar í, at Logan Air nú bjóðar seg fram at flúgva til Føroya part av árinum. Hinvegin heldur hann tað verða spennandi. – Eg síggi ikki nakran vanda í at fáa staðfest eina nýggja rutu til Aberdeen. Eisini fáa vit Hetland tengt uppí. Tað eru gomul sambond hjá føroyingum bæði í Abderdeen og í Hetlandi, so tað eigur at verða positivt at fáa tey aftur, sigur Magni Arge. Góðir marknaðar­ føringsmøguleikar Tað kundi verði nærliggjandi at hugsa, at hetta var ein avbjóðing hjá Atlantic Airways, tá tey longur hava eina rutu til Edinburg. Tí tekur Magni Arge ikki undir við. Hann sær tað heldur sum ein góðan marknaðarførings møguleika hjá Atlantic Airways og Føroyum í Skotlandi. – Mann má rokna við, at Logan Air fer at gera nakað við markn­ aðarføringina í Skotlandi og tað kann koma okkum til góðar. Eisini Atlantic Airways. At Føroyar fær ein góða eksponering í Skotlandi kann gera, at fleiri fara at hyggja hendaveg, sigur Magni Arge. Ikki beinleiðis í kapping við Atlantic Tað eru fleiri, ið hava ynskt sær kapping á flogrutuni í Føroyum. At hava meir enn eitt felag at velja í, kann hava positivar avleiðingar, so sum lægri prísir og fleiri destina­ tiónir. Tó er tað eisini tey, ið hava sett spurnartekin við um tað er pláss fyri fleiri og um tað ikki er ein vandi, at føroyska felagið dettur niður ímillum í eini herdari kapping við fleiri sterk feløg. Magni Arge sær ikki Logan Air sum ein beinleiðis kappingarneyta hjá Atlantic Airways. Tey leggja seg á nakað annað enn Atlantic ger í løtuni. Hinvegin er SAS ein bein­leiðis kappingarneyti, við ein­ um peningaliga sterkum stuðli í rygginum. – Tað er ein øgiliga stórur munur á Logan Air og SAS. SAS hevur lagt seg á ein dagligan frekvens hjá Atlantic og hevur eina øgiliga sterka peningaliga støðu. Tað síggi eg sum ein beinleiðis kapping við Atlantic, í mun til tað, sum Logan Air ger, ið er eitt annað tilboð enn tað, ið hini bjóða, sigur Magni Arge Ikki fyrstu ferð, at tað eru fleiri um boðið Hetta er ikki fyrstu ferð, at tað verða trý feløg, sum bjóða seg fram at flúgva ferðafólk til og úr Føroyum. Mærsk Air hevði ein rutu millum Keypmannahavn, ið byrjaði í 1970 og helt á í 34 ár, tá teir góvust í 2004. Umframt Mærsk Air og Atlantic Airways, so fleyg Iceland Air eisini millum Ísland og Føroyar í 1990unum, so tá hava verið tríggir aktørar á marknaðinum í senn. Tað vísti seg til endans bert at verða pláss fyri tí eina felagnum til endans og Atlantic Airways hev­ ur nú verið einsamalt í nógv ár, undantikið eitt hálvt ár í 2006, tá føroyska felagið FaroeJet, bjóðaði seg fram. Eftir er nú bert at síggja hvussu alt fer at laga seg. Ein fyribils niður­støða er í øllum førum, at fleiri hava ynskt sær eitt breiðari úr­val í ferðamøguleikum úr Før­ oy­um. Tað hava vit so fingið nú, men enn letur tað seg bíða hvørt vit fáa eitt breiðari úrval av ferða­ destinatiónum. Spurningurin hvørt Føroyar sleppa við í felags­ marknaðin í Evropa innan flúgving bleiv reistur á Fólkatingið, men Hans Christian Schmidt, ráðharri í ferðslumálum, svaraði, at málið var meir ella minnið steðga upp Tað er so í øllum førum ikki komi á borðið hjá ES kommissiónini enn. Síðani spurningurin bleiv reistur á Fólkatingið, er Hans Christian Schmidt eisini útskiftur sum ráð­ harri. Í hansara stað er komin Ole Birk Olesen úr Liberal Alliance. solvit@sosialurin.fo Fyrrverandi stjórin í Atlantic Airways, Magni Arge, sigur, at Logan Air fer ikki at hótta Atlantic Airways. Magni Arge heldur hinvegin, at teir eru eitt vælkomið alternativ til tær verandi ruturnar Magni Arge, fyrrverandi stjóri í Atlantic Airways, sigur, at Logan Air verður ikki ein beinleiðis kappingarneyti hjá Atlantic Airways