mánadagur 28. november 2016síða 14

Mánadagur 28. november 2016 · Nr. 137 14 Sosialurin Hugskot og viðmerkingar – send sms til 225000 FÓTBÓLTUR Tróndur Arge Venjarafelagið valdi í gjár ársins venjarar og ársins eldsál. Hjá monnum bleiv tað Sámal Erik Hentze, ið vann FM við Víkingi. Hjá kvinnunum bleiv ársins venjari Alexandar Jovevic. Hann hevur í ár staðið á odda fyri greipuvinnarunum úr KÍ. Ársins ungdómsvenjari bleiv Áki Johansen. Hann hevur í ár verið ungdóms­ venjari hjá B36. Ársins eldsál Umframt ársins venjarar, so velur venjarafelagið á hvørjum ári eina ársins eldsál. Hesa ferð fall valið á 57 ára gamla Annfinn Danielsen. Hann er í nevndini hjá venjarafelagnum, men visti ikki av, at hann varð valdur til ársins eldsál. Tað hevði tó eydnast leiðsluni í venjarafelagnum, at lokka hann til tiltakið uttan at avdúka, at hann faktist skuldi fáa heiðurin sum ársins eldsál. – Hetta er ein heiður, sum tú ikki so lætt gloymir. Hetta er ein stór løta, sigur Annfinn Danielsen, sum í nógv ár hevur verið ungdómsvenjari. – Eg byrjaði í 1977, tá eg var 16 ára gamal og havi verið venjari líka síðani, sigur ársins eldsál. Hóast talan er um næstan 40 ár í sama yrki, so hevur Annfinn Danielsen ongantíð umhugsað at taka ein steðg ella royna nakað annað. – Eg havi hvørt ár glett meg at sleppa í gongd, sigur Annfinn Danielsen, sum eisini setir orð á motivatiónina at halda áfram. – Fyrst og fremst, so er tað tað menniskjaliga. Tað gevur tær nógv, at tú sær eina menning í einum spælara og á einum liði. Tað er stuttligt at uppliva, sigur Annfinn Danielsen. Stór menning Føroyskur fótbóltur hevur verið fyri stórari menning, síðani Annfinn Danielsen byrjaði sum ungdómsvenjari í 1977. Fótbóltssambandið er sett á stovn, Føroyar hava fingið limaskap í FIFA og UEFA og umstøðurnar eru broyttar nógv. – Menningin í føroyskum fótbólt er stór. Tað hongur millum annað saman við, at vit í 1984 fingu venjaraskeið hendan vegin. Umstøðurnar, har vit millum annað hava fingið graslíki, hava eisini gjørt spælið betri. Somuleiðis eru spælararnir eisini bliv­- nir betri og fáa íblástur frá eitt nú fótbóltinum, sum teir síggja í sjónvarpinum, sigur Annfinn Danielsen. Hann heldur eisini, at tað er rætt av fótbólts­ sambandinum at seta fýra fót­bóltsmennarar, sum skul­u ráðgeva feløg­unum í samband við millum annað ungdómsvenjing. Sum ungdómsvenjari síðani 1977 veit hann eisini hvat hann tosar um. – Eg haldi at fótbólts­ sambandið ger eitt gott arbeiði við at seta hasar fýra fótbóltsmennarar, sum eisini hava kvalifikatiónirnar í ordan. Tað verður ein góður stuðul hjá venjarunum kring landið, sigur Annfinn Danielsen. Hann hevur verið í yrkinum í næstan 40 ár, men tað er ikki vist at hann rundar tey hálvt hundrað árini í yrkinum. – Nú taki eg eitt ár á gangin, sigur 57 ára gamli Annfinn Danielsen, sum hevur verið ungdómsvenjari hjá feløgum sum B36, KÍ, AB, EB/Streymi og MB. NÚ TAKI EG EITT ÁR Á GANGIN Tað sigur Annfinn Danielsen, sum av venjarafelagnum er kosin til ársins eldsál. Hann hevur verið venjari uttan steðga síðani 1977. Tá var hann bara 16 ára gamal Frankie Jensen frá Fótbóltsvenjarafelag Føroya handaði Annfinn Danielsen steyp fyri at verða ársins eldsál 2016 (Mynd: Áki Johansen) Frankie Jensen handar vegna Fótbóltsvenjarafelagið Áka Johansen steyp fyri at verða ársins ungdómsvenjari (Mynd: Símun Eliasen)