hósdagur 1. desember 2016síða 21

FRÍGGJADAGUR 2. DESEMBER 2016 SOSIALURIN 139 21 Um tiltakið 24. november: Nýumvældu húsini hjá Katrinu Christiansen í Bringsnagøtu í Havn vóru karmur um tiltakið, sum hevði fingið heitið Sjeystjørnur. Heitið hevur tilsipingar til William Heinesen, sum er føddur har í húsinum og skrivaði "Tornið við heimsins enda" á kvistinum á ovastu hædd, og til bókina "Móðir sjeystjørna", sum snýr seg um kærleika av ymiskum slag. Júst kærleiki er ein av felagsnevnarunum fyri tær sjey stuttsøgurnar, ið vóru at hoyra. Fleiri stuttsøgusøvn eru givin út seinastu árini og aðalendamálið við tiltakinum var at varpa ljós á stuttsøgurnar og at leita aftur til gamla frásagnarsiðin, har man tey myrku kvøldini savnaðist í stovuni at lurta eftir søgum. Tiltakið fór fram á øllum trimum ovastu hæddunum í húsunum, og á hvørjari hædd var ein upplesari, sum fortaldi tvær stuttsøgur. Áhoyrararnir vórðu deildir upp, soleiðis at byrjað varð á øllum trimum hæddum í senn, og tá umleið ein hálvur tími var farin, fluttu áhoyrararnir úr einari hædd í aðra at lurta eftir hinum søgunum. Á hvørjari hædd varð eisini ymiskt gómagott bjóðað sum partur av atgongumerkinum. Lætt umskrivað av facebooksíðuni hjá FarLit. MYNDIR: TJÓÐHILD PATURSSON