hósdagur 1. desember 2016síða 29

29 FRÍGGJADAGUR 1. DESEMBER 2016 SOSIALURIN 138 eru vanar við. Venjarin leggur dent á, at skal tað lata seg gera at fáa góð úrslit, so mugu leikararnir taka í egnan barm og tora at spæla upp til sítt besta, hóast mótstøðan kanska kann tykjast ræðandi. - Tað, sum spælararnir tora í heimligu kappingini, mugu teir eisini tora her. Hetta eru al­ tjóða dystir við framúr góðum um­støðum, og vit eru eisini á heimavølli. Hetta eigur at vera ein risa uppliving fyri okkum øll rundan um liðið, men eisini fyri føroyskan hondbólt sum heild. Um onkur ikki torir at spæla til sítt besta, so skal viðkomandi ikki spæla við, eru greiðu boðini frá Andreasi F. Hansen. At enda sigur Andreas F. Han­ sen, at viðvíkjandi úrslitum hev­ur landsliðið ikki sett sær greið mál, men avrikið skal í øllum førum ikki liggja eftir. - Vit eiga ikki at vinna, tí at vit møta harðari og góðari mótstøðu, men um bæði venjarar og leikarar kenna á sær eftir kappingina, at vit hava givið alt, sum vit hava í okkum, so mugu vit vera nøgd við tað. Hetta landsliðið er tað fyrsta, sum veruliga sleppur at umboða føroyskan kvinnuhondbólt í altjóða hondbólti. Vit arbeiða við ein­ari langtíðarætlan, og hendan kapp­ingin er eitt startskot, sigur Andreas F. Hansen. Makedonia Ísland Eysturríki ANDREAS F. HANSEN UM MÓTSTØÐULIÐINI - Vit hava funnið nakrar videoupptøkur, sum vit hava hugt eftir. Makedonia er óivað tað veikasta av okkara mótstøðuliðum. Av tí, at møguleikin at fáa stig er bestur ímóti Makedonia, so hava vit fyrireikað okkum 100% til hendan fyrsta dystin. Hinar dystirnar taka vit leygardagin og sunnudagin. Bæði okkara verju- og álopsspæl er lagt eftir dystinum ímóti Makedonia - Makedonia hevur nakrar stórar leikarar. Kropsliga er Makedonia nakað størri og sterkari enn vit, men við okk­ara skjótleika ætla vit at bjóða teimum av. - Íslendskur kvinnuhondbóltur er nakað aftanfyri manshondbóltin, men við tí sagt, so hevur Ísland luttikið í so at siga øllum endaspølum síðani 2010, sum fevna um HM, EM og OL. Tó spældi Ísland seg ikki víðari til komandi EM-endaspæl. - Ísland er í ferð við at byggja eitt nýtt lið upp, har helvt­ in eru hondbóltsútisetar. Nakrir av hesum leikarum spæla í Champions League við feløgum frá ymsum londum. Ís­ lendska liðið er gott, men eisini ímóti íslendingum ætla vit at spæla øðrvísi og agera ístaðin fyri at reagera. - Eysturríki hevur ætlanir um at koma víðari úr hesari undankappingini. Farna vikuskiftið var liðið í Kekkia og luttók í venjingarkapping. Har taptu eyst­ ur­ríkarar bert við einum og trimum málum ímóti ávíkavist Kekkia og Serbia - tvey lið, sum spæla við í komandi EM. Flestu av leikarunum spæla í stórum hond­bóltstjóðum sum í Fraklandi og Týsklandi. - Men dysturin ímóti Eysturríki er ikki fyrr enn sunnu­dagin, so tann dystin hava vit ikki hugsað stór­vegis um. Fríggjadagin kl. 18.00 Eysturríki – Ísland Fríggjadagin kl. 20.00 Føroyar – Makedonia Leygardagin kl. 15.00 Eysturríki – Makedonia Leygardagin kl. 17.00 Føroyar – Ísland Sunnudagin kl. 16.00 Ísland – Makedonia Sunnudagin kl. 18.00 Føroyar – Eysturríki Málverjar: 1. Fríða Petersen, 33 ár - Neistin 12. Viviann Petersen, 25 ár - VÍF Útileikarar: 3. Bjarta Osberg Johansen, 23 ár - Kyndil 4. Turið Arge Samuelsen, 22 ár - Kyndil 6. Anna Armgarðardóttir Brimnes, 21 ár - Kyndil 7. Brynja Høj, 20 ár - Neistin 8. Bára Krossteig Hansen, 21 ár - Kyndil 9. Eir Martinsdóttir Berg, 21 ár - Neistin 10. Birita Jacobsen, 20 ár - Neistin 11. Kristianna Henneberg Joensen, 20 ár - FC Midtjylland 13. Tóra Eliasen, 17 ár - Stjørnan 14. Lilja Mohr, 20 ár - Neistin 15. Bára Krosslá Mortensen, 25 ár - VB 17. Anja Eliasen, 24 ár - Kyndil 18. Súna Krossteig Hansen, 18 ár - Kyndil 19. Pernille Brandenburg, 19 ár - GOG 20. Bára Hansen, 23 ár - Neistin 21. Ninna Katrin Johansen, 28 ár - StÍF