hósdagur 8. desember 2016síða 22

FRÍGGJADAGUR 9. DESEMBER 2016 SOSIALURIN 142 22 ÁRNI GREGERSEN K ringvarp Føroya eigur í nógv størri mun at bera tíðindi úr øll landinum og stovnurin eigur at hava tvær tíðindaredaktiónir. Tað løgdu fleiri av framsøgu­ fólkunum stóran dent á, tá ið Løgtingið í gjár viðgjørdi nýggj public service sáttmálan mill­ um Kringvarp Føroya og menta­ málaráðið. Public Service sáttmálin fekk ikki so stóra umrøðu, men tað fekk Kringvarp Føroya. Fram­søgu­ fólkini tosaðu um Kringvarpið og tær sendingar, sum Kringvarpið sendir. Jógvan á Lakjuni, framsøgu­ maður fyri Fólkaflokkin, var ein teirra, sum legði upp til, at tíðinda­ redaktiónirnar verða slitnar sundur aftur, so talan verður um eina fyri útvarp og eina fyri sjón­ varp. Jógvan á Lakjuni var sjálvur lands­stýrismaður við menta­ málum, tá ið Útvarp Føroya og Sjón­varp Føroya vóru løgd saman í ein stovn í 2006. – Hetta var helst gjørt av fíggjarligum áðum, men eg má viðganga, at eg síðani mangan havi spurt meg sjálvan um hetta var rætt at gera, segði Jógvan á Lakjuni. – Og serliga tað, at lógin ikki var fylgd, sum segði, at talan skuldi vera um tvær tíðindaredaktiónir. Eg haldi heilt klárt, at vit skulu endurskoða kringvarpslógina og mín meining er, at vit skulu tryggja, at tvær redaktiónir eru, sum viðgera tíðindini. Og tær skulu onki hava hvør við aðra at gera, segði Jógvan á Lakjuni. Út á bygd Eini onnur viðurskifti, sum semja tykist vera um, eigur at broytast er, at Kringvapið skal bera tíðindi úr øllum landinum. Tingfólk halda ikki, at tað er nóg gott, at tíðindi bert kom av og á av bygd, og heldur ikki er tað nóg gott, hava kringvarpsfólk verið uttanfyri Havnina, at vit so fáa søgur úr hesum støðum fleri dagar í trekk. – Eg veit ikki hvussu hetta skal skipast, men kanska ber til at at hava redaktiónir kring landið ellla heimildarfólk, segði Jónleif Johannesen, frramsøgumaður Javnaðarfloksins. Onkur annar vísti á, at skulu fólk gera viðmerkingar til ymiskt sum hendir, so eru tað altíð fólk úr Havn, sum verða kallað inn í Kringvarpið. Almennir pengar Fleiri tingfólk vóru eisini inni á, at teir pengar sum kringvarpið fær, eru pengar frá øllum føroyingum og tí eiga eisini allir føroyingar lut í tí sum Kringvarpið ger. – Hetta eru fólksins pengar, so øll mugu kenna, at tey fáa okkurt afturfyri teir pengar, sum vit øll gjalda til kringvarpið, segði Bjørn Kalsø. Bjørn Kalsø, sum eisini hevur sitið sum landsstýrismaður við mentamálum, segði eisini, at hann heldur at tað er rættast, at tíðinda­ redaktiónirnar aftur verða skyldar sundur, soleiðis, at tær eru heilt sjálvstøðugar. Óluva Klettskarð, fram­søgu­ kvinna fyri tjóðveldi, helt at grund­ leggjandi er Kringvarpið eitt gott varp, men hon helt á tá ið hugt verður eftir tíðindunum, so eru tey helst eftirbátur í menningini. Hon fanst eisini at málinum í kringvarpinum og mælti til, at starvsfólk har fáa ment tirra málsligu førleikar. Grundleggjandi hildu foleri framsøgufólk, at sáttmálin, sum var til umrøðu, er fyltur við ómetaliga mongum sjálvfylgilighjeitum. Tey saknaðu, at meira stendur í sáttmálanum um, hvussu kring­ varpið skal raðfesta ymisku máls­ økini. Í Løgtinginum var semja millum nógv tingfólk um, at Kringvarpið eigur at bera tíðindi úr øllum landinum – og ikki bara brúka serfrøðingar úr Havn KRINGVARPIÐ EIGUR AT KOMA KRING ALT LANDIÐ POLITIKKUR Jónleif Johannesen, Javnaðarflokkurin, helt, at KvF eigur at koma meir kring landið og ber tíðindi úr øllum herðasthornum.