mánadagur 12. desember 2016síða 59

VIKA 50 • 12. DESEMBER 2016 35 ÓKEYPIS LÝSINGARBLAÐ TEMA Eysturkommuna Vilmund Jacobsen T á nýtt býráð tekur við í Eystur­ kommunu hin 1. januar 2017, heldur Jóhan Christiansen fram sum borgarstjóri. Tað er úrslitið av kommunuvalinum, sum var hin 8. november og teirri semju, sum gjørd er í nývalda býráð­ num. – Eg var spentur til valið, og eg eri fegin um tann stuðul, eg fekk. Hetta hava verið fýra spennandi ár, og eg ivist onga løtu í, at tey næstu fýra árini verða minst líka so spennandi og gevandi fyri okkara kommunu. Borgarstjórin sigur, at hann er til reiðar at taka fýra ár aftrat í fremstu røð, og hann fer at gera sítt besta fyri at tæna fólkinum í Eysturkommunu. – Løtan er góð, og avbjóðingarnar eru nógvar. Tað ræður um at arbeiða skilagott, og hóast vit hava sett okk­ um fyri at gera stórar íløgur í 2017, rinda vit alla tíðina niður á lut­falsliga lítlu nettoskuldina. Jóhan Christiansen sigur, at Eystur­kommuna er sera væl fyri fíggjarliga og tá hetta árið, sum nú nærkast endanum, er liðugt, skyldar kommunan bert umleið 10 prosent av einari álíkning, sjálvt um íløgurnar í 2017 verða á umleið 41 miljónir krón­ur. – Sum samanløgd kommuna, hevur Eysturkommuna átta ár á baki, og hesi árini hava vit gjørt íløgur fyri umleið 170 miljónir krónur, tó at vit eingi lán hava tikið í fleiri ár, sigur hann. Einmælt samtykt Borgarstjórin vísir á, at fyri 2017 hevur býráðið samtykt at hækka barna­frádráttin og lækka ansingar­ gjøldini. – Tað er eitt samt býráð, sum hevur samtykt fíggjarætlanina fyri 2017, har barnafrádrátturin verður hækkaður við 2.500 krónum - úr 5.000 upp í 7.500 krónur, og mánaðargjaldið fyri at hava børn á stovni lækkar við 200 krónum fyri hvørt barnið. Hinvegin verður skattaprosentið óbroytt, 21. Jóhan Christiansen sigur, at Eystur­ kommuna er so væl fyri fíggjarliga, at sjálvt um kreppa skuldi tikið seg upp, hevur kommunan nógv at standa ímóti við. – Vit vilja eisini tryggja okkum, at rúm verður fyri lættum, um tíðirnar gerast verri, leggur hann aftrat. Stórar íløgur Borgarstjórin sigur, at millum stóru íløgurnar í 2017 er nýggjur dagstovnur við Gøtugjógv, nýggj brandstøð í Leirvík, útstykkingar í Leirvík og Norðra­gøtu og spillivatnsætlanin fyri kommununa. Haraftrat er ætlanin at gera fleiri smærri íløgur kring um í komm­ununi. – Vit fara eisini at brúka umleið 3,2 miljónir krónur til felagshúsið og fótbóltsvøllin í Sarpugerði. Hesin peningur skal brúkast til liðugtgerð av yvirhæddini, eins og nýggj ljós skulu setast upp við fótbóltsvøllin. Jóhan Christiansen sigur, at sam­ bært fíggjarætlanini fyri 2017 eru inntøkurnar mettar til 93,5 miljónir krónur, harav 15,7 miljónir krónur eru afturbering frá landinum. Rakstrar­ útreiðslurnar verða 76,5 miljónir krónur í 2017, harav 16,7 miljónir krónur fara til eldraøkið. – Í 2017 fara vit at rinda 5,3 miljónir krónur í avdráttum av lániskuld, og rentuútreiðslurnar verða 1,3 miljónir krónur, sigur hann. Nýggjur dagstovnur Spurdur um dagstovnin, sum skal byggjast við Gøtugjógv, har dag­ stovnur frammanundan er, sigur borgarstjórin, at her verður skrivað út ein arkitektakapping, og væntandi verður spakin settu í einaferð í seinnu hálvu av 2017. – Verandi dagstovnur við Gøtu­ gjógv er upprunaliga bygdur á svimji­ hylin, sum var her, og sum í sínari tíð gjørdist studentaskúli. Hetta er ein góður stovnur, sum rúmar umleið 64 børnum. Nýggi stovnurin fer hinvegin at rúma umleið 110 børnum. Hann sigur, at nýggi dagstovnurin við Gøtugjógv verður bygdur í tveimum byggistigum, harav ætlanin er, at fyrsti partur, sum verður vøggustova, skal standa liðugur tíðliga í 2018. – Tað er ikki óhugsandi, at verandi stovnur við Gøtugjógv kann brúkast til onkur onnur endamál, tá nýggi stovnurin stendur liðugur, sigur Jóhan Christiansen. Eingin skal bíða Í Eysturkommunu hava tey tann posi­ tiva trupulleika, at tað fer at standa á við at útvega dagstovnapláss tíðliga í komandi ári. – Tað er ikki bíðilisti beint nú, men longu í januar mánaði verða átta børn, sum pláss í løtuni ikki er fyri. Men, her er einki at óttast, tí vit fara at finna eina loysn, soleiðis at eisini hesi børnini fáa ansingarmøguleikar í kommununi. Jóhan Christiansen sigur, at ymiskir møguleikar eru, og eitt nú metir hann, at møguleikar eru í frítíðarskúlanum í Leirvík. – Vit fegnast almikið um, at fólk vilja búgva í okkara kommunu, og vit fegnast ikki minni um, at barna­ talið veksur, sigur borgarstjórin í Eysturkommunu. Tað gongur sum eftir ánni Eysturkommuna er rættiliga væl fyri fíggjarliga, og hóast kommunan fer at gera íløgur í 2017 fyri umleið 41 miljónir krónur, skyldar kommunan einans 10 prosent av einari álíkning – Vit fegnast almikið um, at fólk vilja búgva í okkara kommunu, og vit fegnast ikki minni um, at barnatalið veksur, sigur borgarstjórin í Eysturkommunu, Jóhan Christiansen