hósdagur 15. desember 2016síða 21

21 L GGJ Úrslitið av amerikanska forsetavalinum hevur elvt til stúran um allan heim, sum m.a. sæð í hesi tekningina hjá Christian Bloom, ið bleiv prentað í norska blaðnum VG síðsta vikuskiftið, men hevur síðan gingið sína sigursgongd um allan heim. Men meðan Barack Obama hevur gingið á odda í hørðu linj­ uni hjá Vesturheiminum móti Russlandi, so hevur Donald Trump áhaldandi tosað um sína virðing fyri Vladimir Putin, og hevur lagt upp til, at hann ynskir at betra um viðurskiftini við Russland. Bogi Eliasen er spentur upp á hvønn mun forsetaskiftið fer at broyta sambandið millum londini, men ávarar um, at møguleiki er fyri fleiri ósemjum. – Tað verður øgiliga stuttligt at síggja hvussu sambandið verður millum londini. At viðurskiftir millum lond mangan er tengt at um leiðararnir kunna tosa saman, er ikki nakað nýtt. Soleiðis hevur verið í mong ár. – Men um man hugsar um hvussu báðir partar koyra seg fram politiskt, so sær man nógvar møguligar ósemjur, tí man er ósamdir um smáting. So tað kann vera, at tað eru tveir persónar, ið klappa hvørjum øðrum á ryggin beint nú, men har eru øgiliga ymisk áhugamál, ið báðir skulu passa, sigur Bogi Eliasen At tónin hjá Donald Trump mótvegis Russland kann broytast, eftir at hann gerst forseti, er ikki óhugsandi, sambært Boga Eliasen. – Uppgávan sum statsleiðari er at verja og menna egna land. Tað er ikki at fáa vinir, vísir stjórn­málafrøðingurin á. Strika boykottið Um sambandið við Russland verð­ur betri, so er ein tann fyrsta avleiðingin av tí helst, at handilsboykottið móti russisku tjóðini verður strikað, metir Bogi Eliasen. – Man fer nokk eftir at seta tað úr gildi. Tað er ikki bara í áhuga­ málinum hjá russum, tí fleiri ameri­kanskir fyritøkur komu í klemmu tá handilsboykottið varð sett í verk, sigur Bogi Eliasen. Á altjóða pallinum væntar Bogi Eliasen eisini, at Russland fer at traðka meira fram, tí tað tykist ikki, at Donald Trump hevur nakran serligan áhuga í at gerast partur av stríðum hjá øðrum. – Øll ivast í hvat altjóða valds­ javnvágin fer at vera komandi árini. Bara tað sum hendir í Sýria nú er nakað væl verri enn tað, ið nakar trúði slapp at henda. Eg haldi ikki, at tað er nøkur tekin um, at Trump ætlar at vera serliga virkin í slíkum konfliktum. Tað kann gerast ein møguleiki hjá Russlandi at gerast ein størri partur, sigur Bogi Eliasen. Handil og ikki kríggj Sum heild væntar Bogi Eliasen, at Donald Trump fer at skilja seg frá øðrum forsetum við at leggja meira dent á handil, meðan hann letur konfliktir aðrastaðni til onnur at loysa. – Funnist hevur verið at honum fyri ikki at biða um kunning frá fregnartænastunum. At hann ikki var nóg áhugaður í tí. Men hann er ikki ein typiskur politikari og hevur ikki bygt tað inn í sín arbeiðshátt at sita við slíkum tingum, vísir Bogi Eliasen og leggur afturat. – Donald Trump er ein hand­ ilsmaður, og gangi eg út frá, at hann sær tað sum sína høvuðs­ legitimitet. At hann er valdur at hugsa í meira vinnuligum banum og byggja amerikanska vinnulívið uppaftur. Tá man so raðfestir nakað hægri, so verður okkurt annað raðfest lægri. So eg vænti tað hernaðarliga fer at fylla minni, sigur Bogi Eliasen. Tað verður tó sagt við ávís­ um fyrivarni, tí amerikanski vápnaídnaðurin er hóast alt ein stór vinnugrein. – Man skal ikki gloyma, at tað eru nógv amerikanska vinnu­ áhugamál í øllum sum hevur við hernaðarútgerð at gera. Har­ umframt eru fleiri av hansara nýggju ráðgevum hernaðarfólk, so tað er ikki soleiðis, at hann tekur beinleiðis frástøðu frá herinum, sigur Bogi Eliasen. HALLUR@SOSIALURIN.FO SOSIALURIN 145 FRÍGGJADAGUR 16. DESEMBER 2016