mánadagur 19. desember 2016síða 43

VIKA 51 • 19. DESEMBER 2016 19 MIÐLAHÚSIÐ ÓKEYPIS LÝSINGARBLAÐ øll vælkomin at søkja sær heilsubót á stovninum. Hann vísir á, at førleikarnir hjá HNLFÍ eitt nú fevna um læknar, sjúkra­røktarfrøðingar, sálarfrøðingar, føðslu­ráðgevar, vøddamýkjarar, nála­ viðgerðarar (akupunktur), og stovn­ urin hevur serfrøði á fleiri økjum innan sínar viðgerðir. – Vit hava góðar baðiumstøður við svimjihøll og uttandura svimjihyli, og her er heitt guvubað, bløðrubað og lekibað. Vit hava eisini ymisk við­ gerðarrúm og fimleikarrúm. Ingi Þór Jónsson sigur, at HNLFÍ eisini hevur leirbað, sum ger, at vødd­ arnir hvíla, eins og baðið hevur linn­ andi ávirkan á pínu í rørslu­skipanini. – Leirbaðið hevur gagnliga ávirkan á psoriasis og aðrar trupulleikar við húðini. Vakra náttúran kring Hveragerði er eisini partur av aktivitetunum, og skipað verður fyri gongutúrum fyri fólki, sum koma á stovnin. Heilsan – egin ábyrgd Á HNLFÍ verður arbeitt í toyum, har nógvir ymiskir førleikar og fak­kunn­ leikar veita fólki ta hjálp og vegleiðing, sum hvør einstakur hevur brúk fyri. – Tað, sum vit vilja, er, at fólk skulu taka ábyrgd av egnari heilsu, og hetta er í stuttum okkara slagorð á stovninum - ella sagt á íslendskum: ”Berum ábyrgð á eigin heilsu”. Ingi Þór Jónsson sigur, at HNLFÍ vil hjálpa teimum, sum koma á stovnin til stytri ella longri uppihald, ávegis fram ímóti einum betri og sunnari lívi - alt eftir, hvat útgangsstøðið er. – Vit lurta eftir tørvinum hjá tí einstaka - antin talan er um sálarligar, likamligar ella sosialar tørvir og trupulleikar. Tað snýr seg um at fremja og halda uppi einum vanligum og heilsugóðum lutfalli millum persónin sjálvan og umhvørvi, sum viðkomandi er í - og at frema verju av likami og sál móti einum og hvørjum formi fyri vána­liga heilsu og sjúku. Marknaðarleiðarin sker út í papp og sigur, at viðgerðin á HNLFÍ byggir á málrættaða rørslu, sunnan mat, lætta og hvíld, og stovnurin arbeiðir í fullum samsvari við Heimsheilsustovnin um betran av heilsu og sunna menning. Heilsugóður kostur Vikublaðið hevði høvi at vitja Heilsu­ stovn Náttúrulæknafelag Íslands í Hveragerði frá fríggjadegi til mánadag - ella í tríggjar dagar og nætur. Á stovninum er stór og vælskipað matarhøll, og gott pláss er millum borðini. Umhvørvið í matarhøllini er hugnaligt, og tú situr væl. Hóast mong sita til borðs í senn, er friður yvir umhvørvinum. Tú fært skjótt eina kensu av, at her tímir tú veruliga at njóta góða og spennandi matin eina stund. Á miðgólvinum stendur stóra sjálv­tøku­ borðið, og gott pláss er um borðið, soleiðis at fleiri sleppa til í senn. Skjótt sært tú, at her er alt sunnur og heilsugóður matur, og her er stórt úrval av vistfrøðiligum grønmeti og ymiskum grønmetisrættum. Grønmetið verður dyrkað í vakst­ rarhúsum í Hveragerði, sum er ein týðandi partur av konseptinum hjá HNLFÍ. Fyrsta dagin, vit ótu døgurða í Hveragerði, fingu vit fiskafrikadellur sum høvuðsrætt, og hesar gagnaðust frálíka væl. Vit fingu eisini góða súp­ an og ørgrynni av góðum og væl­ smakkandi salatum. Maturin, sum verður borðreiddur í køkinum, byggir ikki minst á urtir, fullkorn og grovbreyð. Tú fært eisini egg og onkrar mjólkavørur. Hinvegin verður dentur lagdur á minst møguligt salt, mettaða fiti og sukur. Breyðið verður bakað í køkinum, og økologiska grønmetið, salatir og kryddaríir koma úr vakstrarhúsunum í Hveragerði. - Kjøt er ikki á matarskánni, men fiskur er tvær ferðir um vikuna. Hin­ vegin eru nógvar mjólkarvørur. Vit bjóða ikki kaffi, men heldur te, gjørt úr íslendskum lekiurtum. Eisini kostráðgeving Ingi Þór Jónsson sigur, at fólk, sum koma á stovnin, hava eisini møguleikar at fáa ráðgeving um kost, og hvussu góður kostur kann tilgerast. – Vit hava eisini havt føroyingar á Heilsustovni Náttúrulæknafelag Ís­ lands, og nú verður so høvi hjá bólkum úr Føroyum at koma higar nakrar ferðir um árið saman við føroyskum ferðaleiðara. Á stovninum hava vit ein heilan hóp av starvsfólki við flestu hugsandi førleikum at taka ímóti før­ oyingum, sigur marknaðarleiðarin hjá HNLFI. Tey, sum vilja vita meira um heilsu­ stovnin í Hveragerði í Íslandi, kunnu eisini hyggja á heimasíðuna www. hnlfi.is vilmund@sosialurin.fo Í dag fevnir HNLFÍ um eitt rættiliga stórt øki við nógvum túsund fermetrum til ymiskar heilsuaktivitetir og heilsutænastur. Umframt nakrar hugaligar íbúðir, hevur stovnurin í dag 86 einmanskømur og 32 tvímanskømur Her eru góðar baðiumstøður við svimjihøll og uttandura svimjihyli, og her er heitt guvubað, bløðrubað og lekibað. Leirbað, sum HNLFÍ eisini hevur, hevur gagnliga ávirkan á psoriasis og aðrar trupulleikar við húðini