mánadagur 19. desember 2016síða 42

VIKA 51 • 19. DESEMBER 2016 18 MIÐLAHÚSIÐ ÓKEYPIS LÝSINGARBLAÐ Føroyingar eru vælkomnir at søkja sær heilsubót í Íslandi – Vit lurta eftir tørvinum hjá tí einstaka - antin talan er um sálarligar, likamligar ella sosialar tørvir og trupulleikar. Okkara ynski er eisini at geva pláss fyri øðrum enn teimum, sum læknar í Íslandi ávísa til okkara, sigur marknaðarleiðarin á HNLFÍ í Hveragerði í Íslandi Vilmund Jacobsen V ikublaðið vitjaði fyrr í heyst Heilsustovn Náttúrulæknafelag Íslands (HNLFÍ) í Hveragerði. Hetta er ein viðurkendur stovnur, sum hevur røtur heilt aftur til juli mán­aða í 1955. Tað var íslendski læknin, Jonas Kristjansson, ið legði lunn­ar undir stovnin, sum í byrjanin hevði pláss fyri 40 fólkum í senn, sum komu at søkja sær heilsubót. Sum árini gingu, gjørdist stovnurin meira og meira eftirspurdur, og bæði stovnur og umhvørvið er eisini vorðið størri og størri. Í dag fevnir HNLFÍ um eitt rætti­ liga stórt øki við nógvum túsund fer­ metrum til ymiskar heilsuaktivitetir og heilsutænastur. Umframt nakrar hugaligar íbúðir, hevur stovnurin í dag 86 einmans­ kømur og 32 tvímanskømur. Tá Vikublaðið vitjaði, fingu vit høvi at búgva í góðari og hugnaligari íbúð við køki og stovu saman, wc við góðari brúsu og góðum tvímanskamari. 2000 fólk um árið Tað eru serliga kommunulæknar í Ís­ landi og íslendska sjúkrahúsverkið, sum senda fólk við ávísingum til heilsustovnin í Hveragerði, og soleiðis koma fleiri enn 1600 fólk til ymiska heilsubót um árið. Men, læknaávísingarnar eru nakrar hundrað fleiri enn hesi 1600 fólkini, ið læknar meta kunnu njóta gott av viðgerðum og heilsubót á stovninum. Heilsustovnur Náttúrulæknafelag Íslands ynskir tó eisini at geva pláss fyri øðrum enn teimum, sum læknar og sjúkrahús í Íslandi skriva ávísingar til, og tí sleppa ikki øll á stovnin, sum fáa ávísing. Ingi Þór Jónsson er marknaðar­ leiðari hjá HNLFÍ, og hann sigur, at tey gjarna vilja, at føroyingar eisini fáa lut í teimum tilboðum og møguleikum, sum stovnurin kann veita. Fyri stívliga trimum árum síðan var marknaðarleiðarin í Føroyum sam­an við stjóra og yvirlækna og deilda­rleiðara fyri sjúkrarøktar­ frøðingar á HNLFÍ, og tá høvdu tey almennan kunningarfund um stovnin í Miðlahúsinum í Vágsbotni. – Hveragerði liggur 40 kilometrar úr Reykjavík, og vit venda okkum eisini til føroyingar, sum vilja njóta lívið í heilsugóðum umhvørvi. Her bjóða vit føroyingum bestu umstøður, róligt umhvørvi, tætt samband við náttúr­ una, heilsugóðan mat og góðar við­ gerðir - alt eftir, hvørjir heilsu­tørvirnir hjá hvørjum einstøkum eru. Ingi Þór Jónsson sigur, at steðgurin í Hveragerði kann verða tørvi, og vanliga steðga fólk úr einar viku upp í seks vikur. – Á HNLFÍ eru umleið 100 fólk, sum eru klár til tína tænastu, og her hava vit alt frá hjartalækna og sjúkrarøktarfrøðingum til roynd fólk, sum veita tænastur í fóta-og handa­ røkt. Eitt uppihald hjá okkum gevur fólki við ymiskum heilsutrupul­leik­um møguleikar at læra nýggjar og skila­ góðar leiðir innan eitt nú kost, rørslu og svøvn. Fleiri enn 2000 fólk koma soleiðis til endurbúgvingar hjá HNLFÍ á hvørj­ um ári. Hava bestu umstøður Ingi Þór Jónsson leggur dent á, at Heilsustovnur Náttúrulæknafelag Ís­ lands ynskir at ganga á odda inn­an fjølbroyttar og alternativar við­gerðar­ tænastur. – Vit ynskja at hjálpa so mong­ um, sum vit kunnu røkka eftir eitt nú viðgerðir á sjúkrahúsi - við fram­ haldandi endurbúgving og end­ur­ menning, bæði tá ræður um likamligar og sálarligar viðgerðir, og annars eru Ingi Þór Jónsson er marknaðarleiðari hjá Heilsustovni Náttúrulæknafelag Íslands (HNLFÍ) í Hveragerði – Á Heilsustovni Náttúrulæknafelag Íslands hava vit ein heilan hóp av starvsfólki við flestu hugsandi førleikum at taka ímóti føroyingum, sigur marknaðarleiðarin, Ingi Þór Jónsson