hósdagur 22. desember 2016síða 30

FRÍGGJADAGUR 23. DESEMBER 2016 SOSIALURIN 148 30 TÍÐINDI EIRIKUR LINDENSKOV – Hetta var ræðuligt at uppliva, so absurd og óforstáiligt. Vit eru eru skelkað og sjálvandi fegin um at vera á lívi. Men vit eru samstundis fegin um at kunna sosialisera okkum við berlinarum í hesu døgum og síggja, hvussu stálsettir teir eru, og hvussu væl teir duga ikki at lata seg kúga av yvirgangi. Tað sigur Virgar Dals­ gaard, sum er ferðaleiðari fyri føroyskum ferðalag, sum hevur vitjað í Berlin hesa vikuna. Tey gingu og spákaðu millum sølu­ búðirnar í hesum jóla­ marknaði mitt í Berlin bara góðar tveir tímar áðrenn ein lastbilur trumlaði í gjøgnum mannamúgvuna, drap 12 fólk og særdi 50. – Vit vórðu skelkað, og tað eru vit enn. Men tað var kortini ongantíð so ringt, at nakar okkara ætlaði at rýma. Men tað er so óveruligt at hugsa sær, at vit hava gingið har beint frammanundan. Vit vóru millum annað til eina andakt í Gedächt­nis­ kirche, sum er beint við. Síðani fóru vit á eina matstovu í eini síðugøtu at eta døgurða. Og tað er um tað mundið, vit fara av matstovuni, at yvir­gangs­ atsóknin verður fram, greiðir Virgar Dalsgaard frá. Hann sigur, at tey skiltu beinanvegin, tá tey komu á gistingarhúsið, sum er í Eysturberlin, at okkurt var á vási. – Tey gramdu seg um, at internetið koyrdi so seint, og tað var sjálvandi tí, at yvirgangsatsóknin tá var hend, og øll fóru á internetið í senn. Men vit skiltu ikki beinanvegin, hvussu álvasom støðan var. Fyrst frættu vit, at ein persónur var deyður. So vóru tað brádliga 9 og at enda 12 persónar, sum vóru dripnir og 50 komnir til skaða, sigur Virgar Dalsgaard. Í føroyska ferðalagnum eru føroyskir útisetar á Sælandi í Danmark, tó eisini onkur, sum býr í Føroyum. Virgar Dalgaard sigur, at tey plaga at skipa fyri túrum, og at tey fyri trimum árum síðani eisini vóru í Berlin. – Tað er so óveruligt, at vit gingu har beint frammanundan millum hesar sølubúðir, og so at síggja alt littja í sori. Men Virgar Dalsgaard heldur sigur eisini, at tað er áhugavert at síggja, hvussu stálsettir berlinar eru. – Teir lata seg ikki kúgva, og teir hava upplivað nógv, sum er verri enn hetta. Angela Merkel mælti fólki til at halda seg heima og ikki fara út. Men fólkið aktaði ikki boðini. Tey gjørdu faktiskt beint tað øvugta. Tey fóru út, og gerandisdagurin er aftur hin sami. Men tað sæst á fólki, at tey eru álvarsom, og at tey ikki lata seg kúga av yvirgangsmonnum. – Tað var ræðuligt at síggja hesi knústu træhúsini og skrøddu tjøldini og tær knústu búðirnar, har tú kundi sita og eta og drekka gløgg. Tað var ein ræðuligur køstur at síggja, sigur Virgar Dalsgaard. Hann sigur, at tey vóru úti aftur mikukvøldi, tá tey skuldu halda eina lítla veitslu. – Tað var kanska ikki tann góði stemningur, sum tá átti at verið, men fólk vóru í hampuligum lag eftir umstøðunum, sigur hann. Virgar Dalsgaard sigur, at sera nógv fólk valfarta til økið, har yvirgangsatsóknin for fram. Har eru eini 10 støð, har tú kanst leggja blómur. Nógvar heilsanir eru eisini upp á skrift, og har eru millum annað boð um, at berlinar ikki skulu lata seg kúga av jólahatarum. Føroyska ferðalagið hevur eisini verið aftur á staðnum og lagt blómu­ heilsanir. – Hetta var ein sera óbehagilig uppliving. Men hetta hevur rist okkum væl saman. Vit eru fegin um at vera á lívi og glað um at kunna sosialisera okkum við einum stórum býi sum Berlin og síggja, hvussu hann hevur loftað sær. – Nógv fólk eru allastaðni, og tú merkir á teimum, at tey hugsa sum so, at eingin skal gera teimum nakað. Okkum dámar væl at vera við í hesi fylkingini. Virgar Dalsgaard sigur víðari, at har eru sera nógv tíðindafólk at síggja. – Eg havi ongatíð sæð so nógv tíðindafólk í senn, sigur hann at enda og leggur afturat: – Jólastemningurin skal ikki køvast, og vit fara at siga sum onkur annar, at »vit eru eisini berlinarar«. – Man kundi risikerað, at gøturnar í Berlin vóru tómar, um fólk aktaðu Merkel. Men tað er altso beint øvugt, tí nógv fólk er úti, og tað er gott, segði Virgar Dalsgaard úr Berlin hósmorgunin, áðrenn ferðalagið vendi heimaftur. 23 føroyingar vóru á terrorstaðnum í Berlin mánadagin, har tey gingu á jóla­mark­ n­aðinum tveir tímar áðrenn ein lastbilur trumlaði 12 fólk til deyðis og særdi 50 HETTA VAR RÆÐU­ LIGT AT UPPLIVA Virgar Dalsgaard