hósdagur 29. desember 2016síða 42

Fríggjadagur 30. desember 2016 26 Sosialurin Brot og bitar úr árinum, ið fór Castro doyr Fidel Castro, sum í hálva øld var leiðari á Kuba, doyr 90 ára gamal. Fidel Castro stóð á odda fyri kollveltingini á Kuba seinast í 1950’unum, og hann sat við valdið fram til 2008, tá ið hann lat valdið víðari til beiggja sín, Raul. Fidel Castro var í nógv ár ímyndin av uppreistrinum ímóti heimsvaldinum hjá USA. Føroyar talgildast fyri 150 milliónir Stóra verkætlanin at talgilda Føroyar fer at kosta umleið 150 milliónir krónur næstu fýra árini. Ein kt-skipan skal savna øll grunddata um føroyska samfelagið, so tey kunnu lesast talgilt á sama staði. Hesir upplýsingar eru persónar, virki, fyritøkur, lendi, adressur og annað. Desember: Navnið Hanus Samró festi seg í tilvitskuna hjá Føroya fólki, tá hann sum einans 23 ára gamal tók sæti á Føroya løgtingi. Við 304 atkvøðum kom hann syngjandi á ting, einans 78 atkvøður færri enn formaður floksins Jørgen Niclasen. Hanus Samró varð ikki aftur­ valdur við síðsta val, tá Fólka­ flokkurin gekk nógv aftur, men enn hoyrist nógv til navnið. Hann hevur givið seks bøkur út, og var í síðsta mánaði aktuellur við nýggja blaðnum Ó og DVDini hjá Ævintýraferðini. Fyrrverandi løgtingsmaðurin er nevniliga óvanliga virkin, men handan nógva virksemið goymir seg ein syrgilig lagna. Álvarsom sjúka Hanus Samró hevur nevniliga álvar­somu sjúkuna Facio Scapulo Humerale muskeldystro­phy (FSH), ið betri er kend undir heitinum vøddasvinn. – Hon rakar andlitið, armarnar og niðasta partin av rygginum. Men eg havi ringasta slagið, har beinini eisini eru rakt, sigur Hanus Samró. Sjúkan kann ikki lýsast sum annað enn náðileys. Líðandi tærir hon upp á likamið, og einasta vónin er, at hon steðgar av sær sjálvari. – Eingin kann siga, um sjúkan er steðgað ella ikki, men um gongdin verður tann sama, sum hon hevur verið seinastu fýra til fimm árini, eru útlit fyri, at eg endi í koyristóli. Tað má tíðin vísa, sigur Hanus Samró álvarsamur á máli og heldur fram. – Tíverri er tað okkurt, ið bend­ir á, at sjúkan hevur rakt fingrarnar. Eg klári ikki longur at boyggja fremstafingur á høgru hond, og okkurt er sum bendir á, at longu­ tong á høgru hond eisini er ávirkað. Ungi rithøvundurin, ið harvið kann missa førleikarnar at skriva, er tó bjartskygdur, tí hann hevur sett sær fyri, at sjúkan ikki skal steðga honum. – Um eg so skal skriva við høkuni, so geri eg tað. Tað er bara ein nýggj avbjóðing, sum eg ætli mær at liva við. Einki kann steðga mær, sigur Hanus Samró avgjørdur. Ein vilji av stáli Hesin vilji at einki skal steðga honum er tað, ið kanska best eyðkennir Hanus Samró. Um hann hevur sett sær nakað fyri, so ger hann tað, óansæð umstøðurnar. Sambært honum er tað týdning­ armesti lærdómurin frá sjúkuni. – Einki eitur forðing. Tú kanst alt, sum tú setur tær fyri. Trúgv upp á tað. Um onnur siga, at tað er ómøguligt, nýt tað sum motivatión. Um onnur halda tær aftur, gev teimum fingurin og ger tað kortini. Tú kanst alt, og tú kanst nógv meir, tá tú hevur eitthvørt, sum heldur tær aftur kropsliga, tí tað snýr seg um at yvirliva, sigur Hanus Samró. Ein av dreymunum hjá unga hoyvíkingum, ið gjørdist veruleiki, var tá hann í 2011 saman við vinmanninum Rógva Mikkelsen stovnaði fyritøkuna Ó. – Nú havi eg eina lítla fyritøku, eg lívi mítt egna lív eg geri tað, sum eg havi hug til, og um nakar fortelur mær, at tað ikki ber til, og tað hendir lutfalsliga ofta, brúki eg tað sum motivatión. Akkurát sum við sjúkuni. Tað er eingin forðing. Tað er mín styrki, greiðir Hanus Samró frá. At liva við sjúkuni Fjúrtan ár eru liðin, síðan Hanus Samró fekk staðfest sjúkuna, og unga ítróttatalentið er nú vinnu­ lívsmaður, politikari, lesandi og rithøvundur og hevur lært at brúka sjúkuna til okkurt gagnligt. – Tað er ómøguligt at skilja meg og sjúkuna frá hvørjum øðrum. Eg livi við henni hvønn dag. Men sjálvt um hon hindrar mær í nógvum, er tað eisini hon, ið motiverar meg. Eg brúki vónbrotini til okkurt jaligt, sigur Hanus Samró, og leggur dent á, at hann er so nógv meira enn bara sjúkan. – Sjúkan er ikki Hanus Samró. Hanus Samró er Hanus Samró, soleiðis sum hann altíð hevur verið. Í dag kemur tað bara ikki til sjóndar í ítrótti, men eg kann so nógv meir nú, enn eg kundi fyri 10 árum síðan. Fór fullkomiliga í svart Samrøðan er um at enda, tá prátið fellur inn á framtíðina og útlitini fyri at enda í rullistóli. Hann er opin og erligur um støðuna. – Eg minnist einaferð, tá eg var og vitjaði mammu, at eg var eitt sindur ov seinur á flogvøllinum, og flogfarið var langt burtur. So tað mátti ganga skjótt fyri seg. Tá nyttaði ikki at vera treiskur, greiðir Hanus Samró frá. - Einki eitur forðing. Tú kanst alt, sum tú setur tær fyri. Trúgv upp á tað, sigur Hanus Samró, ið hevur álvarsomu sjúkuna vøddasvinn Vil brúka beinini sum longst DES Hallur á toppinum Countrysangarin Hallur Joensen, sum er fluttur til Danmarkar at búgva, ger um seg á Dansktoppen hjá Danmarks Radio, har hann í nógvar vikur hevur havt plás á listanum - nakrar vikur sum nummar eitt.. Sangurin kallast SOS fra mig, og teksturin er skrivaður av Jacob Haugaard. Á jólum vinnur sangurin aftur ovasta plássið á listanum. Gongur betur í PISA Nýggj PISA-kanning vísir, at fram­ gongd er í úrslitunum hjá føroysku skúlabørnum. Síðani 2006 hevur gingið støðugt rætta vegin, og úrslitið hesaferð er tað besta nakrantíð. Føroysku skúlabørnini fáa besta úrslitið innan støddfrøði, meðan tað framvegis er í náttúruvísind, at stóra takið skal takast fyri at betra støðuna. Gera nýtt hotell Sonevndu Kommandørhúsini yvir við Strond í Havn verða seld frá tí almenna til privatar eigarar. Jóhan og Lis í Niðristovu hava saman við familju keypt húsini, sum tey fara at umbyggja til hotell, ið skal hýsa 28 gestum. Tey ætla, at hotellið letur upp komandi summar. – Hetta verður ein kampur um lív ella deyð, men vit taka av avbjóðingini. Jóhanna á Bergi stjóri í Atlantsflogi, um kappingina við SAS – Tað besta hevði verið, um tørvurin als ikki var til staðar, at øll høvdu onkran at halda jól saman við. Nicolina í Lág Jøkladal sum saman við manninum heldur jól saman við einligum 2016