týsdagur 3. januar 2017síða 10

Mikudagur 4. januar 2017 · Nr. 2 10 Sosialurin Hugskot og viðmerkingar – send sms til 225000 SAMGONGUSKJALIÐ Nýggja samgongan: STØRRI FÓLKARÆÐI – GJØGNUM­SKYGNI OG OPINLEIKI Samgonguskjal millum Fólkaflokkin, Tjóðveldi og Framsókn í Tórshavnar býráð, býráðssamgongan 2017-2020 Eirikur Lindenskov Á tíðindafundi í gjár kunngjørdi nýggja samgongan í Tórshavnar býráð samgongu­ skjalið, sum vit prenta her á síðunum. Eisini greiddu tey frá, at tey ynskja sær, at Løgtingið fer at broyta kommunulógina soleiðis, at eitt sitandi býráð ikki kann taka stórar avgerðir aftan á býráðsvalið – áðrenn nýggja býráðið tekur við. Eisini vilja tey hava lógina broytta soleiðis, at ein varaborgarstjóri kann setast í starv. Tey skriva soleiðis í samgonguskjalinum: »Nýggja býráðssamgongan hevur sett sær fyri, at framtíðartryggja Tórshavnar kommunu. Samgongan setir fólkið fremst og tað er ­borgarin, ið skal vera í miðdeplinum. Sam­gongan stendur saman um at mynda býráðið og býráðsarbeiðið úteftir. Tórshavnar kommuna skal vera fevnandi og rúmlig og sum landsins tyngdarpunkt, skal hon vera ein kraftdepil við atdráttarmegi, ið røkkur út um kommunumark og landoddar. Skynsaman fíggjarpolitikk Tað eru borgarunum og vinnulívinum fyri at takka, at tað gongur væl í Tórshavnar komm­unu. Hetta merkir, at vit eiga at taka sum minst av tí, sum borgarans er. Tað er umráðandi at kveikja hugin at virka og arbeiða, soleiðis at kommunan alla tíðina mennist og megnar at bjóða dagførdar tæn­ astur. Somuleiðis er tað umráðandi, at tað er greitt fyri øllum, hvar teirra skattakrónur verða brúktar. Tí vilja samgonguflokkarnir: Leggja langtíðar ætlanir fyri løgur og rakstur At laga íløgur og rakstur til sveiggj í búskap­ inum. At tryggja, at verkløgini, sum kommunan stendur fyri, altíð eru væl fyrireikað og hava dygdargott eftirlit. At veita trygd fyri, at allar verkætlanir ikki einans verða fíggjaðar ísv nýíløgur, men eisini í framtíðarrakstri soleiðis, at okkara eftirkomarar ikki yvirtaka ein arv við stórum eftirsleipi. At gera greiðar reglugerðir fyri allar stuðul­sjáttanir hjá kommununi. At tryggja dygdargóða fyrisitingarliga grann­skoðan. At virka fyri útveiting av tænastum, har kommunan og borgarin kunnu fáa fyrimun. Tað er umráðandi, at almenningurin kann fylgja einum máli frá tí tað byrjar, til tað endaliga er avgreitt. Somuleiðis hevur tað týdning, at økja um tilvitanina hjá borg­ arunum um teirra leiklut í kommununi. Eldraøkið Samgongan raðfestir eldraøkið høgt í kom­ andi valskeiði. Fleiri átøk skulu tryggja góð­ an aldurdóm við virðiligum loysnum. Vit fara til verka í tveimum stigum: Fyrst og fremst leggja vit orku í at nøkta bráneyðuga tørvin á ymsu økjunum. Í øðrum lagi skulu vit nýhugsa og leggja upp fyri framtíðar demografiskum broyt­ ing­um, har tað verða færri á arbeiðs­mark­ naðinum í mun til eldri borgarar. Hóast kanningar vísa, at eldri fólk í Tórs­ havnar kommunu sum heild hava tað gott, so eru viðurskifti, har vit ikki eru komin á mál og ikki hava givið okkara eldru nøktandi umstøður. Vit skulu veita góða og tíðarhóskandi tænastu, við høgari dygd og trygd, sum sam­ pakkar við tað, ið okkara eldru ynskja. Fyri at gera eldraøkið viðkomandi fyri okkum øll sum borgarar og fyri at vekja áhuga og ábyrgdarkenslu, skal dentur leggjast á endurskoðan og nýhugsan í tøttum samstarvi við Eldraráðið, nærumhvørvið, avvarðandi, brúkarar, starvsfólk og fakfólk. Ein størri partur eigur at snúgva seg um tilboð um fyribyrging, soleiðis at okkara eldru varðveita likamligar og sálarligar førleikarnar sum longst og harvið fáa betri lívsdygd. Hetta kann gerast við at kommunan stuðlar undir verandi virksemi, so sum venjing, dagtilhald v.m. og samstarvar við og eggjar privatum og sjálvbodnum at taka stig til fleiri átøk fyri eldri. Samgongan fer at veita Heilsu- og um­ sorgar-tænastuni bestu umstøður at sam­ skipa og skapa dygdargóðar og haldførar tænastur, ið kunnu røkka ár fram í tíðina. Vit skulu dagføra ellisheim, bústovnar og sambýli og fáa til vega tørvandi búpláss og fáa eina betri heimatænastu. Vit fara at arbeiða miðvíst við at fáa til vega hóskandi vælferðartøkni innan eldra­ økið. Vit eiga at leggja upp til og skapa karmar fyri góðum starvsfólkaviðurskiftum, sum draga til sín dugnalig starvsfólk. Neyðugt er at útvega fleiri umlætt­ingar­ pláss til sjúklingar, ið eru liðugt viðgjørdir á sjúkrahúsi, eins og til at lætta um hjá av­ varðandi at røktarkrevjandi eldri, ið búgva heima. Okkara eldru borgarar hava tørv á ymisk­ um bústaðarloysnum. Valmøguleikin eigur ikki at vera millum eini stór sethús ella eitt pláss á røktarheimi. Tí er eisini neyðugt beinanvegin at kanna tørvin á íbúðum, vardum bústøðum, umlættingarplássum og røktarheimsplássum. Saman við landsmyndugleikum fer samgongan undir tilgongdina at útvega hóskandi høli til eitt hospice. Eldraráðið skal hoyrast og takast við uppá ráð í eldrapolitiskum málum. Trivnaðarøkið Bæði tann sálarliga og kropsliga fólkaheilsan er avgerandi fyri trivnaðin hjá borgaranum. Vit seta fólkaheilsu í brennidepilin við at skipa fyri heilsufremjandi og sjúkufyri­byrgj­ andi tiltøkum. Atkoma verður tryggjað øllum, úti sum inni. Væl skikkað starvsfólk geva borgarum, ungum sum eldri, góða og skipaða vegleiðing og upplæring, soleiðis at fólk sleppa at liva eitt heilsugott lív sum longst. Vit skapa karmar fyri og stuðla undir góð­ um og mennandi frítíðarvirksemi fyri fólki í øllum aldri. Integratión Samgongan arbeiðir fyri at tilmælini um integratiónspolitikk fyri Tórshavnar komm­ unu verða fylgd, og at tilboð fyri tilflytarar í kommununi verða raðfest og løgd í fasta legu. Integrasjónssamskipari verður settur at veita tænastur til tilflytarar, at savna og menna tilboð hjá landi og kommunum. Sum royndarætlan verður altjóða hús skipað at leiðbeina tilflytarum. Virkast skal fyri, at sjálvboðin, lesandi, eldri tilflytarar og onnur, ið kunnu/vilja hjálpa, taka lut. Virkað verður fyri at føroyskt undirvísing til tilflytarar á kvøldskúlanum verður ment. Kommunan skal ganga á odda við at bjóða starvsvenjing til tilflytarar á kommunalum arbeiðsplássum, sum lopfjøl til at hesi kunnu nýta teirra egnu førleikar. Bestu karmar til vinnulívið Fortreytin fyri fjølbroyttum vinnulívi eru góðir karmar og at vinnurekandi kunnu menna og vaksa um sítt virksemi. Sam­ gongan vil tryggja hesar karmar. Ítøkiliga merkir tað góðar atkomu­ møgu­leikar til handils- og vinnulív, hollar og skjótar málsviðgerðir og at kommunan er viðspælari at birta undir kreativar og nýggjar vinnur. Samgongan vil stimbra íverksetara­um­ hvørvið, eitt nú við betri hølisviðurskiftum og ráðgeving. Samgongan vil dagføra upplatingartíðir fyri veitingarstøð og matstovuvinnu soleiðis, at hesar verða tíðarhóskandi. Samgonguflokkarnir vilja tryggja fyri­ tøkum lættari og betri atgongd til kommu­ nalar arbeiðsuppgávur m.a. við brúki av út­ bjóðingarportali. Tað er umráðandi, at handils- og vinnulív fær greiðar og gjøgnumskygdar reglur í sambandi við útboð av verkætlanum. Kommunan eigur ikki at reka vinnu og vera kappingaravlagandi, men eigur hinvegin at stimbra undir støðugan vøkstur og skapa neyðugar karmar, so at tað gerst møguligt hjá nýggjum vinnuspírum at fóta sær. Rúmd verður givin fyri skapandi vinnum, sum kunnu verða grundarlag fyri nýggjum og spennandi átøkum. Hesi stimbra undir og draga fleiri skapandi kreftir til landið. Kommunan skal sum heild nýta føroyskar loysnir og keypa føroyskt, har tað er møgu­ ligt. Samgongan vil styrkja og menna ferða­ vinnuna og geva ferðafólki góðar upplivingar. Vit vilja virka fyri góðum ferðasambandi til bygdir og oyggjar í kommununi og saman við bygdarfólkunum menna ætlanir um at skapa og skipa t.d. ferðavinnutilboð. Sjóvinna og vinnur, knýttar at sjónum, skulu framhaldandi verða við til at menna høvuðsstaðin. Samgongan tekur undir við arbeiðinum at skipa okkum sum tilfeingisdepil í Norður­ høvum. Tí eru sjóvinnan og bryggju­ kanturin tvær síður av somu søk og hesum vinnumøguleikum sær samgongan vakstrar­ møguleikar í. Havnirnar í kommununi eiga áhaldandi at útbyggjast og betrast. Hetta skal gerast við varðsemi og við atliti til náttúrugivnu fortreytirnar.