týsdagur 3. januar 2017síða 11

11 Mikudagur 4. januar 2017 · Nr. 2 Sosialurin Hugskot og viðmerkingar – send sms til 225000 SAMGONGUSKJALIÐ Tórshavnar kommuna hevur nógvan landbúnað og tí skulu neyðug atlit takast til landbúnað í allari menning og víðkan av byggiøkjum. Eisini her skal kommunan verða viðspælari í sambandi við viðgerð av loyvum til virksemi og til útbyggingar. Mentamál: Dagstovnaøkið Øll børn hava rætt til ein tryggan og menn­ andi gerandisdag. Vit vilja gera íløgur í børnini og geva dagstovnunum betri rúmd til námsfrøðiligt innihald, trivnað og menning. Vit seta í verk námsfrøðiligu stevnumiðini hjá Mentamálaráðnum fyri allar dagstovnar og vilja endurskoða normeringina. Dag­ stovnar eru mentanarstovnar eins og fólka­ skúlar, og her skulu okkara yngstu fáa gott í beinið. Tryggleiki er hornasteinur í familjulívi, og vit vilja tryggja at familjuráðgeving verður veitt, har tað er tørvur á tí. Neyðugt er eisini at tryggja tíðarhóskandi og sterka barnavernd í Tórshavnar komm­ unu aftrat sterkum SSP-samstarvi. Starvsfólk á dagstovnum skulu hava virði­ ligar umstøður í einum mennandi starvsøki, og skulu hava møguleika fyri at fáa fult starv. Skúlaøkið Børn og ung í fólkaskúlaaldri skulu hava bestu kor. Stórar útbyggingar verða á skúla­ økinum í næstum. Gongd verður sett á, at byggja Skúlan á Fløtum beinanvegin. Musikkskúlin skal byggjast við Landa­ vegin beinanvegin. Kommunan skal verða virkin viðspælari at stuðla undir nýhugsan á skúlaøkinum, eitt nú so skúlarnir kunnu styrkja kreativu lærugreinirnar. Samgongan skal taka upp samráðingar við Mentamálaráðið um tíðarhóskandi, før­ oyskt frálærutilfar í fólkaskúlanum. Skapandi list, mentan og siðsøga í kommununi Íløgur í mentan og list, eru íløgur í okkara egna samleika. At kenna og vera partur av søguni, er ein virðismikil førningur og tí eiga søvn at verða sjónligir partar av høvuðs­ staðnum. Tórshavnar býarsavn skal koma í trygga legu eins og fornminnisframsýningin hjá Søvnum Landsins eigur at koma nærri miðbýnum. Hetta hevði gjørt savnið mun­ andi meira atkomuligt, bæði fyri føroyingar og útlendsk ferðafólk. Samgongan fer at arbeiða fyri, at Müllers Pakkhús verður sjóvinnusavn, sum lýsir sterka søguliga tilknýtið millum Havnina og havið. Klippfisk skal fáa góðar, fastar karmar at virka undir og samgongan fer at vera virkin viðleikari í at seta á stovn Filmshús í 2017. Listahús eigur at útvegast, har listafólk í kveikjandi umhvørvi kunnu fáa frið at skapa. Virðismiklu fornminnini í Kirkjubø skulu varðveitast, tí verður beinanvegin farið undir samráðingar við landsmyndugleikarnar um loysn við eini bakka- og brimverju. Yviri við Strond er einasta fiskastykkið, sum eftir er í Havn. Hetta eigur at verða varveitt og atkomuligt fyri almenningin. Framsøknan ítróttarpolitikk Ítróttur og rørsla hava stóran týdning fyri trivnaðin í kommununi. Møguleikarnir fyri ítrótti verða áhaldandi útbygdir bæði fyri breiddina og úrvalsítrótt. Tórshavnar kommuna skal kunna hýsa enn fleiri altjóða kappingum í høvuðs­ staðnum. Tí skulu umstøðurnar innan fleiri ítróttargreinir betrast, eitt nú innan svimjing og golf. Langhylur í Gundadali skal á fíggjar­ ætlanina og aðrar itróttargreinar eiga at raðfestast á langtíðar løguætlanina. Saman við Tórshavnar Golffelag verður farið undir at gera eina heildarætlan fyri golfvølli á Glyvursnesi. Havnar Telvingarfelagi skal tryggjast góð­ ar hølisumstøður. Góðar umstøður til hægri lestur, gransking, nýskapan og lesandi Í tilgongdini at gera Tórshavn til lestrarbý, er tað alneyðugt, at Fróðskaparsetur Føroya fær karmar at mennast. Býráðið fer at taka upp samráðingar við Setrið og Mentamálaráðið um hvussu partarnir best kunnu fáa gongd á at staðseta ein setursbý. Ferð skal setast á at útvega bústaðir til lesandi. Bráðneyðugur tørvur er á lestrar­ bú­støðum og neyðugt er eisini at finna hóskandi fyribilsloysnir, til tørvurin á lestrar­bústøðum er nøktaður við varandi loysnum. Tórshavnar kommuna skal í størri mun virka fyri, at samstarva við og hýsa gransk­ ingarverkætlanum, soleiðis at nýggjasta vitan innan kommunala fyrisiting kann koma borgarum til gagns. Ung fólk í Havn alt árið Trivnaður millum ung og nøktandi ung­ dómstilboð er neyðug fyritreyt, skal ung­ dómurin støðast. Ungdómurin eigur at fáa eitt savningar­ miðstað í miðbýnum, har listaspírar og íverksetarar kunnu blóma og mennast. Samgongan hevur sett sær fyri, at Tórshavnar Ungdómsráð verður styrkt til at kunna taka sær av málum, sum viðkoma ungdóminum. Byggi- og býarskipan og tekniska økið: Grøn orka, náttúra og umhvørvi Samgongan arbeiðir fyri at tilmælini um umhvørvispolitikk - Grøna leiðin - fyri Tórs­ havnar kommunu verða fylgd. At stimbra grønar orkuloysnir og verja náttúruna ímóti dálking og ovurnýtslu, skal verða aðalmálið í øllum kommunalum virksemi. Ein framtíðar orkuætlan og orku­poli­ tikkur verður gjørdur fyri alla kommununa. Allir nýbygningar og umvælingar av almennum bygningum í Tórshavnar komm­ unu skulu byggja á grønu hugsjónina um varandi orkukeldur. Fjarhitaskipanin eigur at knýtast upp í skipanirnar við varandi orkukeldum sum eitt nú jarðhita og sjóvarhita. Kommunan fer beinan vegin undir neyva stýring av innkeypi, soleiðis at hugsað verður um grønar loysnir í øllum viðurskiftum. Tórshavnar kommuna eigur at slóða fyri í umhvørvismálum og eggja til, at fleiri fara at nýta kommunalu Bussleiðina. Tey grønu økini og frílendini í kommununi verða varðveitt og náttúrufriðað. Tey skulu verða meira atkomulig við høgligum lendis­ gøtum. Kommunan eigur eisini, eftir mið­ vísari ætlan, at planta fleiri trø og lýsa skógfriðað øki. Byggi- og býarskipan Bústaðartørvurin skal nøktast. Vit taka um endan og leiða arbeiði, at fáa alternativa, fjøltáttaða bygging framda. Allar byggisamtyktir verða beinanvegin gjøgnumgingnar og dagførdar. Skipað verð­ ur fyri, at lætt er at hava yvirlit yvir byggi­ samtyktirnar og líknandi reglur – eisini soleiðis, at borgarin hevur møguleika at skilja tær. Almennar hoyringar í samband við broytt­ ar byggisamtyktir skulu uppraðfestast. Langtíðarætlan skal gerast til viðlíkahald av øllum kommunalum ognum; bygningum, vegakervi, leiðingum o.ø. Kommunuætlanin treingir til dagføring og farið verður undir at fyrireika hetta. Byggireglugerðin fær tillutað neyðugu arbeiðsorkuna, soleiðis at øll framtíðar bygging fær betri góðsku. Gjørdar verða varðveitingar- og menning­ ar­ætlanir fyri bygdirnar í kommun­uni. Frílendisætlanin Boðanes, Hoydalar, Ternu­ryggur og Havnardalur verður sett á dags­skrá. Býarskipanin fyri miðbýin verður dagførd og ein ætlan, við framtíðini í huga, verður gjørd, ið tryggjar at bæði bústaðir, handils- og vinnulív, almenn fyrisiting og mentartilboð fáa innivist. Tekniska nevnd Vatnveiting og vatngóðska í allari komm­ ununi skal dagførast og sama ger seg galdandi við yvirflatuvatni og kloakskipanum Endalig loysn skal finnast til vegainn­ føringina frá Eysturoyartunlinum. Langtíðarætlan verður gjørd fyri røkt og haldi av øllum vegum og gongubreytum í kommununi. Ferð skal setast á at gera fleiri súkklu­ breytir og skulu tær í størri mun gerast burtur frá bilaferðsluni. Alneyðugt er at útvega fleiri parkerings­ pláss í býnum. Tí verður beinanvegin farið undir at fyrireika og finna loysnir. Farið verður undir at víðka tænastuna við Bussleiðini, soleiðis at Bussleiðin verður eitt veruligt alternativ til bilin. Samgongan fer í framhaldi av nullhug­ sjónini seta í verk ferðslutrygdarætlan fyri kommununa eftir skipaðum leisti á lang­ tíðarløguætlanini. Oyggjar og bygdir Bygdirnar eru týðandi partur av Tórshavnar kommunu. Fólkið, ið her býr, eigur rætt til somu kor og tænastur sum fólkið í býnum. Valdar eru 6 staðbundnar nevndir um­ boðandi Kaldbak, Kollafjørð, Nólsoy, Hest/ Koltur, Kirkjubø/Velbastað og Hvítanes. Staðbundnu nevndirnar skulu hava størri leiklut í kommunala arbeiðinum. Umráðandi er at reka ein virknan politikk í bygdunum og samstundis virða teirra ser­ eyðkenni. Vit fara at gera íløgur í bygdirnar soleiðis, at tær byggitøkniliga verða dagførdar og átøk skulu eisini gerast fyri trivnaðin. Ein framtíðar menningar- og virk­semis­ politikkur verður gjørdur fyri oyggjar og bygdir í kommununi. Vetrarfriðing verður framd, har ynski er um tað. Umráðandi er, at fólk sleppa at seta búgv í bygdunum. Møguleiki skal vera fyri at keypa grundstykki fyri ein rímiligan prís eins og í øðrum bygdum í landinum. Tá nýggjur sáttmáli verður gjørdur um Bussleiðina, skal hendan tænastan eisini betrast fyri bygdirnar. Í Havn 30. desember 2016 Annika Olsen Gunvør Balle Bergun Kass Marin Katrina Frýdal Jákup Dam Turið Horn Bogi Andreasen