mánadagur 9. januar 2017síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 9. januar 2017 · Nr. 4 Vilmund Jacobsen Tað var um middagsleitið leygar­ dagin, at garnaskipið Vesturland hjá reiðarínum Thor í Hósvík sendi út neyðarkall, tí eldur var frammi undir bakkanum á skipinum. Teir 10 menninir, sum vóru á garnaveiði eftir havtasku á Føroya Banka, kundu ikki vera har frammi í skipinum, tí har var so nógvur hiti, og tí savnaðust teir allir uppi á brúnni. MRCC sendi bjargingartyrlu hjá Atlantsflogi, vaktar- og hjálp­ar­skipið Brimil og danska sjóverju­skpipið Vædderen á leiðina. Nærmastu føroysku fiski­ skipini vóru Tróndur í Gøtu og djúpvatnstrolararnir, Niels Pauli og Steintór. Bæði Brimil og Vædderen høvdu nakrar tímar at sigla, áðrenn teir kundi verða á knattastøðuni hjá Vesturland. Líkindini hjá bjargingartyrluni at fara úr Vágum vóru einki serlig, men lukkutíð slapp tyrlan avstað, og hjá bjargingarfólkunum við tyrluni tók tað umleið 40 minuttir at flúgva út á leiðina, har skipið framvegis lá og brendi. Alt gekk væl Við hepnari hond eydnaðist tað tyrlumanningini at fáa allar 10 menninar av Vesturland í øllum góðum. Hin seinasti maðurin, sum varð tikin av skipinum, var sjálvur skiparin, Snæbjørn Berg úr Hovi, og tá var klokkan 14.10. Bjargingartyrlan hjá Atlantsflogi lendi við Landssjúkrahúsið við manningini klokkan 14.40. Fyrstu útsagnirnar søgdu, at mann­ingin eftir umstøðunum hevði tað gott, men onkrir høvdu fingið royk í seg. Tí skuldu teir kannast á Landssjúkrahúsinum. Eftir at manningin var fingin av skipinum, rak Vesturland fyri vág og vind, til tað seinni eydnaðist manni á Brimli at sleppa umborð og seta fast á skipið. Brimil kom á Skála við einum uppkolaðum Vesturland í morgun. Allir hava tað gott Hans Andrias Kelduberg, reiðari, sigur, at eftir kanningar á Lands­ sjúkrahúsinum er greitt, at allir menninir, sum vóru við Vesturland, hava tað gott, og tíbetur hevur eingin fingið varandi mein. - Hetta er ógvuliga keðiligt, men vit prísa okkum lukkuligar fyri, at eingin mansskaði hendi. At eldurin kyknaði, meðan dagur og ljós var, hevur gjørt bjargingararbeiðið nakað lættari. Reiðarin sigur, at hann er manningini á bjargingartyrluni ógvu­liga takksamur fyri, at teir bóru so skjótt at - og av øllum, at tað eydnaðist teimum so hegnisliga at bjarga allari manningini av skipinum. - Nú liggur skipið á Skála, og eingin sleppur umborð, fyrr enn kanningararbeiðið er gjørt. Vit vita ikki, hví eldur kom í skipið, men hetta fara so kanningarfólk at taka sær av. Eg vænti, at kanningar­ arbeiðið fer at taka nakrar dagar. Hans Andrias Kelduberg dugi ikki at siga, hvussu verður við skip­ inum, sum at síggja til er uppkolað. Gott og ringt Hans Andrias Kelduberg sigur, at hann fekk fráboðan um eldin umborð á Vesturland um middagsleitið leygardagin - ella ein tíma, áðrenn móttøkan skuldi vera á Vestaru Bryggju fyri Hoyvík. Men, hvussu kendist tað so hjá reiðaranum at hava móttøku á bryggjuni fyri nýggjum skipi, samstundis sum eldur var í øðrum skipi hjá honum, og 10 mans vóru í óvissu. - Tað var ógvuliga trupult, og vit vónaðu sjálvsagt tað besta. At vita, hvussu til stóð umborð á Vesturland, samstundis sum vit skuldu hátíðarhalda Hoyvík, gjørdi, at kenslurnar hesa løtu vóru ógvuliga blandaðar, sigur Hans Andrias Kelduberg, reiðari. - Eg fekk fráboðan um eldin umborð á Vesturland um middagsleitið leygardagin - ella ein tíma, áðrenn móttøkan skuldi vera á Vestaru Bryggju fyri Hoyvík, sigur Hans Andrias Kelduberg, reiðari Eingin fingið varandi mein SKIPSBROT