hósdagur 12. januar 2017síða 25

FRÍGGJADAGUR 13. JANUAR 2017 SOSIALURIN 6 25 Úrslitið av amerikanska forsetavalinum hevur elvt til stúran um allan heim, sum m.a. sæð í hesi tekningina hjá Christian Bloom, ið bleiv prentað í norska blaðnum VG síðsta vikuskiftið, men hevur síðan gingið sína sigursgongd um allan heim. ein politiskur vinningur fyri Obama, tí so kann hann vísa á, at hann hevði rætt, sigur Tóri Højgaard. Drap bin Laden Umframt at hava fingið búskapin í rættlag og fingið Obamacare samtykt, so eru tað eisini fleiri onnur mál, ið fráfarandi forsetin kann gleðast yvir. Tað var millum annað undir hansara tíð sum forseti, at ameri­ kanski hægsti rættur staðfesti, at hjúnabandið eisini fevnir um tveir persónar av sama kyni. – Hóast tað ikki var eitt av málunum, ið Barack Obama førdi fram í valstríðnum, so er tað eingin ivi um, at bæði hann og demokratiski flokkurin síggja tað sum ein sigur. Tað var m.a. eyðsýnt, tá hann lýsti æla­ bogalitirnar á Hvítu Húsini, sigur Tóri Højgaard. Tað er tó á uttanríkispolitiska pallinum, at ein tann størsti sig­ urin hjá fráfarandi forsetanum kann finnast. – Hann var forsetin, ið drap Osama bin Laden. Tað er ein fjøður í hansara hatti, at hann megnaði at drepa størsta fígg­ indan hjá USA, sigur Tóri Høj­ gaard. Brotin lyftir Hóast 44. forsetin sostatt kann fegnast um sigrar á fleiri økjum, so eru tað eisini fleiri mál, har forsetin ikki megnaði at liva upp til stóru orðini, metir Tóri Højgaard. – Sum heild hevur Barack Obama ikki megnað at livað upp til tað, ið hann varð valdur uppá. Hann lovaði millum annað at steingja Guantanamo fangaleguna, men átta ár seinni er hon enn opin. Hann lovaði at eina nýggja kós í altjóða politikki við færri kríggjum, men USA hevur aldrin verið partur av so nógvum kríggjum sum nú, sigur Tóri Højgaard. Størsta vónbrotið er tó mangl­ andi eginleikin at savna eitt tvíbýtt politiskt samfelag. – Hann førdi seg fram við slagorðinum: ”Change you can believe in,” og vildi gera upp við politisku ósemjurnar. Man skuldi steðga at tosa um politikk og egin áhugamál, og heldur hugsa um hvat var best fyri landið, sigur Tóri Højgaard, og heldur fram. – Men tað er nokk langt síð­ an, at demokratarnir og repu­ blikanararnir hava verið so ósamdir sum síðstu átta árini. So at broyta politiska klimaið, ið hann snakkaði um, megnaði hann aldrin. Manglandi royndir Tóri Højgaard metir, at ein av størstu vansunum hjá Barack Obama hevur verið, at hann hevði sera avmarkaðar royndir í politikki, tá hann varð valdur sum forseti. – Tá hevði hann bara verið senatorur í Illinois í eitt skeið. So hann hevði ongar royndir og tað sást aftur. Hann hevur havt trupult at fáa mál gjøgnum og hevur klárað seg illa í politisku telvingina. Tað hevur verið ein veikleiki øll árini, sigur Tóri Høj­ gaard. At tað verður Donald Trump og ikki Hillary Clinton, ið verður tikin í eið sum forsetin 20. januar, má fráfarandi forsetin eisini taka part av skyldini fyri, metir Tóri Højgaard. – Hillary Clinton førdi seg fram sum ein, ið fór at halda fram við politisku kósini hjá Barack Obama. Men tann kósin var ikki serliga væl dámd. Tað eru longu tvey ár síðan, at demokratarnir mistu meirilutan í Senatinum, meðan teir mistu meirilutan í Umboðsmannatinginum í 2011. Í alt hava demokratarnar mist yvir 1.000 í amerikanskum politikki í tíðini hjá Barack Obama. So hóast hann hevur verið væl umtóktur, so hevur veljarin vrakað førda politikkin, vísir Tóri Højgaard á. Eigur pláss í søgubókunum At Barack Obama eigur eitt ser­lig pláss í søgubókunum er Tóri Højgaard tó ikki í iva um, men vísir á, at fólk vanliga ikki minnast forsetar fyri teirra poli­ tikk, men onnur viðurskiftir. – Í dag minnast við ikki hvønn politikk Richard Nixon førdi, men fyri Watergategøluna og at hann eftirfylgjandi legði frá sær. Vit minnast John F. Kennedy fyri Kubakreppuna og at hann varð skotin, meðan Lyndon B. Johnson var hann, ið tók við eftir Kennedy. Politisku avrikini verða vanliga gloymd eftir nøkur ár, sigur Tóri Højgaard. Hvat eftirtíðin fer at minnast Barack Obama fyri er Tóri Høj­ gaard ikki í iva um. – Hann var tann fyrsti svarti forsetin. Tey politisku avrikini, ið ikki vóru nógv meira enn miðal, fara fólk at gloyma so líðandi, sigur Tóri Højgaard. HALLUR@SOSIALURIN.FO Hann hevði ongar royndir og tað sást aftur. Hann hevur havt trupult at fáa mál gjøgnum og hevur klárað seg illa í politisku telvingina