hósdagur 12. januar 2017síða 29

FRÍGGJADAGUR 13. JANUAR 2017 SOSIALURIN 6 29 vengur. Hin møguleikin er, at verjan kemur út og so er møguligt spæla inn á strikuna, greiðir liðskiparin, Tróndur Kragesteen frá. Kýpros er fyrsta royndin Bæði Kýpros og Grikkaland lendu mikukvøldið. Spælararnir hjá Kýpros koma í høllina, meðan Kári Nielsen og Birgir Hansen leggja seinastu hond á venjingina. – Vit hava sæð sjónbandabrot av teimum, tá teir spældu móti Ísrael herfyri. Tað kom væl við, tí vit sóu at teir spæla nógv við sjey mans í álopsstøðu, sigur Birgir Hansen. At spæla við sjey í álopsstøðu merkir, at liðið velur at skifta málverjan út, tá liðið fer í álop. Tað gevur ein spælara í yvirtal í álopsstøðu, men revsingin er hørð, um mótstøðuliðið fær fatur á bóltinum, áðrenn hitt liðið megnar at skifta málverjan innaftur. – Tað vóru vit ikki fyrireikaðir upp á, at teir gera. Tað eru vit nú, sigur landsliðsvenjarin og leggur afturat: – Raka vit dagin, so er hetta eitt lið, sum vit heilt víst kunnu spæla upp ímóti, sigur Birgir Hansen. Liðskiparin, Tróndur Krage­ steen, er eisini til reiðar at spæla móti Kýpros fríggjakvøldið. – Teir eru á einum stigi, har vit kunnu verða við. Teir spæla ein ágangandi spælistíl, verja við nógvari kropsstyrki og ræðast ikki at berjast, sigur Tróndur Kragsteen og leggur afturat: – Eg havi ikki spælt á heimavølli í langa tíð. Hetta verður ótrúliga spennandi og stuttligt at verða partur av, sigur hann at enda. Um lagið er nakað at meta eft­ ir, so hevur A-landsliðið góðar møguleikar. Nú spurningurin um teir klára at endurtaka bragdið hjá U21 landsliðnum. TRONDUR@SOSIALURIN.FO Hópurin: Lars Larsen Black, ÍF Føroyar Ári Egason Dam, H71 Niklas Simonsen, Skjern Håndbold Rókur Akralíð, ÍF Føroyar Hjalti Mohr Jacobsen, Kyndil Helgi Hildarson Hoydal, H71 Tony Hammer Weyhe, KÍF Bogi Gaard Davidsen, H71 Rúni Joensen, KÍF Tróndur Kragesteen, ÍF Føroyar Nicklas Selvig, TMS Ringsted Allan Norðberg, StÍF Andrias Eriksen, VÍF Kjartan Johansen, Team Sydhavsøerne Julian Olsen, VÍF Hans Eli Sigurbjørnsson, KÍF Rói Lamhauge, VÍF Fríði Hammer Weyhe, KÍF Venjarar: Birgir Hansen Kári Nielsen Bogi Henriksen Liðleiðari: Jákup Durhuus Fysioterapeut: Beinta Bendix Laursen Skráin: Fríggjadagin 13. jan Kl. 20.00 Kýpros - Føroyar Leygardagin 14. jan Kl. 18.00 Grikkaland - Kýpros Sunnudagin 15. jan Kl. 16.00 Føroyar - Grikkaland Helgi H. Hoydal er ein av fýra U21 landsliðsspælarum, sum eru á A-landsliðnum Kjartan Johansen, sum spælir í Danmark, er ein av fýra U21 landsliðsspælarunum