hósdagur 19. januar 2017síða 29

FRÍGGJADAGUR 20. JANUAR 2017 SOSIALURIN 9 29 TRÓNDUR ARGE M arco van Basten er tríggj­ar ferðir kosin til heimsins besta fót­bóltsspælara. Hann eigur eisini eitt tað flottasta málið í heimssøguni, tá hann í EM finaluni í 1988 bankaði bóltin í handara síðunet úr spíksum. Málið er endurspælt óteljandi ferðir. Í septembur heitti altjóða fótbóltssamgongan á Marco van Basten, um at blíva tekniskur stjóri í FIFA. Hann tók av og hevur síðani arbeitt við møguligum broytingum í fótbóltsheiminum. Nú hevur hann víst á nakrar broytingar – og tað er ikki hissini broytingar, sum hann er kemur við. Millum annað heldur heimsins besti fótbóltsspælari frá 1988, 1989 og 1992, at regulin um rangstøðu skal ógildast. Orsøkin er, at liðini í dag hava ov lætt við at verja. – Tú sær í dag fótbóltslið spæla við níggju monnu í verju­støðu, meðan tað er torført hjá áleyp­ andi liðnum at skora. Um ong­in rangstøða er við, so kunnu spæl­ar­ ar­nir renna innum verj­una áðrenn, og har við fáa fleiri møgu­leikar, sig­ ur Marco van Basten mill­um annað við týska Bild. Tað er ongin ivi um, at hetta er størsta broytingini í heimsfótbólti í longri tíð, um hon gerst veruleiki. Skulu spæla færri dystir Marco van Basten er sannførdur um, at fótbóltsspælarar í dag spæla ov nógvar dystir. Í hesum døgum er ikki óhugsandi, at teir bestu spæla upp ímóti 80 dystum upp á eitt kappingarár. Eg havi tosað við venjarar kring heim­in. Teir ynskja ikki fleiri dyst­ ir, men betri dystir. Tað kunnu vit tryggja, við eitt at seta eitt loft fyri hvussu nógvar dystir ein spælari kann spæla, sigur Marco van Basten. Hann vísir á eitt nú Lionel Messi úr Barcelona og Cristiano Ronaldo úr Real Madrid, sum spæla nógvar dyst­ir, men at vit helst ynskja at síggja teir spæla við yvirskoti. Hann heldur eisini, at tíðin er røtt at kjakast um skipanina í Ongland og Frakland, sum bæði hava tvær steypakappingar. Brotsspørk skulu dribblast Framherjin við framúr góða skot­ inum heldur eisini, at brots­spørk­ini skulu avtakast. Tað er ov til­vild­ar­ ligt hvør skorar og hvør ikki skorar. Tí heldur Marco van Basten, at vit skulu til at dribbla úr 25 metrum, og tú hevur átta sekund at skora. Tá er tað meiri upp til evnini hjá spæl­ar­anum at avgera, um hann skor­ar, heldur Marco van Basten fyri. Hetta bleiv roynt í Major League Soccer mitt í 90 unum. Bara liðskiparin tosar við dómaran Ein afturvendandi trupulleiki í fót­bólti eru vánaligir dómarar, ið ikki døma sum spælararnir vilja. Tí hava spælararnir ongan annan møgu­leika at sverta dómaran til. Tað passar sjálvandi ikki, men tað er ein afturvendandi trupulleiki, at spæl­arar ikki duga sær hógv, tá teir sam­skifta við dómaran. Upp til fleiri ferðir er reglugerðin herd, men tað er framvegis ein trup­ulleiki. Í rugby er reglugerðin, at tað bara er liðskiparin, ið hevur loyvi at tosa við dómaran. Hetta heldur Marco van Basten eisini er eitt gott hug­skot í fótbólti. Aðrar broytingar Somuleiðis skal eitt lið kunna gera fleiri útskiftingar enn tær tríggjar, sum eru loyvdar nú, tá farið verður til longda leiktíð. Hann heldur eisini, at ein verju­ spæl­ari, eins og í kurvabólti, bara skal kunna gera eitt ávíst tal av frí­spørkum. Eitt nú fimm fríspørk, so skalt tú út, men ein annar kann koma í títt stað. Av øðrum kunnu nevnast, at ein spæl­a­ri skal út í tíggju minuttir fyri gult kort, og at talan verður um effektiva spælitíð seinastu tíggju minuttirnar, so drál verður komið til lívs. Her er tankin, at bólturin ikki skal liggja stillur longri enn tíggju sekund á gangin, áðrenn spælið skal takast upp aftur. Nú verður spennandi at fylgja gongdini í hesum málinum, tí tað kemur heilt víst at broyta fótbóltin, sum vit kenna hann í dag. Tó er væntandi, at Marco van Basten og hansara stuðlar fáa nógva mótstøðu, tí fótbólturin er tiltikin siðursvandur. trondur@sosialurin.fo Rangstøðan út Marco van Basten, teknsikur stjóri í FIFA, ynskir at gera tíggju broytingar í fótbóltslógini. Onkrar av broytingunum eru einki minni enn kollveltandi Marco van Basten: Listin hjá Marco van Basten leggur upp til 1. Ongin rangstøða 2. Ávíst tal av fríspørkum fyri hvønn spælara 3. Effektiv spæltíð frá 80. minutti 4. Gult kort merkir út í tíggju minuttir 5. Brotsspark verður ein dribbling frá 25 metrum 6. Bara liðskiparin hevur lov at tosa við dómaran 7. Fleiri útskiftingar í longdari leiktíð 8. Færri dystir 9. Færri spælarar á vøllinum í yngri deildunum 10. Flúgvandi útskiftingar í ungdómsdeildunum Um reglarnir koma í gildi, so verður verri at steðga Lionel Messi Marco van Basten Polfoto Petur Reinert í kjaki við spælarar