mánadagur 23. januar 2017síða 13

13 Mánadagur 6. januar 2014 · Nr. 2 Sosialurin Mánadagur 23. januar 2017 · Nr. 10 Hugskot og viðmerkingar – send sms til 225000 FØROYSK HEIÐURS­ MERKI Í LYNGBY Føroyskir svimjarar gjørdu um seg í Lyngby Open um vikuskiftið. Kurvabólturin er farin á rull, fult umfar hevur verið í kvinnuflogbólti og rennikapping hevur verið í Vágum Pætur Albinus BADMINTON Dagarnar 1. og 2. apríl verður skipað fyri Junior Faroe Islands Open, sum Badmintonsamband Føroya & Klaksvíkar Badmintonfelag skipa fyri. Hetta er ein altjóða kapp­ing fyri árgangirnar U17 og U15. Kapp­ ingin verður í badminton­høllini í Klaksvík, og tilmeldingar­freistin er sett at vera 1. mars. Flogbóltur Fult umfar skuldi vera í meistara­ deildini hjá kvinnum hetta viku­ skiftið, men dysturin ímillum Drátt og Mjølnir bleiv útsettur. Leygar­dagin dystaðust Fleyr og ÍF í Gundadalshøllini, og her vunnu havnagenturnar 3-0-sigur eftir settúrslitini 25-19, 25-16, 26-24. Í Trongisvági var spennandi dystur ímillum tveir av eltarunum hjá oddaliðnum, Drátti, nevniliga TB og KÍF. Her vann TB 3-1. Settúrslitini vóru 25-17, 20-25, 25-21, 25-16. Triði dysturin var í Sørvági ímillum SÍ og Ternan, og her vann heimaliðið greiðan 3-0-sigur. Settúrslitini vóru 25-12, 25-17, 25-23. TB hevur nú lagt seg undir liðina á KÍF á øðrum plássi. Tey bæði hava 17 stig, meðan oddaliðið Dráttur, sum hevur ein dyst tilgóðar, hevur 19 stig. Kom­ andi leygardag bresta Dráttur og TB saman á Giljanesi. FR. ÍTRÓTT Fjórða umfar av árligu TF-vetrar­ kappingini varð runnið vesturi í Vágum leygardagin, har tey í opna bólkinum runnu ein tein, ið var knappar 12 kilometrar. Øll tey kendu vóru ikki við – Jan Elmar Sørensen er á venjingarlegu í Suðurafrika og Marnar Djurhuus er skaddur – og tað skuldi vísa seg at gerast ein dystur ímillum tveir brøður, nevniliga Eirik og Andrias Hansen, sum tó høvdu leingi við at rista tann unga Julian Gregersen av sær. Andrias fekk at enda eitt hol og vann við 10 sekundum ímóti bróðurinum. Julian bleiv nummar trý. Hjá kvinnunum vann Rebekka Fuglø, sum er í stórformi, frammanfyri veteranin Rigmor N. Arge. Annika Thomsen bleiv nummar trý. Hjá gentum vann Maria Biskopstø, hjá dreingjum Hans Eihilt Sivertsen og hjá ung­ lingum Julian Gregersen. Fimta umfar verður í Hoydølum um tvær vikur. Tá verður samstundis FM í lendisrenning. HONDBÓLTUR Danski hondbóltsvenjarin, Henrik Gerster, sum hevur verið venjari hjá Stjørnuni, H71, Kyndli, VÍF og í Hondbóltssambandi Føroya, skiftir í næstum til danskan hond­ bólt, har hann skal standa á odda fyri mansliðnum hjá Odder Hånd­ bold, ið heldur til í næstbestu deildini. Henrik Gerster er giftur og búsitandi í Føroyum, men er í løtuni venjari í Noregi. Sum skilst, so flytur hann til Odder at búgva seinni í vár. Málsetningurin hjá felagnum sigst vera, at tað ætlar sær upp í bestu deildina. Í løtuni er liðið á 8. plássi í næstbestu deildini. JUDO Fríggjakvøldið skipar Judo Før­ oyar fyri almennum fyrilestri um aldurstillagaða venjing av børn­um og ungum. Tað verður ein av fremstu serfrøðingum og gransk­arum í Svøríki, Michail Tonkonogi, sum heldur hendan fyrilesturin. Hann hevur svart belti í judo, men Judo Føroyar sigur, at fyrilesturin er sera viðkomandi fyri allar ítróttargreinar, og at øll eru vælkomin. Fyrilesturin, sum er ókeypis, verður í skálanum í Eystur­skúlanum fríggjakvøldið kl.19.00. KURVABÓLTUR Landskappingin er farin á rull aftur, og leygardagin var grannauppgerð ímillum havnafeløgini Sporðdrekan og Hamar. Sporðdrekin legði best frá landi og varðveitti leingi eina rímiliga leiðslu. Hálvleiksstøðan var 26-23. Í triðja fjórðingi økti Sporð­drekin til 41-31, áðrenn Hamar kom við einum mótsvari í sein­asta fjórðingi og fór at verja álops­kent. Teir megnaðu tó ikki meira enn at pynta um úrslitið í dystinum, sum Sporðdrekin vann 50-46. Fríði í Geil Jensen var toppskjútti hjá Sporðdrekanum við 19 stigum, meðan veteranurin Pól Jakobsen somuleiðis fekk 19 fyri Hamar. Ravnur av Toftum hevur fult stigatal eftir fyrstu tríggjar dystirnar, meðan Sporðdrekin og Hamar hava eitt stig í part. SVIMJING Føroysk luttøka hevur verið í Lyngby Open um vikuskiftið. Longu fyrsta kvøldið gjørdi Óli Mortensen bart og vann gull sann­ førandi í 400m frí við tíðini 4:03.15 frammanfyri ein annan føroying á flatlondum, Frans Johannessen, ið vann silvur við tíðini 4:07.84. Óli vann eisini gull í 400m blandað við tíðini 4:41.61, ið annars er nakað frá føroyska metinum 4:30.17 hjá Alva Hjelm. Á tí nakað styttri teininum, 200m frí, var Frans hin kvikasti og vann gull við tíðini 1:55.49, meðan Alvi Hjelm fekk bronsu við tíðini 2:00.43. í 200m bringu var Alvi eitt lítið sekund frá gullinum. Hann fekk silvur við tíðini 2:30.86. Leygar­kvøldið vóru Alvi og Frans eisini í finalum, og tá bleiv tað til eitt bronsuheiðursmerki í part – Óli við 26.48 í 50m firvald og Frans við 25.17 í 50m frí. Á seinasta kappingardegnum, sunnudagin, gjørdist tað til nøkur heiðursmerki til Frans Johannessen. Hann vann gull í 200m blandað við tíðini 2:13.56, silvur í 50m bringu við tíðini 30.25, silvur í 100m frí við tíðini 54.97 og bronsu í 50m frí við tíðini 25.07. STUTTSØGD TÍÐINDI Henrik Gerster fer nú aftur til heimlandið Frans Johannessen gjørdi bart í Lyngby Eirikur megnaði ikki at fanga bróðurin (savnsmynd)