týsdagur 24. januar 2017síða 22

Mikudagur 25. januar 2017 · Nr. 11 22 Sosialurin Hugskot og viðmerkingar – send sms til 225000 DÁMAR TÆR AT SKRIVA SO VEL MIÐLAHÚSIÐ Vit fýra, Anna Lindenskov Schiller, Elisabet Holm Simonen, Janita Sivertsen og Jóhanna Óladóttir Joensen, hava verið tvær vikur í starvsvenjing á Miðlahúsinum. Vit hava verið í rættinum til sjóforhoyr, á løgtingsfundi, vitjað aðrir starvsnæmingar og mangt annað. Eisini hava vit skrivað fleiri greinar til in.fo og í Sosialin. Tað hava verið tvær stuttligar og læruríkar vikur, og okkum dámdi væl. Um tú hevur áhuga fyri miðlum og ert sjálvstøðugur, og tær dámar at skriva, vilja vit viðmæla tær at fara í starvsvenjing í Miðlahúsinum. 15 ára gamli Djóni Æðustein Lias­ son og 16 ára Beinir Erlendson Simonsen fóru mánadagin 9. januar í starvsvenjing hjá Siggert Paturs­son, bónda í Hoyvík. Her hava teir seinastu 14 dagar­nar sópað, fórðað, vaskað og upplivað bóndalívið. Teir lótu væl at og viðmæla øðrum við áhuga at fara í starvsvenjing har. Djóni og Beinir fóru til Siggert Patursson, bónda, tí teir vildu royna okkurt nýtt og spennandi. Djóni hevði kunnað hugsað sær at fingið eitt lærupláss sum bóndi. Meðan Beinir heldur vildi royna upplivingina. Arbeiðsdagurin er heldur longri enn á øðrum starvsplássum. Hann byrjar á morgni klokkan 8 og endar um 17-18 tíðina á kvøldi. Hóast hetta dámar teimum væl. Hava roynt bóndalívið Næmingar í spennandi starvs­venjingar­ plássum Í níggunda og tíggjunda flokki hevur verið vanligt hjá næm­ingum at farið í starvsvenjing í tvær vikur. Næmingarnir velja eftir egnum áhuga hvagar teir fara. Summi arbeiðspláss eru sera glað fyri starvsnæmingar og taka væl ímóti teimum. Meðan onnur ikki taka starvsnæmingar inn. Nøkur arbeiðspláss eru meira eftirspurd enn onnur, tí kann tað vera ringt at sleppa inn á summi støð. Nakrir næmingar velja støð, ið teir kundi hugsað sær at fingið sum frítíðararbeiði. Onnur velja okkurt, sum tey høvdu kunnað arbeitt við seinni í lívinum, og aðrir velja okkurt, sum teir bert vilja royna. Vit hava gjørt samrøður við nakrar floksfelagar, sum hava verið á ymsum áhugaverdum støðum. Tey eru: Andrias Nolsøe, Beinir Erlendsson, Djóni Liasson, Iris Jónleifsdóttir, Durita Dam Slættanes og Páll Rubek Joensen. Tey hava øll valt spennandi støð, og tey hava greitt okkum frá teirra uppliving.